Ɛsit 9:27 - LAWA A BOO SONBORE 2011

²⁷ Zuifun lɛn nə́ sii lɛ a zɛnaa baa landa lɛa, ǹ nə́ lɛ kɔ a ganaa, ǹ dinin laanka ǹ nɛnyaanan wɔ lɛa, ka min mɛnɛn dɔn bɛ́ re kiɛ kunun ǹ ni. Lɛ̀ woo lɛ̀, maǹ bɛa lɛawaa paa lɛ koɛ, a kɔnpɛ ka a zɛnaa ǹ gɔn nɛ, ka a zɛnaa ǹ biikoo ne.

Ɛsit 9:27 ပူးပေါင်းရင်းမြစ်များ

Ɛsit 8:17

Kii a boo lɛ laanka a lɛ-dia lɛ goã á dɔ gána lɛ a bǎã mɛn tumaa nɛ, a goã á dɔ kiwi mɛn tumaa nɛ, a na á goã foo kɔɔ̃nbaa laanka nyɛnyɛɛ lɛa Zuifun gɔn, a na á goã zɔ́n gole laanka lɛawaa gole lɛa. Gána lɛ a min gigiã na á goã n dinin biɛ Zuifun lɛa, a giala man nə́ goã nyɛ́ɛ biɛ Zuifun lɛn manɛ.

Ɛsit 9:20

Mardoose bɛa siin kɛn lɛn kiɛ̃ sɛ́wɔ nɛ. Zuifun mɛnɛn tumaa bɛ́ kii Zɛrzɛsi lɛ a gána lɛ a bǎãn tumaa nɛ, á sɛ́wɔ dia ǹ la, á wɔlɔ kunu dɛnan laanka a wɔlɔ sɔsɔɔ dɛnan nɛ,

Ɛsit 9:21

màn mɛn bɛ́ toɛ, ǹ Adaara mui a lɛawaa fulusiibaa ǹ wɔ laanka a fulusoorobaa ǹ wɔ baa zɔ́n lɛa lɛ̀ tunaa nɛ.

Ɛsit 9:28

Sumu gogoonmaa nɛ, gána lɛ a bǎã gogoonmaa nɛ, kiwi gogoonmaa nɛ, maǹ bɛa lɛawaan kɛn lɛn koɛ die miɛ̃, nɛnyaanan nə́ siɛ ǹ din mala. Bɛa Puurimu lɛawaan kɛn lɛn ba re sàabiɛ Zuifun li wa, ǹ koa lɛ ba re n diɛ Zuifun tɔrɔn li wa.

Loen 78:7

Ǹ pɛ ǹ nɛ mà ǹ nə n foo doa Lawa ganaa, ǹ yiri nyan bɔ ka a nya ǹ dí dadaran kɛn nɛ wa, ǹ na a dí-pɛn dɔn tamaa.

Izayii 2:3

Gána gigiã á re zii siɛ, bɛ̀ ǹ nə́ pii kɔn nɛ kɛnɛn: Ka daa wɔ n tá wɔ dii Dɛnaa Lawa a kele la, wɔ wo Zakɔba a Lawa a kion. A din tá re a zii lɛ a tɔ wɔ ǹ gɔn nyɛɛ wɔ nɛ, bɛ̀ a din wɔ da zii mɛn la, wɔ á re koe bɛ lɛ. A giala, a dí-pɛn lɛn man boe *Siɔn, Dɛnaa Lawa a boo lɛ n boe Zeruzalɛmu.

Izayii 56:3

Tii mɛn bɛ́ paraa-n Dɛnaa Lawa ganaa, bɛ nyan pɛ mà sàabaa ba la wa mà Dɛnaa Lawa á re asɛ lui, a na asɛ bɔ a zaman bii! Min mɛn bɛ́ giĩbaa ná a ba a lon wa bɛ nyan pɛ mà asɛ n da gere lɛa wa!

Izayii 56:6

Tiin mɛnɛn gɔn paraamaa bɛ́ Dɛnaa Lawa ganaa, ǹ ná a dí nyɛɛ, ǹ ná a tɔ narɛ, ǹ ná a dí-nyalin lɛa, min mɛnɛn tumaa bɛ́ susu ǹ pii koɛ sɔnbɔraa nɛ, ka bɔlɔgoondɛnaabaa nɛ, ǹ nə́ n gɔn parɛɛ maa lɛ kɔ kɔn la ǹ boon kɛn ganaa,

Ezekieli 16:61

Bɛ̀ n kɔn yɛ ka n gololɔn laanka n diɛ̃lɔn kɛn nɛ, n yiri á die gisĩ ka n din a zɛnaa ǹ sii kɛ nɛ, bɛ á re sìi biɛ n ganaa. Ma á re ǹ kiɛ n pàã giulun, a laanɛ wɔ bɛ pɛ kɔn nɛ lɛ kɔ kɔn la lɛ gɔ́ɔ̃-n wa.

Zakarii 2:11

Ka soo, Zeruzalɛmu minin lɛn, kasɛn mɛnɛn bɛ́ giã-n *Baabilonii, ka soo ka wo fufuu!»

Zakarii 8:23

Masɛ Dɛnaa Lawa Pàãyiidɛnaa n kɛ pii ka nɛ: Bɛa waáraa, tii tɔrɔ fù, ǹ tumaa n bɔlɔ totoro pii, bɛn tá re n gɔn parɛɛ *Zuifu min a mɔnaa lɛkoro ganaa, ǹ pɛ nɛ: «Wɔ n li wɔ wo kunun n ni. A giala, wɔ ma mà Lawa n kun ka nɛ.»

Minin nimi 15:15

Sii zɛnaa ǹ yɔrɔ goon dinsɔɔ̃ n die goɛ̃ a tan, zaman lɛ a min tumaa wɔ lɛa, Izirayeli nɛn lɛn nɛ, ka tii mɛn dɔ bɛ́ giã-n ka li. Bɛ n die goɛ̃ sii zɛnaa ǹ gɔn lɛa, biikoo tumaa li, Dɛnaa Lawa yɔrɔ-a, a ná a ba n bɔyɛɛ wa, Izirayeli nɛn lɛn wɔ lɛa, ka tii dɔ nɛ.

Timəə dí-pɛn 5:3

Dɛnaa Lawa bie á bɛa lɛ kɔ kɔn la lɛ wɔ ka wɔ digolon dininsɔɔ̃nɔn nɛ wa. Sɛnɛ, a na á doa kɔn ka wɔ dɔn nɛ, wɔ mɛnɛn tumaa yii á ke koo kànaa pelo.

Zozoe 9:15

Zozoe kɔn wɔ ma ǹ nɛ, á lɛ kɔ kɔn la wɔ ka ǹ nɛ, lɛ kɔ kɔn la mɛn bɛ́ ǹ yii toɛ koo. Zaman lɛ a goledɛnan nə́ bɛ lɛ a liɛ wɔ ǹ nɛ.

Sii yɔrɔ-bɔlen 11:40

Lɛ̀ woo lɛ̀, Izirayeli nɛlɔn man woe Galaatin giĩ Zɛftee a nɛlɔ a sii lɛ a landa zɛnɛɛ, lɛawaa sii lɛ̀ goon gɔ́ɔ̃ nɛ.

Samayeli1 30:25

A kũ bɛa pinaa kɛ lɛ ganaa, Davida bɛ baa landa lɛa, á ná a zɛnaa baa pàã lɛa Izirayeli minin lɛn ganaa. Bɛa sii lɛ tá tɔn a giala la haalɛ pelo.