Ɛsit 8:15 - LAWA A BOO SONBORE 2011

¹⁵ Mardoose tɔ́n soo kii lɛ li, kii dɔnkɛ tã bonbon pàsadɛnaa ná a ganaa, kii bafolo sanadɛnaa kaaraa ná a mìi-a, dɔnkɛ tã gole yii nɔnɔɔ dɔ ná a ganaa. Suuzu kiwi minin man nə́ goã n nyɛnyɛɛ, n lɛ dii.

Ɛsit 8:15 ပူးပေါင်းရင်းမြစ်များ

Siin Giala 41:42

Bɛ kio, a ná a gòon ganaa ǹ kaaran bɔ, á wɔ Zozɛfu goon ganaa, á mɔnaa guguru sonboren wɔ a ganaa, á sana gii da a bɔlɔ-a.

Ɛsit 1:6

Maǹ nə́ goã ǹ nə́ mɔnaa gɔn fufu laanka a lɔɔdɛnan yii kɔlɔ tɛ-pele bìbìn ganaa lon. Maǹ nə́ ǹ yii ka biɛ nàn tiɛ̃tiɛ̃nɛn laanka a fũfuĩnin ni. Bɛa biɛ nànan lɛn man wowoe ne wɔrɔ kaaranan nɛ. Sana dankan sɔsɔrɔn laanka wɔrɔ dankan sɔsɔrɔn nə́ goã tán banbaran la. Maǹ nə́ bɛa banbaran lɛ zɛnaa ka kɔlɔ kusi ni, a fu ni, a yii lɔlɔkɔn-a nɛ, a tì ni.

Ɛsit 10:2

Kii lɛ sii dadaran mɛnɛn tumaa zɛnaa ka foo tãbaa nɛ, a Mardoose saa á da lon lɔn á golebaa kɔ la, bɛn ǹ boo tá kiɛ̃ nɛ Mɛdi gána laanka Pɛrsi gána a kiin sɛ́wɔ kɛ nɛ.

Ɛsit 3:15

Kii lɛ bɛ́ á boo da, dia dí-a wolen lɛn nə́ woo belenbelen, ǹ nə́ boo lɛ a lɛ dia Suuzu kiwi gole lɛ nɛ. Suuzu kiwi minin tumaa yiri lɔlɔkɔnmaa nɛ, a da yaa Kii lɛ laanka Haman giã tán ǹ nə́ duvɛ̃ mii.

Ɛsit 5:1

A lɛawaa sɔɔbaa ǹ wɔ pinaa, sii mɛn nə n zɛnaa, bɛ á ke: Ɛsitɛɛrɛ ná a kii lɔ mɔnaan wɔ, á woo golee kii a sumu gɔ́ɔ̃ nɛ, kii a kion yɔrɔ-a. Bɛ á zɛnɛɛ, bɛ̀ kii lɛ á giã-n tán a kii dankan nɛ, wɔ ǹ kiɛnlɛ kɛ yɔrɔ-a pepere.

Ɛsit 5:11

Haman nə́ n din laakalaa bɛn yɔrɔ-a. A gɔn màn sonboren kɛn laanka a nɛgiĩ gigiã kɛ nɛ, á bɛn boo da. Kii lɛ goledɛnaabaa mɛn kɔ la, á saa á da a kiodɛnan laanka a dí-nyali dadaraan mìi la, a lɛ dɔ bɛ dɔ ganaa.

Ɛsit 6:11

Haman tɔ́n dɔnkɛ lɛ saa, á sùi lɛ kũ, á dɔnkɛ lɛ wɔ Mardoose ganaa, á da sùi la á n bibiə̃ ne kiwi lɛ a zii gole lɛ la, á n lɛ dɛ a nyɛɛnɛ á pɛ: «Kii lɛ bɛ́ giɛ li a gugurubaa kɔ min mɛn la, a nə n zɛnɛɛ bɛ-n kɛnɛn.»

Ɛsit 6:8

Kii dɔnkɛ goon nə die, dɔnkɛ mɛn bɛ́ kii wɔ. Sùi goon nə die, sùi mɛn bɛ́ kii dii la, kii bafolo dɔ ná a mìi ganaa.

Ɛsit 8:14

Kii lɛ bɛ́ á boo da, dia dí-a wolen kɛn dii pàã sùin la, bɛ̀ ǹ wo dia malin koa, bɛn nə́ n nanaa ǹ nə́ woo ka belenbelen, boo lɛ a lɛ nə́ n dia Suuzu kiwi gole lɛ dɔ nɛ.

Suusun 11:10

Min sonboren là nyantoro n nyɛnyɛɛ lɛa kiwi ganaa. Sɛnɛ, min baraan gɛ̀ n foo kɔɔ̃n lɛa ǹ ganaa.

Suusun 28:12

Min mɛnɛn bɛ́ sii bǐɛ̃ zɛnɛɛ, bɛ̀ ǹ nə́ gɔ̀lɔ̀baa yɛ, a n zɔ́n gole lɛa. Sɛnɛ, min mɛnɛn bɛ́ sii baraa zɛnɛɛ, bɛ̀ bɛn nə́ pàã saa, min tumaa nə n duri.

Suusun 29:2

Bɛ̀ min peperen nə́ pàã saa, zaman nə n nyɛnyɛɛ. Sɛnɛ bɛ̀ min baraa pàã saa, zaman nə gungunun sii.

Matiə 11:8

Bɛ̀ bɛ bie wa, ka n ka woo ga wàa ganaa? Dɔnkɛ sonbore wɔle ne ká woo ga a ganaa? Sɛnɛ, dɔnkɛ sonbore wɔlen man kiin kion.

Matiə 6:29

Bɛ din tumaa kio, masɛ n pii ka nɛ, kii Salomɔn laanka a naforodɛnaabaa kɛ lɛ din ni, a wɔ ǹ mɔnaan nə goã siĩni ka da buũn kɛn lɛn kɔ́n bɛ́ lɔn wa.

Luku 16:19

Giĩ goon na á goã, a n pàãma lɛa. A na á goã mɔnaa sonbore sonboren we. A na á goã zɔ́n màn-bii zɛnɛɛ baraabaraa.