Bɔ bɛ̀rɛbaa nɛ 10:3 - LAWA A BOO SONBORE 2011

³ Muizu laanka Aarɔn woo wɔ Faarahɔn li, ǹ nə́ pɛ-n kɛnɛn: – Dɛnaa lɛ, Ebrəən Lawa lɛa, bɛ n kɛ pii: «N nə n die n piɛ̃ ka din gisiĩ-n masɛ Lawa yɔrɔ-a yǎa biĩ doo? A toa maa zaman lɛ soo, a wo dí nya ma nɛ.

LAWA A BOO SONBORE

³ Muizu laanka Aarɔn woo wɔ Faarahɔn li, ǹ nə́ pɛ-n kɛnɛn: – Dɛnaa lɛ, Ebrəən Lawa lɛa, bɛ n kɛ pii: «N nə n die n piɛ̃ ka din gisiĩ-n masɛ Lawa yɔrɔ-a yǎa biĩ doo? A toa maa zaman lɛ soo, a wo dí nya ma nɛ.

Bɔ bɛ̀rɛbaa nɛ 10:3 ပူးပေါင်းရင်းမြစ်များ

Kiin1 18:21

Bɛ kio, Yilii nə́ n zɔ̃ á dɔ zaman lɛ tumaa li, á pɛ: «Yǎa biĩ kəni kaa yiri binbirin boe kɛ tɔ nə n danbiɛ? Bɛ̀ Lawa n ka Dɛnaa Lawa nɛ, ka kɔ lɛ, bɛ̀ Baali dɔ n doo ka kɔ lɛ.» Sɛnɛ zaman lɛ boo la a ná a lɛ si ka boo goon ne wa.

Kiin1 21:29

«Ń Akaabu a din gisĩ ǹ gɔn kɛ yɛ ma yɔrɔ-a? A bɛ́, á n din gisĩ ma yɔrɔ-a, bɛ lɛ n ke ma ba re koe boe a ganaa, a yiikoonaabaa gɔ́ɔ̃-n wa. A nɛgiĩ a yiikoonaabaa gɔ́ɔ̃ nɛ, man die koe boe a kion lɛ ganaa.»

Kiin2 22:19

a giala, boon lɛn nə́ dí nya n foo ne. Ma bɛ́ má màn mɛn pɛ bǎã kɛ lɛ laanka a minin wɔ paǹ li máa bɔ̀n tá re bǎã lɛ yii, koe dɔ bɔ bɔ-a, n bɛ́ ń bɛa boo lɛ ma, man nə́ n din gisĩ masɛ Dɛnaa Lawa yɔrɔ-a, n nə́ n mɔnaan tɔtoɛ̃, ń wuu pɛ ma yɔrɔ-a, ma dɔ tɔ́n nə n nyankɔ lɛ ma. Dɛnaa Lawa a da ǹ boo ne.

KZS2 33:12

A koe lɛ gɔ́ɔ̃ nɛ, Manaasee Dɛnaa Lawa, a Lawa nyankɔ. Á n din boɛɛn kɔ ǹ digolon Lawa yɔrɔ-a parsiini,

KZS2 33:19

Lawa a boo gii-dali "Ozayii a sɛ́wɔ" kɛ na a Lawa nyankɔ kɛ nyɛɛ, ka Lawa na a lɛ si ka yɔrɔ mɛn nɛ. A tá a sii baraan dɔn boo diɛ ka a bɔlɔgoonbaãdɛnaabaa nɛ Lawa wɔ paǹ li. Manaasee a bǎãn doan nɛ, a dìn doa bǎãn mɛnɛn nɛ, ka dì nyín-sɛlɛn nɛ, Manaasee na á bɛn zɛnaa á tɔn nə n din boɛɛn kɔ Lawa yɔrɔ-a.

KZS2 34:27

N bɛ́ n boon kɛn ma má ǹ da Zeruzalɛmu ganaa ka a minin ni, á dí nya n foo ne, n nə́ n din gisĩ ma yɔrɔ-a. N nə́ n mɔnaan tɔtoɛ̃, n wuu pɛ ma yɔrɔ-a. Haya, masɛ dɔ nə́ n lɛ ma. Ma din Dɛnaa Lawa a da ǹ boo ne.

KZS2 7:14

Maa zaman lɛ, ǹ mɛn lɛ bɛ́ má n tɔ da la, bɛ̀ á n din gisĩ má yɔrɔ-a, á ma nyankɔ, bɛ̀ á n gɔn bɔ a sii bɔbɔnɛɛ kɛ ganaa á ga ma li, ka bɛ nɛ, masɛ, lon sɔsɔɔ kɛ nɛ, ma á re n too koe a lon, ma a sii baraan toa nɛ, ma a gána a kɛbɔlɔn kɛn zɛnaa.

Zɔbu 42:6

Bɛ lɛ nɛ, ma nə n gɔ́ɔ̃ bii maa da ǹ boon lɛ-a, man lɛ koe maa san ganaa ma á n gɔ́ɔ̃ bii, ma giã tan tii laanka ton li foo ziziɛ̃ gɔn.

Bɔ bɛ̀rɛbaa nɛ 10:4

Bɛ̀ ń tá tɔn nə n piɛ̃, n ba toɛ maa zaman lɛ á soe woe wa, biɛ̃ dinin gɔrɔ, man die bisinin diɛ n bǎã yii ni.

Bɔ bɛ̀rɛbaa nɛ 16:28

Dɛnaa pɛ Muizu ni: «Ka bɛ́ tɔn nə n piɛ̃ ka maa dí-pɛn laanka maa daraan kɛn lɛ sii ni, yǎa biĩ kəni ka tɔ́n masɛ lɛ sii?

Bɔ bɛ̀rɛbaa nɛ 4:23

Man pii n ni: Toa maa nɛgiĩ woo, a dí nya ma nɛ. Bɛ̀ n nə́ n piã n toa á woo wa, haya, man die n din a nɛgiĩ bibinaa dii a gã.»

Bɔ bɛ̀rɛbaa nɛ 5:1

Bɛ kio, Muizu laanka Aarɔn daa pɛ *Faarahɔn nɛ: – Dɛnaa lɛ, Izirayeli nɛnyaanan Lawa lɛa, bɛ n kɛ pii: «Toa maa zaman soo, ǹ zii tɔ wɔ don bii, ǹ zɔ́n zɛnaa masɛ a lɛa.»

Bɔ bɛ̀rɛbaa nɛ 9:17

N nə n tɔn nə n laɛ, n piɛ̃ ka maa zaman lɛ a soo a woo ne.

Suusun 1:22

Baãnaan lɛn, ka n die kaa baãnaabaa lɛ narɛ yǎa biĩ kəni? Yaa wɔ minin ganaa wolen lɛn, ka n die yaa woe minin ganaa yǎa biĩ kəni? Yiriwɛɛnaan lɛn, ka n die n piɛ̃ ka sii doɛ̃-n yǎa biĩ?

Suusun 1:24

Man ka bíi we, ka lɛ n boe haayii diɛ. Ma nə n gɔn diɛ ka la, min kɔn ba diɛ sii li wa.

Suusun 18:12

Din gole kɔ n die ka papaã nɛ. Bɛ̀ n tá zoɛ̃ gugurubaa li, yǎa n nə n din boɛɛn koe bɔrɔ.

Izayii 1:5

N mìi tumaa n busulɛ lɛa, n foo tumaa zɔzɔɔ. Man die boe la ma n dɛ n paǹ mɛn kɔsɔ-a doo nsɛ mɛn bɛ́ tɔn nə n gòãn dii gɔ́ɔ̃ nɛ?

Izayii 2:11

Min mɛnɛn yii bɛ́ lon bɛn tá re n mìi zumii. Min mɛnɛn bɛ́ n dinin gole koe, sìi á re bɛn kuĩ. Bɛa pinaa kɛ nɛ, Dɛnaa Lawa dinsɔɔ̃ n die tɔ goleebaa yii.

Zeremii 13:10

Tɔrɔ baraan manɛ. Ǹ ba n too koe maa da ǹ boon li wa. Maǹ nə n dinin foo kaka koe, ǹ paraamaa-n lawa kɔsɔn ganaa ǹ tá ǹ guguru koe. Ǹ tá re n biɛ ka maabɛlɛ kɛ bɛ́ lɔn, a na a màn kɔn bǐɛ̃ koe doo wa!»

Zeremii 13:18

A pɛ kii laanka kii ǹ dan nɛ kɛnɛn: Ka giã tán furu-n a giala, kaa kii bafolo sonbore kɛ bɔ ka mìi ganaa á mɛnaa.

Zeremii 50:29

Ka sa-zũlin tumaa sɔkɔn, ka ǹ kaa Baabilonii kiwi ganaa. Ka a lɛnpɛnɛ a paǹ tumaa li! Ka nyan toa min kɔn la wa! Ka a saraa kɔ la a kɔnpɛ ka a zɛnaa ǹ siin ni. A siin mɛnɛn zɛnaa ǹ miãn manɛ, ka zɛnaa a dɔ-n miɛ̃. A giala, á n din koa Dɛnaa Lawa, Izirayeli a Lawa sonbore kɛ ganaa.

Ezekieli 5:6

Zeruzalɛmu minin lɛn nə́ n piã ka maa sii yɔrɔ bɔ ǹ boon ne, ǹ nə́ baraa kɔ ǹ nə́ la tɔrɔ kɔsɔn manɛ. Ǹ nə́ n piã ka maa landa boon ne, ǹ nə́ la gánan kɛn manɛ ǹ lɛnpɛnɛ. A giala, ǹ nə́ maa sii yɔrɔ bɔ ǹ boon lɛn tii, ǹ kɔ maa landa boon lɛn lɛ wa.»

Danayeli sɛ́wɔ 5:22

Nsɛ Bɛltazaara mɛn dɔ bɛ́ a nɛgiĩ lɛa, a laanɛ n tá bɛa siin kɛn lɛn tumaa doɛ̃, n dɔ din gisĩ ǹ sii zɛnaa wa.

Minin nimi 14:27

«Man die goɛ̃ bɛa zaman tìĩ-bɔle kɛ lɛa siin sii ma ganaa miɛ̃, yǎa biĩ? Bɛa zaman kɛ lɛ, a ba n niɛ̃ lɛ giulun boo da masɛ ganaa-a wa. Izirayeli minin lɛ giulun boon lɛn ǹ tá ǹ diɛ masɛ ganaa, máa ǹ ma.

Rɔmu minin 2:4

Lawa bɛ́ a ba dɔlɔ boe ka ganaa fufuu wa, á n kaa sii sii a ganaa, bɛ lɛ nɛ, n tá a bǐɛ̃baa gole kɛ puusə koe? N ba doɛ̃ mà Lawa a bǐɛ̃baa kɛ lɛ nə n nyanɛɛ, mà n wusoo n sii baraan kio wa?

Ebrəə 12:25

Ka n yiri kɔ ka dinin li, ka baran n piã mà ka a n too koe Lawa kɛ lon, boo diɛ ka-n wa. A giala, Izirayeli minin lɛn bɛ́ Sinayii kele li, ǹ nə n too kɔ ǹ gɔn waaman wole lɛ lon wa. Ǹ kirisibaa dɔlɔ lɛ ganaa wa. Sanparɛ ka wɔsɛn nɛ, bɛ̀ wɔ́ n piã wɔ n too kɔ lon a Lawa kɛ lon boo diɛ wɔ-n wa, wɔ dɔn ba kirisibiɛ dɔlɔ lɛ ganaa wa,

Zaaki 4:10

Ka n dinin gisĩ Dɛnaa giulun, á die ka mìi siɛ lon.

Piɛrɛ1 5:6

Bɛ lɛ taman yii, ka ka dinin boɛɛn kɔ Lawa pàãdɛnaa lɛ giulun, màn mɛn bɛ́ toɛ, a ka saa lon a kɔnpɛ a biikoo ne.