Bɔ bɛ̀rɛbaa nɛ 15:15 - LAWA A BOO SONBORE 2011

¹⁵ Nyɛ́ɛ á re Edɔmu a kiin kuĩ gɔrɔ. Moabu a goledɛnan dɔn gɔ̀nɔn tá re bìn diɛ gɔrɔ. Kanaan gána din a minin gù á re giɛ̃ gɔrɔ.

LAWA A BOO SONBORE

¹⁵ Nyɛ́ɛ á re Edɔmu a kiin kuĩ gɔrɔ. Moabu a goledɛnan dɔn gɔ̀nɔn tá re bìn diɛ gɔrɔ. Kanaan gána din a minin gù á re giɛ̃ gɔrɔ.

Bɔ bɛ̀rɛbaa nɛ 15:15 ပူးပေါင်းရင်းမြစ်များ

Zozoe 5:1

Bɛa biikoo li, Amɔɔrɔ tɔrɔn mɛnɛn tumaa goã Zurdɛ̃ tà kio lɛ̀nyɛɛn gɔn la, bɛn kii ni, ka Kanaan gána a kiin mɛnɛn tumaa goã kɔ̀ gole kɛ lɛ-a, bɛn nə́ ma mà Dɛnaa Lawa Zurdɛ̃ tà a mu piɛ̃ á bɔ Izirayeli minin lɛn nyɛɛnɛ, yǎa ǹ nə́ kiɛ̃ ǹ nə́ nya. Ǹ bɛ ma lɔn, ǹ gɔ́ɔ̃ yii mu baa, ǹ foo biɛ na Izirayeli minin lɛn nyɛɛnɛ.

Zozoe 2:11

Wɔsɛn bɛ́ wɔ́ bɛ lɛ ma, wɔ gɔ́ɔ̃ mu baa. Foo tãbaa din ba min kɔn lon doo, á n boe la á n golee ka nyɛɛn wa. A giala, Dɛnaa Lawa lɛ, kaa Lawa lɛa, a din lɛ n Lawa lɛa lon kɛ nɛ, a din lɛ n Lawa lɛa tán kànaa.

Zozoe 2:9

á pɛ ǹ nɛ kɛnɛn: «Ma á doɛ̃ máa Dɛnaa Lawa gána kɛ lɛ kɔ ka la. Kaa sii din nyɛ́ɛ dɛ á kaa wɔ ganaa. Gána lɛ a minin tumaa gɔ̀nɔn na á bìn da ka nyɛɛnɛ.

Timəə dí-pɛn 2:4

N gɔn waa zaman lɛ nɛ n pɛ ǹ nɛ kɛnɛn: «Ka dɔɔ̃n Ezawu tɔrɔn mɛnɛn lɛn bɛ́ giã-n Seyiiri, ka á re boe bɛn bǎã-n ka kiɛ̃. Ǹ tá re nyɛ́ɛ biɛ ka nɛ, sɛnɛ, ka yiri bɔ taãn-taãnɛ.

Siin Giala 36:40

Ezawu tɔrɔn kiin tɔn man ka kɛn nɛ: Timinaa, Alivaa, Yetɛti, Olibamaa, Elaa, Pinɔn, Kenaazi, Teman, Mibusaara, Madiyeli, Iramu. Ǹ nə́ didie tɔ kɔ a giã ǹ bǎã ganaa Edɔmu gána lɛ nɛ. Ezawu lɛ n Edɔmu minin digolo lɛa.

Abakuku 3:7

Ma yii n Kuusan gána a zìãn ganaa tɔtoɛ̃ nɛ, Madiã gána a giã ǹ bǎã ziziɛ̃ nɛ.

Nahumu 2:10

Ka sana kokoo, ka wɔrɔ kokoo! Ninivu a paãmabaa a nyɛɛ wa. A gɔn màn giɔ̀mɔ kakaan nə la yii ni.

Ezekieli 21:7

– Minbuiin a nɛ, n yɔrɔ dia Zeruzalɛmu la. Yoo ǹ wúlu bɔ ǹ bǎãn kɛn gialaa, n maa boo da Izirayeli gána ganaa.

Izayii 19:1

Ezipti a boo gii. Dɛnaa Lawa á ke die, a n woe Ezipti gána nɛ, labara yiifuunaan la. Ezipti gána a dì kooron kɛn man bìn diɛ a nyɛɛnɛ. Ezipti minin foo ziziɛ̃maa nɛ.

Izayii 13:7

Bɛ lɛ nɛ, min tumaa gù gã, ǹ foo ziziɛ̃.

Loen 68:2

Lawa n yui, a zɔ́ɔn man sasawɛɛ. Min mɛnɛn bɛ́ ǹ ba narɛ wa, bɛn man baa sii a nyɛɛnɛ.

Samayeli2 17:10

Bɛ̀ á n baa miɛ̃ dɔn, haalɛ ta zia-baali lɛ mɛn foo n tã ka yàra wɔ bɛ́ lɔn, nyɛ́ɛ á re a dɔ kuĩ. A giala, Izirayeli min tumaa á doɛ̃, mà n di lɛ n giĩ lɛa, a tá-kun wolen lɛn dɔn man zia-baalin lɛa, ǹ tɔ bɔ zia la.

Samayeli1 14:16

Gibeya kiwi, Bɛnzamɛn tɔrɔn tán la, Sayulu a bǎã-lɛduə̃lin lɛn kɔnɔn nə́ goã walan. Ǹ bɛ́ giɛ, bɛ̀ Filisiti minin lɛn bɛ́ sawɛɛ n lɛ koe bǎã yii ni.

Zozoe 14:8

Ma dɔɔ̃nɔn mɛnɛn nə goã ǹ nə́ woo kun ka ma nɛ, bɛn nə́ zaman lɛ foo biɛ na. Sɛnɛ, Dɛnaa Lawa lɛ, maa Lawa lɛa, masɛ n má goã koe bɛ lɛ ka ma foo tumaa nɛ.

Zozoe 2:24

Ǹ nə́ pɛ Zozoe-n kɛnɛn: «Taãn nɛ, Dɛnaa Lawa gána lɛ tumaa wɔ wɔ gɔn. Gána lɛ a minin tumaa din gɔ̀nɔn nə bìn diɛ wɔ nyɛɛnɛ.»

Timəə dí-pɛn 20:8

Zaman-lɛduə̃lin lɛn nə wusoo ǹ nɔ̀n da doo ǹ pɛ: «Min tá ka bii nyɛ́ɛ ná a ganaa, a foo n biɛ niɛ ya? Bɛa dɛnaa wusoo a wo piɛ, màn mɛn bɛ́ toɛ, a baran ǹ dɔɔ̃nɔn lɛn gù dɛ ka a din wɔ bɛ́ lɔn wa.»

Siin Giala 36:15

Tɔrɔn mɛnɛn nə bɔ Ezawu a nɛgiĩ bibinaa Elifaazi ni bɛn man ka kɛn nɛ: Temaa, Omaara, Sefoo, Kenaazi,

Loen 48:5

Á ke, kiin nə́ da kɔn nɛ, ǹ nə́ kaa kun ǹ nə́ daa Siɔn gialaa.

Zeremii 49:23

Damaasi kiwi a paǹ li: Amaati kiwi laanka Arpaadi kiwi kibərə baraa ma. Sìi nə n kɔ ǹ lɛ. Ǹ yiri lɔlɔkɔnmaa nɛ, ka yìsi mu bɛ́ lɔn, a boe la á golee wa.

Siin Giala 36:16

Kooraa, Gatamu, Amalɛki. Bɛn man nə́ goã giã-n Edɔmu gána nɛ. Ezawu a lɔ Adaa tɔrɔn man ka bɛn nɛ.

Abakuku 3:6

Bɛ̀ á gole, tán nə bìn diɛ. Bɛ̀ á ga tɔrɔn ganaa, bɛn man nyɛ́ɛ biɛ nɛ. Kelen mɛnɛn bɛ́ ǹ tan duduu, bɛn man wɔsɛ kɔn. Tentenən mɛnɛn bɛ́ ǹ tan lɛlɛ, bɛn man kiɛ, ǹsɛn mɛnɛn nə goã a kiɛ̃ ǹ zii lɛa lɛlɛ.