Ɛsit 9:15 - LAWA A BOO SONBORE 2011

¹⁵ Suuzu kiwi a Zuifun lɛn nə́ tɔ́n nə n sɔkɔn Adaara mui lɛ a lɛawaa fulusiibaa ǹ wɔ doo. Suuzu kiwi lɛ nɛ, man nə́ min biɛsɔɔ dɛ, sɛnɛ, ǹ nə n gɔn da ǹ gɔn mànan ganaa wa.

Ɛsit 9:15 ပူးပေါင်းရင်းမြစ်များ

Ɛsit 8:11

Sɛ́wɔ lɛ gɔ́ɔ̃gɔ́ɔ̃ ǹ boo á ke: «Zuifun mɛnɛn bɛ́ kiwi gogoonmaa nɛ, kii zii kɔ ǹ la, ǹ nə́ n sɔkɔn ǹ yɔ bɔ ǹ nyin taman yii. Bǎã mɛn a sɔraasin hinlaa tɔrɔ mɛn a zia-baalin bɛ́ re yui ǹ gialaa, ǹ nə ǹ dɛ ǹ nə ǹ nya lenlen, nɛnyaanan laanka lɔn nɛ, ǹ nə ǹ mànan kokoo.»

Ɛsit 9:12

Kii lɛ tɔ́n pɛ a lɔ Ɛsitɛɛrɛ nɛ: «Suuzu kiwi gole lɛ nɛ, Zuifun lɛn nə́ gɛ̀ dɛ, ǹ nə́ min biɛsooro dɛ ka Haman a nɛgiĩ fú kɛ nɛ. Bǎã gialakunun kɛn dɔn nɛ, maǹ nə́ boo la ǹ nə́ wàa sii zɛnaa ke kəni? Sɛnɛ, n bɛ́ tɔn giɛ màn mɛn kɔsɔ li, a pɛ, masɛ á die koen la. N gɔ́ɔ̃ bɛ́ sii mɛn ganaa doo, a pɛ, á die n zɛnɛɛ n nɛ.»

Ɛsit 9:13

Ɛsitɛɛrɛ ná a lɛ si á pɛ: «Bɛ̀ kii lɛ dùũ ni, kii lɛ a boo mɛn bɛ́ a gòãn la pelo, ǹ zii kɔ Suuzu kiwi a Zuifun la biɛ̃ doo, ǹ bɛa boo lɛ a sii zɛnaa, ǹ Haman a nɛgiĩ fù kɛ gere lɔɔ lon gɔn ganaa.»

Ɛsit 9:14

Kii lɛ tɔ́n pɛ mà ǹ zɛnaa miɛ̃. Ǹ nə́ bɛa boo lɛ a lɛ dia Suuzu kiwi. Ǹ nə́ Haman a nɛgiĩ fù lɛ gere lɔɔ lon.

Ɛsit 9:16

Zuifun gialakunun mɛnɛn dɔn bɛ́ kii lɛ a gána lɛ a bǎãn nɛ, bɛn dɔn nə́ n sɔkɔn, ǹ nə́ yɔ bɔ ǹ nyin taman yii, ǹ nə́ n gɔn si ǹ zɔ́ɔn lɛn la. Ǹ sii bɛ́ a goã min mɛnɛn lɛn ganaa wa, ǹ nə́ bɛn min duu pɔsɔbaa ka sooro dɛ. Sɛnɛ, ǹ nə n gɔn da ǹ gɔn mànan ganaa wa.

Ɛsit 9:2

Kii Zɛrzɛsi lɛ a gána bǎãn tumaa nɛ, Zuifun lɛn nə́ n sɔkɔn ǹ kiwin ni, màn mɛn bɛ́ toɛ, min mɛnɛn nə goã giɛ li mà ǹ basaã kɔ ǹ nɛ, ǹ bɛn dɛ. Min kɔn goã n gòãn doɛ ǹ nyɛɛn wa, a giala min tumaa na á goã nyɛ́ɛ biɛ ǹ nɛ.

Tesaloniki1 5:22

Ka n bɔ sii baraa tɔrɔ tumaa nɛ.

Ebrəə 13:5

Wɔrɔ-narɛɛ baran goã kaa sii tumaa zɛnaa mìi lɛa wa. Màn mɛn bɛ́ ka lon, ka toa bɛ ka yii kã. A giala, Dɛnaa din na á pɛ: «Haayii! Ma a re n gɔn boe n ganaa duduu wa, ma a re n toɛ walan wa.»