Ɛsit 8:11 - LAWA A BOO SONBORE 2011

¹¹ Sɛ́wɔ lɛ gɔ́ɔ̃gɔ́ɔ̃ ǹ boo á ke: «Zuifun mɛnɛn bɛ́ kiwi gogoonmaa nɛ, kii zii kɔ ǹ la, ǹ nə́ n sɔkɔn ǹ yɔ bɔ ǹ nyin taman yii. Bǎã mɛn a sɔraasin hinlaa tɔrɔ mɛn a zia-baalin bɛ́ re yui ǹ gialaa, ǹ nə ǹ dɛ ǹ nə ǹ nya lenlen, nɛnyaanan laanka lɔn nɛ, ǹ nə ǹ mànan kokoo.»

Ɛsit 8:11 ပူးပေါင်းရင်းမြစ်များ

Ɛsit 3:13

Bɛ kio, ǹ nə́ sɛ́wɔn lɛn kɔ dia dí-a wolen la, ǹ nə́ woo ǹ koa kii lɛ a gána a bǎãn tumaa nɛ. Adaara mui ke lɛ̀ a mui fulupaabaa ǹ wɔ lɛa, bɛa lɛawaa fulusɔɔbaa ǹ wɔ, ǹ Zuifun lɛn tumaa dɛ lenlen ǹ nə ǹ nya pinin goon, min tenən laanka min zizin ni, nɛnyaanan laanka lɔn nɛ. Ǹ nə ǹ mànan kokoo.

Ɛsit 9:18

Suuzu kiwi a Zuifun kɛn, ǹ nə́ n sɔkɔn mui lɛ a lɛawaa fulusɔɔ laanka a fulusii, bɛn sɛn man nə́ n susu mui lɛ a lɛawaa fulusooro, ǹ ná a pinaa baa zɔ́n gole laanka nyɛnyɛɛ lɛa.

Loen 137:8

Baabilonii minin, basaã á die ka-a! Ka baraa mɛn zɛnaa wɔsɛn manɛ, min mɛnɛn bɛ́ re bɛ dòo sarɛɛ ka la, Lawa á re barka diɛ bɛn ganaa.

Loen 68:3

Lawa, n din nə ǹ sasawɛɛ ka tɛmaa bɛ́ lɔn. Ka tɛ bɛ́ nyɔɔ yoe lɔn, Lawa lɛ-tiilin lɛn dɔn man bɔ̀n biɛ a yɔrɔ-a miɛ̃.

Izayii 10:6

Man Asiirii a sɔraasin diɛ tɔrɔ bɔlɔgoonbaãdɛnaa gialaa. Tɔrɔ mɛn bɛ́ ma foo yui, maǹ nə n yɔrɔ diɛ bɛn la, ǹ nə ǹ kokoo, ǹ nə ǹ naforon goa! Ǹ nə́ ǹ tɔtɔrɔ ka zii gialaa ǹ bɛrɛɛ bɛ́ lɔn.

Ezekieli 39:10

Ǹ laadoo ba re doe a ganaa ǹ wo gɔn yɔ don wa, ǹ ba re da kuri daã-n wa. A giala, maǹ die tɛ koɛ ka ziabaa ǹ mànan kɛn lɛn nɛ. Min mɛnɛn nə ǹ mànan goa, ǹ tá re bɛn wɔn goɛ, min mɛnɛn nə ǹ mànan si ǹ la, ǹ tá re bɛn wɔn sii ǹ la. Ma din Dɛnaa Lawa a da ǹ boo ne.