Bɔ bɛ̀rɛbaa nɛ 12:41 - LAWA A BOO SONBORE 2011

⁴¹ Lɛ̀ biɛsii ka pɔsɔɔ lɛ a lɛ piɛ̃ li, bɛa pinaa kɛ lɛ din taãn-taãn nɛ, Dɛnaa a zaman lɛ soo ka tɛrɛɛnɛ, ǹ nə́ n bɔ Ezipti gána nɛ.

LAWA A BOO SONBORE

⁴¹ Lɛ̀ biɛsii ka pɔsɔɔ lɛ a lɛ piɛ̃ li, bɛa pinaa kɛ lɛ din taãn-taãn nɛ, Dɛnaa a zaman lɛ soo ka tɛrɛɛnɛ, ǹ nə́ n bɔ Ezipti gána nɛ.

Bɔ bɛ̀rɛbaa nɛ 12:41 ပူးပေါင်းရင်းမြစ်များ

Siin Giala 50:24

Zozɛfu tɔ́n pɛ ǹ dɔɔ̃nɔn lɛn nɛ ǹ kɔn pinaa kɛnɛn: «Masɛ a gɛ̀ dɔ á nya. Sɛnɛ, Lawa á die n doe ka lɛ. A n lɛ kɔ Abrahamu laanka Izaaki la ka Zakɔba nɛ, mà á die gána mɛn koe ka la, Lawa á die ka boe a ka bɔ Ezipti gána nɛ, a wo ka-n walan.

Kiin1 6:1

Kii Salomɔn lɛ Dɛnaa Lawa a kion lɛ a dɔ giala kɔ, bɛ̀ Izirayeli minin soo Ezipti gána nɛ a lɛ̀ biɛsii ka pɔkiwisi (480) ni. D+i lɛ na á n giala kɔ *Zibu mui ni, mui mɛn bɛ́ lɛ̀ a mui a paabaa ǹ wɔ lɛa. Bɛa biikoo lɛ li, bɛ̀ Salomɔn dɔ a tá Izirayeli gána mìi la a lɛ̀ siibaa ǹ wɔ nɛ.

KZS2 14:12

Azaa laanka a zaman nə́ ǹ kio loo yǎa Gerarɛ. Etiopii minin lɛn kaa wole la yii ni, min goon din goã lon a yii n koo wa. A giala, Dɛnaa Lawa laanka a sɔraasin nə́ ǹ yɔyɔrɛ. Zudaa minin lɛn nə́ gɔn màn gigiã goa, ǹ nə́ woo ne ziabaa ǹ màn lɛa.

Loen 102:13

Sɛnɛ, nsɛ kaa, Dɛnaa Lawa nsɛ n kii lɛa yǎa duduu. Biikoo tumaa a minin man die n boo diɛ.

Loen 114:1

Izirayeli nɛnyaanan bɛ́ soe Ezipti, Zakɔba tɔrɔ minin kɛn bɛ́ n boe tɔrɔ kɔsɔ minin kɛn bii,

Loen 136:11

Á Izirayeli bɔ á bɔ Ezipti, a kɔn-narɛɛ a nyɛɛ duduu wa.

Bɔ bɛ̀rɛbaa nɛ 12:17

Ka *yɔ bùbaã buuru zɔ́n kɛ tamaa, a giala, bɛa pinaa taãn-taãn lɛ nɛ, má soo kaa zaman lɛ nɛ má bɔ Ezipti gána nɛ. Ka bɛa pinaa kɛ tamaa ka baa zɔ́n lɛa lɛ̀ woo lɛ̀. A na á sii baa, sii mɛn bɛ́ a sàabiɛ doo wa.

Bɔ bɛ̀rɛbaa nɛ 12:51

Bɛa pinaa taãn kɛ lɛ nɛ, Dɛnaa soo ka Izirayeli nɛnyaanan lɛn nɛ, á ǹ bɔ Ezipti gána nɛ, á ǹ kakaa kun ka zia-baalin bɛ́ lɔn.

Bɔ bɛ̀rɛbaa nɛ 13:14

Lawa mà bɛ̀ kaa nɛnyaanan nə́ nɔ̀n da ka la kio mà wàa nɛ ka tá kɛ zɛnɛɛ, ka pɛ ǹ nɛ kɛnɛn: «Dɛnaa na á soo ka wɔ nɛ, á wɔ bɔ Ezipti gána nɛ ka a din pàã nɛ, á wɔ bɔ bɛ̀rɛbaa nɛ.

Bɔ bɛ̀rɛbaa nɛ 13:16

Zɔ́n kɛa zɛnaa n die goɛ̃ ka gɔn, goon ka nyaǹ kɛ nɛ ka gɔn laanka ka nyanlɛ ganaa. Á re ka yiri gisĩ a nɛ, mà Dɛnaa din na á soo ka nɛ, á ka bɔ Ezipti gána nɛ, ka a din pàã gole kɛ nɛ.

Bɔ bɛ̀rɛbaa nɛ 13:3

A pɛ zaman lɛ-n kɛnɛn: Ka n yiri kɔ lɛawaa kɛ li, ka soo ka n bɔ Ezipti gána nɛ ǹ mɛn pinaa, ka baa zɔ́n lɛa, gána mɛn bɛ́ ka goã bɛ̀rɛbaa nɛ a nɛ. A giala Lawa na á soo ka ka nɛ ka a din pàã nɛ. Bɛa pinaa kɛ nɛ, ka baran toa ka buuru yɔ bùdɛnaa wɔ ka lɛ-n wa.

Bɔ bɛ̀rɛbaa nɛ 13:9

Zɔ́n kɛa zɛnaa n die goɛ̃ ka gɔn, goon ka nyaǹ kɛ nɛ ka gɔn laanka ka nyanlɛ ganaa. Á re nyɛɛ ka nɛ mà ka doamaa nɛ, ka n yiri gisĩ a nɛ, ka Dɛnaa a boo lɛ pɛ. Zɔ́n kɛ n die ka yiri gisĩ a nɛ, mà Dɛnaa din na á soo ka nɛ, á ka bɔ Ezipti gána nɛ, ka a din pàã gole kɛ nɛ.

Bɔ bɛ̀rɛbaa nɛ 3:10

Kanna, woo, man die n diɛ *Faarahɔn li, n soo ka maa zaman lɛ nɛ, Izirayeli nɛnyaanan lɛn, n nə ǹ bɔ Ezipti gána nɛ.»

Bɔ bɛ̀rɛbaa nɛ 3:8

Man má gisĩ, má n die ǹ sii Ezipti minin kɛn la, man die soe ǹ ne ma ǹ bɔ gána kɛ nɛ, ma wo ǹ ne gána gole sonbore kɔ́n nɛ, tɔɔ-too laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti tɔrɔn ne, Amɔɔrɔ tɔrɔn nɛ, Perɛzi tɔrɔn nɛ, Ivii tɔrɔn ne ka Zebuzu tɔrɔn nɛ.

Bɔ bɛ̀rɛbaa nɛ 6:26

Dɛnaa pɛ Aarɔn laanka Muizu mɛn nɛ mà ǹ wo soo ka Izirayeli nɛnyaanaan lɛn nɛ, ǹ nə ǹ bɔ Ezipti gána nɛ, ǹ nə ǹ kakaa kun ka zia-baalin bɛ́ lɔn, bɛn lɛn sii n ke.

Bɔ bɛ̀rɛbaa nɛ 6:6

Bɛ lɛ taman yii, Muizu, wo pɛ Izirayeli nɛnyaanan manɛ mà ma din nə Dɛnaa Lawa lɛa. Ma á re ǹ boe Ezipti minin nɔmaa ǹ dín kɛn li. Ma á re ǹ boe bɛ̀rɛbaa kɛ nɛ ǹ gɔn. Ma á re ǹ boe ka ma din pàã taãn-taãn kɛ nɛ, ma dɔlɔ bɔ ǹ ganaa sɔnbɔraanɛ.

Bɔ bɛ̀rɛbaa nɛ 7:4

Faarahɔn ba re n too koe n lon wa. Ma á re dɔlɔ boe Ezipti gána ganaa, man pàã nyaa nɛ, ma tɔn soo ka maa zaman kɛ nɛ, Izirayeli nɛnyaanan lɛn, kun ka zia-balin bɛ́ lɔn, ma ǹ bɔ Ezipti gána kɛ nɛ.

Danayeli sɛ́wɔ 9:24

Lɛ̀ sɔbaa wɔlɔ pɔsɔbaa nə́ n koa, n zaman laanka n kiwi sonbore kɛ wɔ lɛa. Màn mɛn bɛ́ toɛ, Lawa bɔlɔ tii ǹ siin kɛn nə nya, sii baraa zɛnaa lɛ nə n da, Lawa minin sãn toa ǹ nɛ. Peperebaa mɛn bɛ́ a nyɛɛ wa, bɛ á re die, sii-yɛ laanka Lawa a boo gii mɛn nə n da, bɛn lɛ á re piɛ̃, Lawa a kion sonbore kɛ á re wusii a na a wɔ baa.

Lawa a wúlu-bɔlen 23:43

màn mɛn bɛ́ toɛ, kaa nɛnyaanan dɔn nə dɔ̃, mà masɛ bɛ́ má Izirayeli minin lɛn waa má ǹ bɔ Ezipti gána nɛ, mà masɛ n má ǹ kaa giã siã giulun ganaa. Masɛ din Dɛnaa Lawa n kaa Lawa lɛa.

Abakuku 2:3

Siin kɛn ma á ǹ nyɛɛ, ǹ tá re yɔrɔ yii. Sɛnɛ, yǎa ǹ biikoo doe. Kànaa ka boɛɛnɛ, ǹ tá re yɔrɔ yii. Soɛ bie wa. Haalɛ ta a biikoo n sɔsɔɔ, n yii da n foo n doa nɛ. Ma boo mɛn pɛ, á re yɔrɔ yii a biikoo li, sàabaa ba la wa.

Minin nimi 23:22

A din na á ǹ waa Ezipti gána nɛ á soo ǹ ne. Á pàã kɔ ǹ la, ka don a zù bɛ́ lɔn.

Minin nimi 33:1

Izirayeli minin lɛn bɛ́ ǹ nə́ soo ǹ nə́ n bɔ Ezipti gána nɛ koa-n kɔn la sɔnbɔraanɛ, Muizu laanka Aarɔn nə́ ǹ nyɛɛnaan boe, ǹ goã ǹ nə́ bɔ bǎãn mɛnɛn nɛ, bɛn nə́ ke:

Zaã a sɛ́wɔ 7:8

Ka wo zɔ́n kɛ lɛ ganaa. Masɛ ba re woe bɔrɔ sɛn wa, a giala, masɛ a biikoo tɔn dɔ wa.»

Nya ǹ dín 1:7

Á pɛ ǹ nɛ: «Maa Díi bɛ́ á biikoon mɛnɛn koa ka a din pàã nɛ, ka doamaa bie ka bɛn dɔ̃ wa.

Nya ǹ dín 7:36

A din lɛ na á soo ka Izirayeli nɛnyaanan lɛn nɛ, á ǹ kaa là nyantoro ne. Lɛ̀ pusi gɔ́ɔ̃ nɛ, á kaãbaa ǹ sii dadaran zɛnaa, Ezipti gána nɛ, sawɛɛ tà mu li, ka don bii ni.

Timəə dí-pɛn 16:1

*Abibu mui ke, ka n yiri koa bɛ li, ka *kiɛ̃mala ǹ zɔ́n zɛnaa a nɛ, ka kaa Lawa, Dɛnaa Lawa guguru kɔ nɛ. A giala, bɛa mui lɛ nɛ, Dɛnaa Lawa ka waa tèlò-n, á ka bɔ Ezipti gána nɛ.

Timəə dí-pɛn 4:37

A giala, á goã ka digolon lɛn narɛ. Bɛ lɛ nɛ, á tɔ́n kasɛn bɔ ǹ tɔrɔn lɛa ǹ kio, a din ka waa, á ka bɔ Ezipti gána nɛ, ka a pàã nɛ.

Zozoe 24:5

Bɛ kio, má tɔ́n Muizu laanka Aarɔn dia. Má sii gigiã zɛnaa má nɔmaa da Ezipti gána mìi ni, má tɔn ka waa má soo ka nɛ.

Zozoe 5:14

A ná a lɛ si: «Haayii! Man Dɛnaa Lawa a zia-baalin goledɛnaa lɛa. Maa daa n ka kɛ nɛ.» Zozoe na, á kaa tán a giulun á n mìi kuməə, á pɛ nɛ: «Maa dɛnaagiĩ, masɛ nə n bɛ̀rɛgiĩ lɛa. Wàa mɛn boo nə n lɛ-n kəni, n nə́ die pii masɛ nɛ?»