Bɔ bɛ̀rɛbaa nɛ 12:11 - LAWA A BOO SONBORE 2011

¹¹ Bɛ̀ ka tá a siĩ lɛ soɛ̃, ka sɔ̃ fufuu, ka binbin goã yii-n ka maabɛlɛ nɛ, kɔsɔn nə́ ka gòã ganaa, bàlà n ka gɔn, ka n pɛ mà ka n woe zii-n sisia. Dɛnaa bɛ́ re kiɛ̃ a ka toa walan, bɛa zɔ́n nɛ.»

LAWA A BOO SONBORE

¹¹ Bɛ̀ ka tá a siĩ lɛ soɛ̃, ka sɔ̃ fufuu, ka binbin goã yii-n ka maabɛlɛ nɛ, kɔsɔn nə́ ka gòã ganaa, bàlà n ka gɔn, ka n pɛ mà ka n woe zii-n sisia. Dɛnaa bɛ́ re kiɛ̃ a ka toa walan, bɛa zɔ́n nɛ.»

Bɔ bɛ̀rɛbaa nɛ 12:11 ပူးပေါင်းရင်းမြစ်များ

Kiin2 23:21

Kii lɛ pɛ zaman lɛ tumaa nɛ: «Ka kaa Lawa, Dɛnaa Lawa lɛ a *kiɛ̃mala ǹ zɔ́n lɛ zɛnaa, ka á ke á n kiɛ̃ lɛ kɔ kɔn la ǹ sɛ́wɔ lɛ-n lɔn.»

Bɔ bɛ̀rɛbaa nɛ 12:13

Mà lɛ n die ka lɛduə̃ ǹ sii biɛ, ka bɛ́ re goɛ̃ kionən mɛnɛn nɛ, a goã bɛn kiɛnlɛn ganaa. Ma á re bɛa mà lɛ yii, bɛ̀ ma á Ezipti minin lɛn dii, basaã kɔ ǹ dɔlɔ kɛ a re doe ka ganaa wa, a giala, ma á re kiɛ̃ ma ka toa walan.

Bɔ bɛ̀rɛbaa nɛ 12:21

Muizu lɛ dia Izirayeli nɛnyaanan min golen tumaa la, á pɛ ǹ nɛ: – Ka wo ga tɔɔn li kaa tanlɛn wɔn lɛa, ka ǹ dɛ *Kiɛ̃mala ǹ zɔ́n mànan lɛa.

Bɔ bɛ̀rɛbaa nɛ 12:27

ka die ka pɛ ǹ nɛ kɛnɛn: «*Kiɛ̃mala ǹ zɔ́n *wúlu màn nɛ, wɔ á boe koe Dɛnaa la. A giala, a na á kiɛ̃, á wɔsɛn Izirayeli nɛnyaanan kionən toa walan Ezipti gána nɛ. A bɛ́ bɔ̀n diɛ Ezipti gána minin ganaa, á wɔsɛn kion minin si gɛ̀ la.» Zaman lɛ kaa tán, á Lawa guguru kɔ.

Bɔ bɛ̀rɛbaa nɛ 12:43

Dɛnaa pɛ Muizu laanka Aarɔn nɛ: «Kiɛ̃mala ǹ zɔ́n lɛ a zɛnaa ǹ gɔn nə́ ke: - Tii kɔ́n ba re màn lɛ bii wa.

Izayii 52:12

Sɛnɛ ka nyan soo kiwi lɛ nɛ ká baafuubaa nɛ ká maǹ ka lui wa. A giala, Dɛnaa Lawa din nə tɔ we ka nyɛɛnɛ, Izirayeli a Lawa n tɔ we ka kio.

Ezekieli 45:21

Mui bibinaa a lɛawaa fulusiibaa ǹ wɔ pinaa, bɛ nə n biɛ *kiɛ̃mala ǹ zɔ́n lɛa. Ka zɔ́n lɛ zɛnaa yǎa lɛawaa sɔbaa. Buuru mɛn bɛ́ yɔ bù ná a ba li wa, ka bɛ sɔ̃ bɛa lɛawaan lɛn gɔ́ɔ̃ nɛ.

Lawa a wúlu-bɔlen 23:5

Mui bibinaa a lɛawaa fulusiibaa ǹ wɔ pinaa, wasa a yii siɛ̃ waáraa, Dɛnaa Lawa a *kiɛ̃mala ǹ zɔ́n nɛ.

Minin nimi 28:16

Lɛ̀ a mui bibinaa a lɛawaa fulusiibaa ǹ wɔ pinaa, ka die ka *kiɛ̃mala ǹ zɔ́n zɛnaa ka Dɛnaa Lawa guguru kɔ nɛ.

Minin nimi 9:1

Izirayeli minin lɛn soo a bɔ Ezipti gána-n a lɛ̀ paabaa ǹ wɔ, lɛ̀ a mui bibinaa li, Dɛnaa Lawa boo da Muizu ni, Sinayii diə gole ne, á pɛ:

Luku 12:35

Ka n yii dɔraa ka koa, ka kaa bolonən toa kuĩ.

Luku 15:22

Sɛnɛ, díi lɛ mà a dí-nyalin ganaa: «Ka da fufuu ka dɔnkɛ sonbore ne a wɔ. Ka kaaran kɔ la a wɔ a gòon-a, ka kɔsɔn kɔ la a ǹ wɔ.

Luku 2:41

Lɛ̀ woo lɛ̀, Yezu a yɛ wolen man woe Zeruzalɛmu kiwi, ǹ Zuifun soo a *kiɛ̃mala ǹ zɔ́n zɛnaa.

Luku 7:38

Lɔ lɛ nə́ n zuməə Yezu kio a gòãn li, bɛ̀ a n wuu pii, á n yii mu kiɛ Yezu gòãn ganaa. Bɛ kio a ná a narɛ ǹ sii zɛnaa, á n mìi ka kũ a ná a gòãn lɛn tuturu ni, á nyɔɔ gìĩ kɔɔ̃n lɛ kaa ǹ ganaa.

Korɛnti1 5:7

Ka bɛa sii baraa zɛnaa ǹ yɔ bù zizi kɛ bɔ ka bɔ ka bii, ń giɛ ka á *yoreen koe. Buuru yia mɛn bɛ́ yɔ bù ná a ba li wa, á n buuru yia dii lɛa, ka goã bɛ lɛa. A taãnbaa li, ka n bɛ lɛ din lɛa gɔrɔ. Wɔa *kiɛ̃mala ǹ zɔ́n nə́ n giala kɔ, a giala, maǹ nə́ wúlu bɔ ka Krita nɛ, wɔa kiɛ̃mala ǹ zɔ́n sère nɛ lɛa.

Efɛɛzi minin 6:15

Ka din kɔ sii ganaa baa kɔsɔn lɛa, ka ǹ wɔ ka gòãn ganaa, ka là nyantoro yɛ ǹ Boo Tii Kɔɔ̃n kɛ pɛ nɛ.

Timəə dí-pɛn 16:1

*Abibu mui ke, ka n yiri koa bɛ li, ka *kiɛ̃mala ǹ zɔ́n zɛnaa a nɛ, ka kaa Lawa, Dɛnaa Lawa guguru kɔ nɛ. A giala, bɛa mui lɛ nɛ, Dɛnaa Lawa ka waa tèlò-n, á ka bɔ Ezipti gána nɛ.

Zozoe 5:10

Izirayeli minin lɛn nə́ golee Gilgaali. Ǹ nə́ *kiɛ̃mala ǹ zɔ́n zɛnaa Zerikoo a nyankɔrɔ basa kɛ nɛ, mui a lɛawaa fulusiibaa ǹ wɔ pinaa, wasamiɛ̃n lɛn li.

Piɛrɛ1 1:13

Bɛ lɛ tɔ ganaa, ka n yiri toa bǎã goon ne, dí nyɛɛ a lɛa. Ka n yii dɔraa, ka n foo tumaa doa Lawa a bǐɛ̃baa ǹ màn kɛ ganaa, á n die koe ka la, Yezu Krita a daa pinaa.