Ɛsit 9:29 - LAWA A BOO SONBORE 2011

²⁹ Kii a lɔ Ɛsitɛɛrɛ lɛ, Abiayili a nɛlɔ lɛa, bɛ laanka Zuifun giĩ Mardoose wusoo doo, ǹ nə́ sɛ́wɔ kaka kiɛ̃, ǹ nə́ pàã kɔ sɛ́wɔ kɛ la, boo diɛ Puurimu lɛawaan lɛn wɔ gɔn la.

Ɛsit 9:29 ပူးပေါင်းရင်းမြစ်များ

Ɛsit 2:15

Woo bɛ́ á dɔ́ Ɛsitɛɛrɛ ganaa, Mardoose ǹ dikoɛ Abiayili a nɛlɔ lɛ, asɛ nɔ̀n da màn kɔn li wa. Bɛ̀ á n bɔ ka màn kɛ nɛ, Egee, kii a lɔn-lɛduə̃li kɛ goã á nyaa nɛ. Min mɛn yii tumaa goã Ɛsitɛɛrɛ yii, a sii na á goã kiɛ ǹ foo la.

Ɛsit 3:15

Kii lɛ bɛ́ á boo da, dia dí-a wolen lɛn nə́ woo belenbelen, ǹ nə́ boo lɛ a lɛ dia Suuzu kiwi gole lɛ nɛ. Suuzu kiwi minin tumaa yiri lɔlɔkɔnmaa nɛ, a da yaa Kii lɛ laanka Haman giã tán ǹ nə́ duvɛ̃ mii.

Ɛsit 8:10

Maǹ nə́ sɛ́wɔ lɛ kiɛ̃ ka kii Zɛrzɛsi tɔ nɛ, ǹ nə́ kii gòon ganaa ǹ kaaran bǎã da la, bɛ kio, ǹ nə́ ǹ kɔ dia dí-a wolen la ǹ nə́ woo ǹ koa. Bɛa dia dí-a wolen lɛn man nə́ dii pàã sùin la. Maǹ nə́ bɛa sùin lɛn tɔrɔ bɔ a tɔ-a.

Ɛsit 9:20

Mardoose bɛa siin kɛn lɛn kiɛ̃ sɛ́wɔ nɛ. Zuifun mɛnɛn tumaa bɛ́ kii Zɛrzɛsi lɛ a gána lɛ a bǎãn tumaa nɛ, á sɛ́wɔ dia ǹ la, á wɔlɔ kunu dɛnan laanka a wɔlɔ sɔsɔɔ dɛnan nɛ,

Ɛsit 9:21

màn mɛn bɛ́ toɛ, ǹ Adaara mui a lɛawaa fulusiibaa ǹ wɔ laanka a fulusoorobaa ǹ wɔ baa zɔ́n lɛa lɛ̀ tunaa nɛ.

Ɛsit 9:28

Sumu gogoonmaa nɛ, gána lɛ a bǎã gogoonmaa nɛ, kiwi gogoonmaa nɛ, maǹ bɛa lɛawaan kɛn lɛn koɛ die miɛ̃, nɛnyaanan nə́ siɛ ǹ din mala. Bɛa Puurimu lɛawaan kɛn lɛn ba re sàabiɛ Zuifun li wa, ǹ koa lɛ ba re n diɛ Zuifun tɔrɔn li wa.