Ɛsit 8:10 - LAWA A BOO SONBORE 2011

¹⁰ Maǹ nə́ sɛ́wɔ lɛ kiɛ̃ ka kii Zɛrzɛsi tɔ nɛ, ǹ nə́ kii gòon ganaa ǹ kaaran bǎã da la, bɛ kio, ǹ nə́ ǹ kɔ dia dí-a wolen la ǹ nə́ woo ǹ koa. Bɛa dia dí-a wolen lɛn man nə́ dii pàã sùin la. Maǹ nə́ bɛa sùin lɛn tɔrɔ bɔ a tɔ-a.

Ɛsit 8:10 ပူးပေါင်းရင်းမြစ်များ

Kiin1 21:8

Bɛ kio, Zezabɛli sɛ́wɔn kiɛ̃ ka Akaabu tɔ nɛ. Á kii a gòon ganaa ǹ kaaran bǎã da ǹ la, á ǹ dia Naabɔti a kiwi a min golen laanka a kənən la.

KZS2 30:6

Dia dí-a wolen lɛn nə́ woo Izirayeli ka Zudaa gánan nɛ ka sɛ́wɔn lɛn nɛ kii gɔn nɔɔ n la ka zaman nyɛɛnaandɛnan wɔ nɛ. Ká kii pɛ ǹ nɛ lɔn, ǹ nə́ pɛ kɛnɛn: «Izirayeli minin lɛn, kasɛn mɛnɛn nə n si Asiiriin kii a pàã la, ka wusoo ka da Dɛnaa Lawa li, Abrahamu, Izaaki ka Zakɔba a Lawa ke, á re wusii a da ka li.

Ɛsit 8:8

Sisia, ka dɔn nə sɛ́wɔ kiɛ̃ ka dinin foo yii li, ka dia Zuifun lɛn la ka kii tɔ nɛ, ǹ kii a gòon ganaa ǹ kaaran lɛ bǎã da la. A giala, bɛ̀ sɛ́wɔ nə́ n kiɛ̃ ka kii tɔ nɛ, kii a gòon ganaa ǹ kaaran kɛ bǎã nə́ n da la, bɛa boo ba boe la a n bɔyaa doɛ̃ doo wa.»

Zɔbu 9:25

Maa lɛawaan lɛn gòã yii á fuu, ǹ nə́ la baa-silin manɛ, Maǹ baa sii, má n ma tɔn yii-nyɛɛ yɛ wa.

Boo-laakalaali 8:4

Sonbore, boo ba kii a boo la kuri wa. Die yii ń we a pɛ nɛ, mà wàa sii n ke á tá zɛnɛɛ?

Izayii 60:6

Nyɔɔmaa kuru gigiã á re n gána piɛ̃, Madiã gána laanka Ɛfaa gána a nyɔɔmaa tenən kɛn tumaa á re boe Sabaa. Ǹ tá re die sana laanka da yon gìĩ kɔɔ̃n nɛ, ǹ loe lɔ min tumaa yɔrɔ-a, ǹ Dɛnaa Lawa tɔ bɔ nɛ.

Izayii 66:20

Ka dɔɔ̃nɔn mɛnɛn bɛ́ re goɛ̃ tɔrɔn tumaa bii, ǹ tá re die ǹ tumaa nɛ, sùin la, ziabaa ǹ wotoron ne, wotoron ne ǹ nə́ mɔnaa kɔ ǹ mìi lɛ, dundun sùin la ka nyɔɔmaan nɛ. Ǹ tá re die yǎa maa kele sonbore kɛ li Zeruzalɛmu, Dɛnaa Lawa na á pɛ: Bɛ n die goɛ̃ ǹ Lawa gɔ ǹ màn lɛa maa wɔ lɛa. Man die ǹ sii ka Izirayeli minin bɛ́ nɛn bɛ̀ ǹ wúlu mànan mɛnɛn kaa màn sonboren ne bɛ̀ ǹ da-n maa kion lɔn.»

Zeremii 2:23

N nə n siɛ lɔn n tá pii mà n nə n din gɔgɔrɛ kɔ wa, mà n Baalin guguru kɔ wa. Ga n giã ǹ gɔn ganaa nyankɔrɔ basa kɛ nɛ. Lɛ kɔ n sãn ganaa. N nə n kɔnbɔ nyɔɔmaa dan ten ne, baa sii paǹ yii li.

Zeremii 51:21

N din barka nɛ, má sùin laanka sùidɛnan yɔyɔrɛ, ziabaa ǹ wotoron ne ka ǹ da baa-a wolen ne.

Danayeli sɛ́wɔ 4:1

Kii lɛ wusoo á pɛ kɛnɛn: – Masɛ Nebukadenezɔɔrɔ-n má goã maa kion, yii-nyɛɛ la, ma foo yii n kɔɔ̃nɛ maa kii kion kɛ nɛ.

Danayeli sɛ́wɔ 6:8

Gána lɛ a goledɛnaa dadaran nɛ, a wɔrɔ sii-yɔrɔ bɔle ne, a gánadɛnaa dadaran nɛ, yiri kɔmala wolen laanka gánadɛnaa bisinin ni, ǹ tumaa kɔn yɛ, ǹ nə́ landa goon koa ka kii tɔ nɛ, ǹ nə́ kɛ pɛ ǹ nə́ laa: «A saa pelo ganaa a wo dɔ lɛawaa pɔsɔɔ, bɛ̀ min mɛn kii din toa walan, á lawa kɔsɔ hinlaa minbuiin nɛ nyankɔ, ǹ die ǹ bɛa dɛnaa kũ ǹ zũ yàran yala kɛ nɛ.»