Ɛsit 9:22 - LAWA A BOO SONBORE 2011

²² A giala, bɛa lɛawaan kɛn lɛn gɔ́ɔ̃ nɛ, Zuifun lɛn nə́ n gɔn si ǹ zɔ́ɔn la. Bɛa mui lɛ nɛ, sii lɛ goã á n lusi, foo ziziɛ̃ nə́ n bɔyaa á foo kɔɔ̃nbaa baa, gɛ̀ koa ǹ yɔrɔ kɔsiɛ nə́ n bɔyaa á zɔ́n baa. Mardoose mà ǹ bɛa lɛawaan kɛn lɛn baa màn bii laanka nyɛnyɛɛ pinaa lɛa, ǹ màn-bii kɔ kɔn la, ǹ bǐɛ̃ baa doobaan la.

Ɛsit 9:22 ပူးပေါင်းရင်းမြစ်များ

Ɛsit 9:19

Bɛ lɛ n ke, Zuifun mɛnɛn bɛ́ giã-n don kionən ne, bɛn nə́ Adaara mui a lɛawaa fulusiibaa ǹ wɔ lɛ baa nyɛnyɛɛ pinaa lɛa, ǹ nə́ baa zɔ́n laanka màn bii ǹ lɛawaa lɛa, ǹ nə́ màn-bii koe kɔn la.

Ɛsit 9:21

màn mɛn bɛ́ toɛ, ǹ Adaara mui a lɛawaa fulusiibaa ǹ wɔ laanka a fulusoorobaa ǹ wɔ baa zɔ́n lɛa lɛ̀ tunaa nɛ.

Ɛsit 9:23

Zuifun lɛn nə́ Mardoose a boo lɛ si, ǹ sii mɛn lɛ a zɛnaa giala kɔ, ǹ nə́ bɛ baa landa lɛa.

Loen 103:2

Man barka diɛ Dɛnaa Lawa nɛ, ka ma foo tumaa nɛ, ma yiri ná a boe a bǐɛ̃-zɛnaa kɛ goon ganaa wa.

Loen 149:7

Ka kaa gɛ̀ dòo bɔ tɔrɔn ganaa, ka dɔlɔ bɔ tɔrɔ kɔsɔ minin kɛn ganaa.

Loen 30:11

Dɛnaa Lawa, makara bɔ ma ganaa n nə n too kɔ! Dɛnaa Lawa, n din nə n baa maa dɔmalɛ wole lɛa!

Loen 30:12

Ń maa foo-ziziɛ̃ lɛ bɔyaa ń baa bɛ̀ lɛa. Ń maa yɔrɔ-kɔsiɛ bɔyaa ń baa zɔ́n lɛa.

Loen 37:15

Sɛnɛ, ǹ gɔya sa lɛ á re ǹ dinin koron foɛ̃, ǹ sa dɔ á re yiɛ.

Izayii 14:3

Izirayeli, ǹ kɔn pinaa, Dɛnaa Lawa á re susui koe n la n nɔmaa damata kɛ laanka n bɛ̀rɛbaa kɛ kio.

Zakarii 8:19

Ka bɛ́ nɛn bɛ̀ ka n lɛ sɔɔ lɛ̀ a mui siibaa ǹ wɔ kɛ li, a soorobaa ǹ wɔ nɛ, a sɔbaabaa ǹ wɔ nɛ ka a fùbaa ǹ wɔ nɛ, bɛn tá re n bɔyɛɛ ǹ zɔ́n lɛawaan baa, piɛ̃-n ka nyɛnyaa laanka foo kɔɔ̃n nɛ, Zudaa minin ganaa. «Sɛnɛ, ka sonbore laanka là nyantoro narɛ.»

Matiə 5:4

Kanaa kɛ a sii bɛ́ yɔrɔ kɔsiɛ diɛ min mɛnɛn ganaa, Lawa á re barka diɛ bɛn ganaa, a giala Lawa á die ǹ foo basɛ̃!

Luku 11:41

Bɛ̀ ka tá kaa paanan laanka kaa kununun lɛn gɔ́ɔ̃gɔ́ɔ̃ ǹ mànan koe doobaan la, kaa màn din tumaa á die yoreen koe: Kaa paanan nɛ, kaa kununun ni, ka ka dininmaan foon dɔn nɛ.

Galaasi minin 2:10

Ǹ boo n ka kɛ dinsɔɔ̃ nɛ, ǹ nə́ da wɔ nɛ. Mà wɔ n yiri koa ǹsɛn Lawa a sɔmɔ a doobaan li Zeruzalɛmu. Masɛ dɔ́ ga bɛ lɛ walan sɔnbɔraanɛ má zɛnaa.

Timəə dí-pɛn 15:7

Kaa Lawa, Dɛnaa Lawa bɛ́ gána mɛn lɛ koe ka la, bɛ̀ ka dɔɔ̃n lɛ mɛn tá a kiwi mɛn nɛ, á n doobaa lɛa ka bii, ka nyan nə n gɔ́ɔ̃ tã a ganaa, ka n piã mà ka a giɔ̀mɔ diɛ a ganaa wa.

Timəə dí-pɛn 16:14

Ka kaa zɔ́n lɛ zɛnaa ka nyɛnyɛɛ nɛ, ka dinin laanka kaa nɛnyaanan nɛ, kaa bɛ̀rɛgiĩn laanka kaa bɛ̀rɛlɔn nɛ, Levii tɔrɔn kɛn nɛ, gùlin ni, ka nɛ-toenən laanka lɔ giɔɔrɔn nɛ, ǹ mɛnɛn bɛ́ giã-n ka bii.

Timəə dí-pɛn 16:15

Kaa Lawa, Dɛnaa Lawa din bɛ́ re bǎã mɛn lɛ boe, ka die ka bɛa zɔ́n lɛ zɛnaa walan, ka Lawa tɔ bɔ nɛ yǎa lɛawaa sɔbaa. Kaa wɔ n die goɛ̃ ka nyɛnyɛɛ dinsɔɔ̃ nɛ, a giala, a din nə die toɛ kaa tán-kɔsiɛ bǐɛ̃ kɔ, a din dɔ n die barka diɛ kaa nya ǹ dí tumaa ganaa.

Sii-nyaan 11:10

Tán min tumaa foo á re kɔɔ̃n koe ka min paa kɛ a gɛ̀ nɛ. Ǹ tá re ǹ nyɛnyɛɛ parsiini, ǹ kɔn gɔ ka màn nɛ kooro, a giala mà Lawa a boo gii-dali màn paa kɛ bɔ tán minin yii-n parsiini.

Samayeli1 25:8

Nɔ̀n da n tɔntɔraan lɛn la, ǹ tá re pii n ni. Maa dí-nyalin kɛn kũ doɛ̃, a giala, wɔn wɔ́ daa zɔ́n pinaa! Bǐɛ̃ kɔ, bɛ̀ n tá boe la n màn mɛn kɔ n dí-nyalin lɛn laanka n nɛgiĩ Davida la, n bɛ kɔ.»