Ɛsit 9:3 - LAWA A BOO SONBORE 2011

³ Kii lɛ kiodɛnan mɛnɛn tumaa bɛ́ bǎãn mìi la, bɛn nɛ, kii lɛ a pàãdɛnan nɛ, a kiwin sii yɔrɔ-bɔlen ne, a pàã lɛ a dí-nyalin ni, ǹ tumaa na á goã n doe Zuifun lɛn lɛ, a giala ǹ nə́ goã nyɛ́ɛ biɛ Mardoose ne.

Ɛsit 9:3 ပူးပေါင်းရင်းမြစ်များ

Ɛsidrasi 2:2

Maǹ nə́ daa kun ka Zorobaabɛli ni, Zozoe ne, Neyemiã nɛ, Seraya nɛ, Relaya nɛ, Mardoose ne, Mispara nɛ, Bigwayii ni, Rewumu ni, ka Baanaa nɛ. Izirayeli tɔrɔn lɛn giĩn lɛ á ke:

Ɛsidrasi 8:36

Bɛ kio, ǹ nə́ kii a gɔn-waan lɛn kɔ kii a kiodɛnan kɛn la gána lɛ a bǎãn mìi la, ǹ nə́ ǹ kɔ Efrati tà a lɛ̀nyɛɛn gɔn la a pàãdɛnan dɔn la. Bɛa minin kɛn lɛn nə́ n dɔ Lawa a zaman lɛ lɛ ka kion lɛ a dɔ nɛ.

Ɛsit 3:12

Min mɛnɛn bɛ́ kii a sɛ́wɔ-kiɛ̃lin lɛa, ǹ nə́ tɔ́n lɛ dia bɛn la, lɛ̀ a mui bibinaa a lɛawaa fulusɔɔbaa ǹ wɔ li. Ǹ nə́ sɛ́wɔ lɛ kiɛ̃ á kɔnpɛ ka Haman a da ǹ boo ne ka te. Ǹ nə́ dia kii a kiodɛnan la, ka gána lɛ a bǎã gogoonmaa a pàãdɛnan nɛ, ka tɔrɔ gogoonmaa a nyɛɛnaandɛnan nɛ. A ná n kiɛ̃ ka bǎã gogoonmaa a sɛ́wɔ kiɛ̃ ǹ gɔn nɛ, ka tɔrɔ gogoonmaa a bɔlɔ nɛ. Man nə́ sɛ́wɔ lɛ kiɛ̃ ka kii Zɛrzɛsi tɔ nɛ, ǹ ná a gòon ganaa ǹ kaaran lɛ bǎã da la, kii gɔn bǎã lɛa.

Ɛsit 8:17

Kii a boo lɛ laanka a lɛ-dia lɛ goã á dɔ gána lɛ a bǎã mɛn tumaa nɛ, a goã á dɔ kiwi mɛn tumaa nɛ, a na á goã foo kɔɔ̃nbaa laanka nyɛnyɛɛ lɛa Zuifun gɔn, a na á goã zɔ́n gole laanka lɛawaa gole lɛa. Gána lɛ a min gigiã na á goã n dinin biɛ Zuifun lɛa, a giala man nə́ goã nyɛ́ɛ biɛ Zuifun lɛn manɛ.

Ɛsit 8:5

A n toa: «Bɛ̀ kii lɛ dùũ ni, bɛ̀ masɛ a sii kaa a foo la, bɛ̀ sii lɛ kii lɛ foo si, bɛ̀ masɛ tá kɔɔ̃nɛ a ganaa, Hamedaata a nɛgiĩ Haman lɛ, Agaagi tɔrɔ lɛa, bɛ goã á sɛ́wɔn mɛnɛn yɔrɔ bɔ, á ǹ kiɛ̃ mà ǹ die ǹ kii lɛ a gána a bǎãn tumaa a Zuifun dɛ lenlen, mà ǹ wusoo ǹ sɛ́wɔ kiɛ̃, ǹ bɛa sɛ́wɔn lɛn boo sàabaa nɛ.

Ɛsit 8:9

Ǹ nə́ lɛ dia kii a sɛ́wɔ-kiɛ̃lin la a din bǎã nɛ. *Sivan mui ke lɛ̀ a mui sɔɔbaa ǹ wɔ lɛa, bɛa lɛawaa fuəwensɔɔbaa ǹ wɔ nɛ, ǹ nə́ sɛ́wɔ lɛ kiɛ̃, á kɔnpɛ ka Mardoose a da ǹ boon ne. Ǹ nə́ dia Zuifun lɛn la, ka pàãdɛnan nɛ, ka kiwin sii yɔrɔ-bɔlen ne. Ǹ nə́ dia kii a kiodɛnan kɛn la gána lɛ a bǎãn mìi la, bǎã paabiɛ ka fuəwensɔbaa, a saa Ɛndi gána ganaa a wo Etiopii gána yaa. Bǎã gogoonmaa a sɛ́wɔ na á n kiɛ̃, ka a sɛ́wɔ kiɛ̃ ǹ gɔn nɛ, tɔrɔ gogoonmaa a sɛ́wɔ na á n kiɛ̃ a bɔlɔ nɛ. Zuifun dɔn wɔ naá n kiɛ̃ ǹ bɔlɔ nɛ, ka ǹ sɛ́wɔ kiɛ̃ ǹ gɔn nɛ.

Danayeli sɛ́wɔ 3:2

Bɛ kio, Nebukadenezɔɔrɔ minin dia, mà ǹ wo lɛ dia gánadɛnaa dadaran la, wɔrɔ sii yɔrɔ bɔlen ne, gánadɛnaa bisinin ni, yiri kɔ minin la wolen ne, wɔrɔ-tamaalin ni, landa a sii yɔrɔ bɔlen ne, kiri-kurulin ni ka pàã dí-nyalin tumaa nɛ, màn mɛn bɛ́ toɛ, a din nə màn nyín mɛn lɛ doa, ǹ da bɛa zɔ́n ganaa. Ǹ tumaa daa n sɔkɔn bɛa zɔ́n lɛ taman yii, ǹ nə́ golee màn nyín lɛ yɔrɔ-a.