Ɛsit 8:17 - LAWA A BOO SONBORE 2011

¹⁷ Kii a boo lɛ laanka a lɛ-dia lɛ goã á dɔ gána lɛ a bǎã mɛn tumaa nɛ, a goã á dɔ kiwi mɛn tumaa nɛ, a na á goã foo kɔɔ̃nbaa laanka nyɛnyɛɛ lɛa Zuifun gɔn, a na á goã zɔ́n gole laanka lɛawaa gole lɛa. Gána lɛ a min gigiã na á goã n dinin biɛ Zuifun lɛa, a giala man nə́ goã nyɛ́ɛ biɛ Zuifun lɛn manɛ.

Ɛsit 8:17 ပူးပေါင်းရင်းမြစ်များ

Siin Giala 35:5

Ǹ bɛ́ ǹ nə́ soo, ǹ nə́ n bɔ bǎã lɛ nɛ, Lawa nyɛ́ɛ tɔrɔ kɔ́n da lɛkoro lɛ-a kiwi minin ganaa. Min kɔ́n yii wɔ, á Zakɔba a nɛnyaanan lɛn kio loo wa.

Nehemii 8:10

Ɛsidrasi tɔ́n pɛ ǹ nɛ: «Ka wo nyɔɔ mànan bii, ka mi ǹ màn nɔnɔ̀ɔn mi. Bɛ̀ min mɛnɛn nə boo màn kɔn la ǹ nə́ zɛnaa wa, ka die ka bɛn gii bɔ, a giala pelo a lɛawaa kɛ na á n kɔ wɔsɛn Dɛnaa Lawa la. Ka foo baran ziziɛ̃ wa, a giala, Lawa bɛ́ foo kɔɔ̃nbaa mɛn koe, bɛ lɛ nə ka pàã lɛa.»

Ɛsit 9:17

Bɛ na á n zɛnaa Adaara mui a lɛawaa fulusɔɔbaa ǹ wɔ pinaa. A lɛawaa fulusiibaa ǹ wɔ pinaa, ǹ nə́ n susu, ǹ ná a pinaa baa zɔ́n gole laanka nyɛnyɛɛ lɛa.

Ɛsit 9:19

Bɛ lɛ n ke, Zuifun mɛnɛn bɛ́ giã-n don kionən ne, bɛn nə́ Adaara mui a lɛawaa fulusiibaa ǹ wɔ lɛ baa nyɛnyɛɛ pinaa lɛa, ǹ nə́ baa zɔ́n laanka màn bii ǹ lɛawaa lɛa, ǹ nə́ màn-bii koe kɔn la.

Ɛsit 9:2

Kii Zɛrzɛsi lɛ a gána bǎãn tumaa nɛ, Zuifun lɛn nə́ n sɔkɔn ǹ kiwin ni, màn mɛn bɛ́ toɛ, min mɛnɛn nə goã giɛ li mà ǹ basaã kɔ ǹ nɛ, ǹ bɛn dɛ. Min kɔn goã n gòãn doɛ ǹ nyɛɛn wa, a giala min tumaa na á goã nyɛ́ɛ biɛ ǹ nɛ.

Ɛsit 9:22

A giala, bɛa lɛawaan kɛn lɛn gɔ́ɔ̃ nɛ, Zuifun lɛn nə́ n gɔn si ǹ zɔ́ɔn la. Bɛa mui lɛ nɛ, sii lɛ goã á n lusi, foo ziziɛ̃ nə́ n bɔyaa á foo kɔɔ̃nbaa baa, gɛ̀ koa ǹ yɔrɔ kɔsiɛ nə́ n bɔyaa á zɔ́n baa. Mardoose mà ǹ bɛa lɛawaan kɛn lɛn baa màn bii laanka nyɛnyɛɛ pinaa lɛa, ǹ màn-bii kɔ kɔn la, ǹ bǐɛ̃ baa doobaan la.

Ɛsit 9:27

Zuifun lɛn nə́ sii lɛ a zɛnaa baa landa lɛa, ǹ nə́ lɛ kɔ a ganaa, ǹ dinin laanka ǹ nɛnyaanan wɔ lɛa, ka min mɛnɛn dɔn bɛ́ re kiɛ kunun ǹ ni. Lɛ̀ woo lɛ̀, maǹ bɛa lɛawaa paa lɛ koɛ, a kɔnpɛ ka a zɛnaa ǹ gɔn nɛ, ka a zɛnaa ǹ biikoo ne.

Ɛsit 9:3

Kii lɛ kiodɛnan mɛnɛn tumaa bɛ́ bǎãn mìi la, bɛn nɛ, kii lɛ a pàãdɛnan nɛ, a kiwin sii yɔrɔ-bɔlen ne, a pàã lɛ a dí-nyalin ni, ǹ tumaa na á goã n doe Zuifun lɛn lɛ, a giala ǹ nə́ goã nyɛ́ɛ biɛ Mardoose ne.

Loen 105:38

Ezipti minin nə́ n nyɛnyɛɛ ǹ woo a lɛa, a giala mà nyɛ́ɛ na á goã ǹ ganaa.

Loen 18:43

Má ǹ suu ka gusuũ bɛ́ lɔn piɛ̃ li, má tɔtɔrɔ ǹ la ka bɛrɛɛ bɛ́ lɔn zii gialaa.

Bɔ bɛ̀rɛbaa nɛ 15:16

Nyɛ́ɛ laanka yɔrɔ-kɔsiɛ á re kirii ǹ la. Dɛnaa, n pàã gole kɛ a lɛa, ǹ gù á re goɛ̃ giɛ̃ nɛ, yǎa n din a zaman kɛ kiɛ̃, n zaman mɛn lɛ si n baa n din wɔ lɛa.

Timəə dí-pɛn 11:25

Min kɔn din ba re boe la a golee ka nyɛɛnɛ a yɔ bɔ ka-a wa. Ka bɛ́ re boe gána lɛ a bǎã mɛn tumaa nɛ, kaa Lawa, Dɛnaa Lawa á re nyɛ́ɛ laanka foo biɛ na kiɛ minin ganaa ka kaa sii ni, ka a bɛ́ á pɛ ka-n lɔn.

Timəə dí-pɛn 2:25

Pelo dinin, man die nyɛ́ɛ laanka foo biɛ na diɛ kanaa tumaa a tɔrɔn ganaa ka kaa sii ni. Bɛ̀ ǹ nə́ ka boo ma lɔn, nyɛ́ɛ á die ǹ kuĩ, ǹ gɔ̀nɔn tá re bìn diɛ ka nyɛɛnɛ.»

Zozoe 2:11

Wɔsɛn bɛ́ wɔ́ bɛ lɛ ma, wɔ gɔ́ɔ̃ mu baa. Foo tãbaa din ba min kɔn lon doo, á n boe la á n golee ka nyɛɛn wa. A giala, Dɛnaa Lawa lɛ, kaa Lawa lɛa, a din lɛ n Lawa lɛa lon kɛ nɛ, a din lɛ n Lawa lɛa tán kànaa.

Zozoe 2:9

á pɛ ǹ nɛ kɛnɛn: «Ma á doɛ̃ máa Dɛnaa Lawa gána kɛ lɛ kɔ ka la. Kaa sii din nyɛ́ɛ dɛ á kaa wɔ ganaa. Gána lɛ a minin tumaa gɔ̀nɔn na á bìn da ka nyɛɛnɛ.

Samayeli1 25:8

Nɔ̀n da n tɔntɔraan lɛn la, ǹ tá re pii n ni. Maa dí-nyalin kɛn kũ doɛ̃, a giala, wɔn wɔ́ daa zɔ́n pinaa! Bǐɛ̃ kɔ, bɛ̀ n tá boe la n màn mɛn kɔ n dí-nyalin lɛn laanka n nɛgiĩ Davida la, n bɛ kɔ.»