Bɔ bɛ̀rɛbaa nɛ 17:7 - LAWA A BOO SONBORE 2011

⁷ Á bɛa bǎã kɛ lɛ bíi mà Maasaa ka Meribaa, bɛn giala mà "Damagɔ́ɔ̃ li" laanka "Zia da ma-a". Izirayeli nɛnyaanan zia kɛ lɛ a lɛa, ka ǹ da Lawa gɔ́ɔ̃ li kɛ nɛ, bɛ̀ ǹ bɛ́ ǹ nə́ pɛ mà Dɛnaa lɛ tá ǹsɛn bii hinlaa a banban.

LAWA A BOO SONBORE

⁷ Á bɛa bǎã kɛ lɛ bíi mà Maasaa ka Meribaa, bɛn giala mà "Damagɔ́ɔ̃ li" laanka "Zia da ma-a". Izirayeli nɛnyaanan zia kɛ lɛ a lɛa, ka ǹ da Lawa gɔ́ɔ̃ li kɛ nɛ, bɛ̀ ǹ bɛ́ ǹ nə́ pɛ mà Dɛnaa lɛ tá ǹsɛn bii hinlaa a banban.

Bɔ bɛ̀rɛbaa nɛ 17:7 ပူးပေါင်းရင်းမြစ်များ

Loen 106:32

Izirayeli minin lɛn nə́ Lawa foo busu, bɛ̀ ǹ bɛ́ Meribaa mu gienli. Ǹ dinin zɛnaa ǹ sii na á bɔ̀n da Muizu ganaa.

Loen 78:18

Ǹ nə́ n da Lawa gɔ́ɔ̃ li woone, mà yǎa a ǹsɛn foo dùũ màn-bii koe ǹsɛn la.

Loen 81:7

Má guĩ saa, má bɔ n kɔrɔ-n, n gɔnɔn nə́ kɛsɛ gugurun gisĩ.

Loen 81:8

Ǹ bɛ́ boe n yii ni, n nə́ n lɛ dii, má n si má n da. Man toa piɛ̃ gole gɔ́ɔ̃ nɛ, má n nyankɔ si, Meribaa a mu yala bǎã nɛ, má n da n gɔ́ɔ̃ li.

Loen 95:8

Ka baran ka foo laa wa, ka ka digolon bɛ́ ǹ nə́ zɛnaa lɔn Meribaa, ǹ nə́ zia da ma ganaa. Ka ǹ bɛ́ ǹ nə́ zɛnaa lɔn Maasaa don gɔ́ɔ̃ nɛ,

Bɔ bɛ̀rɛbaa nɛ 17:2

Zaman lɛ zia da Muizu ganaa, ǹ nə́ pɛ nɛ: «Mu kɔ wɔ la wɔ mi.» Muizu pɛ ǹ nɛ: «Wàa na á baa ka tá zia diɛ ma ganaa? Wàa na á baa ka tá n diɛ Dɛnaa gɔ́ɔ̃ li?»

Bɔ bɛ̀rɛbaa nɛ 34:9

á pɛ: «Dɛnaa, bɛ̀ masɛ á kɔɔ̃nɛ n ganaa sonbore, ma nə n nyankoe, n tɔ wɔ kun wɔsɛn nɛ. Ma á doɛ̃, máa minin kɛn lɛn man tɔrɔ too kaka-a lɛa. Sɛnɛ, lɛ kɔ n wɔsɛn sãn laanka wɔa sii baraan toa wɔ nɛ, n ga wɔ ganaa n din wɔn lɛa.»

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Misee 3:11

A kiri-wɔlen man minin sii yɔrɔ boe màn ganaa, A Lawa a wúlu-bɔlen man minin darɛɛ giɛ saraa li, A Lawa a boo gii-dalin manə ǹ dí nyɛɛ wɔrɔ-a. Maǹ wusii n gòãn koɛ Dɛnaa Lawa la, ǹ nə́ pii: Dɛnaa Lawa bɛ́ kun ka wɔsɛn nɛ, wàa mɛn sii baraa n die wɔ yii?

Minin nimi 14:22

Masɛ máa minin kɛn lɛn min kɔn ba re we gána lɛ-n wa. Ǹ nə́ maa gugurubaa yɛ, ka kaãbaa sii dadaran kɛn nɛ má ǹ zɛnaa Ezipti gána laanka diə gole gɔ́ɔ̃ nɛ. A laanka bɛ yii ni, ǹ nə n da ma gɔ́ɔ̃ li lɛ da wa. Ǹ nə́ ma bɔlɔ dɔ tii. Bɛ lɛ n ke, ma n lɛ kɔ ǹ digolon la ka gána mɛn lɛ nɛ, ǹ min kɔn yii ba re miɛ bɛ-a wa, a giala ǹ nə́ ma daa.

Minin nimi 20:13

Bɛa sii kɛ lɛ wɔ paǹ li, ǹ lɛ dɔ Meribaa mu boo ganaa "ga-lɛli ǹ mu", a giala Izirayeli minin lɛn man nə́ goã ǹ nə́ ga Dɛnaa Lawa lɛ li bɛa bǎã kɛ lɛ nɛ. Sɛnɛ, Dɛnaa Lawa ná a gugurubaa nyaa bɛa sii lɛ gɔ́ɔ̃ nɛ.

Minin nimi 20:24

«Aarɔn nyin nə die nyɛɛ. Sonbore, ma bɛ́ gána mɛn koe Izirayeli minin lɛn la, Aarɔn ba re we bɛ-n wa. A giala, ǹ nə́ masɛ bɔlɔ tii Meribaa mu bǎã nɛ.

Minin nimi 27:14

A giala, ka masɛ bɔlɔ tii Sini diə gole ne. Zaman lɛ bɛ́ giɛ masɛ lɛ li ǹ mɛn waáraa, ǹ nə́ nɔ̀n diɛ mu li, ka nyaa Izirayeli minin lɛn manɛ, mà ma din lɛ n Lawa taãn lɛ lɛa wa.» Sii mɛn nə goã á n zɛnaa Kadɛsi, Sini diə gole ne, Meribaa mu kɛ wɔ paǹ li, bɛa boo n ke.

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Timəə dí-pɛn 31:17

Bɛa pinaa kəni, ma foo á re yui ǹ li. Ma á re ǹ toɛ walan, man yɔrɔ bɔyaa ma bɔ ǹ la. Bɛa biikoo li, tɔrɔ kɔsɔn tá re ǹ dii. Bɔ̀n gigiã laanka nɔmaa dadaran tá re doe ǹ ganaa. Ǹ tá re pii bɛa pinaa kɛ lɛ nɛ: «Bɛ̀ ń bɛa bɔ̀n gigiã kɛ yaa wɔ yii, wɔa Lawa lɛ na a ba kun ka wɔ-n doo wa.»

Timəə dí-pɛn 33:8

*Levii tɔrɔn wɔ paǹ li, a na á kɛ pɛ: «Dɛnaa, ń nə́ n din dùũ dɔ̃ ǹ mànan kɔ ǹ dí-nyali sonboren kɛn la. Ń nə́ n da ǹ gɔ́ɔ̃ li Masaa, ń dɔlɔ bɔ ǹ ganaa Meribaa mu lɛ a boo-a.

Timəə dí-pɛn 6:16

Ka baran n da kaa Lawa, Dɛnaa Lawa gɔ́ɔ̃ li, ka ka á ke ká zɛnaa Maasaa lɔn wa.

Timəə dí-pɛn 9:22

Taberaa kiwi, Maasaa kiwi, Kibrɔti-Hataabaa kiwi, ká Dɛnaa Lawa foo yoo bɛa bǎãn kɛn lɛn dɔn nɛ.

Zozoe 22:31

Lawa a wúlu-bɔle Eleyazaara a nɛgiĩ Pineyasi tɔ́n pɛ ǹ nɛ: «Wɔ dɔ̃ pelo, wɔ́ Dɛnaa Lawa tá kun ka wɔ nɛ. Wɔsɛn dɔn nə goã nyɛ́ɛ biɛ sii babaraa mɛn nɛ, ka bɛ la Dɛnaa Lawa la wa. A zɛnaa kɛnɛn ke, ka n ka Izirayeli minin tumaa kanbaa Dɛnaa Lawa a dɔlɔ ganaa.»