Ɛsit 9:25 - LAWA A BOO SONBORE 2011

²⁵ Sɛnɛ Ɛsitɛɛrɛ bɛ́ á woo kii lɛ li, kii lɛ sɛ́wɔ kiɛ̃, á zii kɔ, mà Haman sii baraa mɛn yɔrɔ bɔ Zuifun taman yii, mà bɛ die a kũ a din mìi ni, mà ǹ die ǹ na a bɔlɔ yu gɔn ganaa, ka a nɛgiĩn ni.

Ɛsit 9:25 ပူးပေါင်းရင်းမြစ်များ

Kiin1 8:32

n toa lon, n nə n too kɔ-a n nə n dí-nyalin lɛn waa kɔn. Min mɛn zɛ̀rɛ bɛ́ nɛ, n dɔlɔ da bɛa dɛnaa lɛ mìi ni a zɛ̀rɛ lɛa saraa lɛa. Zɛ̀rɛ bɛ́ a ba min mɛn ganaa wa, n sonbore pɛ n da bɛ lon, min tumaa dɔ̃ mà sonbore tá a lon.

Ɛsit 3:6

Sɛnɛ, a n gɔn da Mardoose dinsɔɔ̃ ganaa, bɛ na a gɔ́ɔ̃ yɛ wa. A giala ǹ nə́ goã ǹ nə́ Mardoose lɛ tɔrɔn boo da nɛ. Haman lɛ na á goã giɛ li, mà a Mardoose tɔrɔn tumaa dɛ a ǹ nya. Zuifun mɛnɛn bɛ́ Zɛrzɛsi a gána lɛ nɛ, bɛn tumaa.

Ɛsit 7:10

Haman goã á gɔn mɛn yɔrɔ bɔ Mardoose wɔ lɛa, ǹ nə́ tɔ́n Haman dinmaa bɔlɔ yu bɛ ganaa lon. Bɛa biikoo li, kii lɛ foo tɔ́n waa.

Ɛsit 7:4

A giala, maǹ nə́ wɔsɛn sã, masɛ laanka ma tɔrɔn lɛn nɛ, ǹ nə́ wɔ dɛ ǹ nə́ wɔ nya lenlen. Bɛ̀ a n ka maǹ nə́ wɔ sã bɛ̀rɛgiĩn laanka bɛ̀rɛlɔn lɛa kɛnɛn, bɛ̀ masɛ tá n lɛ tiɛ̃. A giala, bɛa bɔma yii-n kɛ dɔ kii nɔmaa ganaa wa.»

Ɛsit 7:5

Kii lɛ tɔ́n boo da ka Ɛsitɛɛrɛ nɛ, á pɛ nɛ: «Min mɛn bɛ́ á da a foo ne, mà a n die bɛa sii kɛ lɛ tɔrɔ zɛnɛɛ, die ne? Ǹ dɛnaa n maa?»

Loen 140:8

Dɛnaa Lawa, n din pàã kɛ n ma kirisibiɛ. Zia-baa pinaa, n din nə́ ń ma mìi tamaa.

Loen 140:9

Dɛnaa Lawa, n nyan toa min baraan kɛn gɔ́ɔ̃gɔ́ɔ̃ ǹ sii giala yɛ wa. Ǹ sii mɛn yɔrɔ bɔ, n nyan toa a giala yɛ wa, bɛ bie wa, ǹ tá re n dinin gole koe. Doa

Loen 141:10

Toa min baraan kɛn kan nə ǹ dinin kũ, sɛnɛ, toa masɛ kanbaa a ganaa.

Loen 7:16

Bɛ̀ min nyankɔrɔ zuzulu mɛn fɔ̃, a din nə die mɛnɛɛ bɛa nyankɔrɔ lɛ nɛ.

Loen 7:17

A din a sii baraa n die kuĩ a din mìi ni. A din a kakaarɛbaa ǹ sii n die yui a din nyanlɛ-a.

Loen 94:23

Ǹ bɛ́ giɛ baraa mɛn li, maa wɔ paǹ li, wɔa Dɛnaa Lawa lɛ na á ǹ saraa ka bɛ lɛ nɛ. Á ǹ dinin baraabaa lɛ kuməə ǹ mìi ni, á ǹ sàabaa nɛ.

Suusun 26:27

Min mɛn bɛ́ yala foɛ̃, a din nə die n doe a nɛ. Min mɛn bɛ́ kɔlɔ birikəĩ, kɔlɔ á re n birikəĩ la.

Suusun 5:22

Min baraa n mɛnɛɛ a din a kan nɛ. A din a sii baraa lɛ nə n pɛnɛ a ganaa ka kan bɛ́ lɔn.

Izayii 22:25

Bɛa pinaa kɛ nɛ yirəə lɛ á re yiɛ, Dɛnaa Lawa Pàãyiidɛnaa a da ǹ boo ne. A da yaa, a na á n wɔ tán bǎã kaka nɛ. Á re yiɛ a mɛnaa. Guĩ mɛn tumaa bɛ́ a ganaa, á re bɛ tumaa sàabiɛ kəni a giala Dɛnaa Lawa na á boo da.

Abdiasi 1:15

Á re bǐɛ̃ koe! Dɛnaa Lawa a dɔlɔ bɔ ǹ lɛawaa diri. Tɔrɔn tumaa sii tá a nɛ. Ka dɔn nə zɛnaa lɔn, a n die n zɛnɛɛ ka dɔn man miɛ̃. Ka baraa mɛn zɛnaa, a sii n die kuĩ ka dinin mìi ni.

Matiə 21:44

Bɛ̀ min mɛn bɔ á mɛnaa bɛa kɔlɔ kɛ lɛ la, ǹ dɛnaa gù yii n yiyiɛ. Bɛ̀ á bɔ á mɛnaa min mɛn la, a n bɛa dɛnaa yɔyɔrɛ.]

Samayeli1 25:39

Davida ma, mà Naabaali gã, á tɔ́n pɛ: «Barka tá Dɛnaa Lawa ganaa, a giala, Naabaali bɛ́ á ga ma lɛ li, Dɛnaa Lawa din na á bɔ maa lɛ-a, á ná a bɛ̀rɛgiĩ kurəə sii baraa zɛnaa ganaa. Dɛnaa Lawa na á toa Naabaali a baraabaa lɛ kũ a din mìi ni.» Davida minin dia mà ǹ wo pɛ Abigayili ni mà asɛ n giɛ li a saa lɔ lɛa.