Ɛsit 8:1 - LAWA A BOO SONBORE 2011

¹ A din pinaa lɛ nɛ, Haman mɛn lɛ á ke boe Zuifun yii ni, màn mɛn din tumaa bɛ́ a wɔ lɛa, kii Zɛrzɛsi lɛ bɛ yii kũ á si, á kɔ a lɔ Ɛsitɛɛrɛ la. Tɔrɔbaa mɛn bɛ́ Ɛsitɛɛrɛ laanka Mardoose bii, Ɛsitɛɛrɛ goã á bɛ boo da kii lɛ nɛ. Kii lɛ tɔ́n lɛ dia Mardoose la, á daa a yɔrɔ-a.

Ɛsit 8:1 ပူးပေါင်းရင်းမြစ်များ

Ɛsit 1:14

Karsenaa nɛ, Setaara nɛ, Admaataa nɛ, Tarsiisi ni, Merɛzi ni, Marsenaa nɛ, ka Memukan nɛ, bɛn man Pɛrsi gána laanka Mɛdi gána a kii kiodɛnan min sɔbaa lɛa. Ǹsɛn lɛn man mɔrɛɛ-n kii lɛ ganaa, nyɛɛnaandɛnan lɛa.

Ɛsit 2:15

Woo bɛ́ á dɔ́ Ɛsitɛɛrɛ ganaa, Mardoose ǹ dikoɛ Abiayili a nɛlɔ lɛ, asɛ nɔ̀n da màn kɔn li wa. Bɛ̀ á n bɔ ka màn kɛ nɛ, Egee, kii a lɔn-lɛduə̃li kɛ goã á nyaa nɛ. Min mɛn yii tumaa goã Ɛsitɛɛrɛ yii, a sii na á goã kiɛ ǹ foo la.

Ɛsit 2:7

Mardoose na á goã á nɛnyaan kɔn too a tɔn Ɛsitɛɛrɛ. Bɛa Hadaasa lɛ na á goã Mardoose gɔn á n toe, a giala, ǹ di goã a tan wa, ǹ dan dɔ goã a tan wa. Mardoose lɛ dikoɛ goon a nɛlɔ nɛ. Ɛsitɛɛrɛ lɛ goã kiɛ yii ni, siĩni a tɔ-a.

Ɛsit 7:6

Ɛsitɛɛrɛ ná a lɛ si: «Bɔ minin yii-n wole lɛ, zɔ́ɔ lɛ, Haman nɛ, bɛa min kakaarɛ ke.» Yǎa nyɛ́ɛ tɔn Haman kũ, kii lɛ laanka kii a lɔ lɛ yɔrɔ-a.

Ɛsit 8:7

Kii Zɛrzɛsi lɛ tɔ́n a lɔ Ɛsitɛɛrɛ laanka Zuifun giĩ Mardoose lɛ lɛ si á pɛ: «Á ke, má Haman gɔn màn tumaa kɔ Ɛsitɛɛrɛ la, a dinmaa ke, ǹ ná a bɔlɔ yu gɔn ganaa lon, a giala, a na á goã giɛ li a Zuifun dɛ.

Loen 39:6

Á ke, n lɛawaa lɛ mɛn kɔ ma la, a kiɛ̃ gɔn tìsì la wa. Maa belebɔ kanaa din ba màn kɔn lɛa n yii li wa. Sonbore, ta min din na a gòã la lɔn, a n ka piɛ̃ nɛ. *Doa

Suusun 13:22

Min mɛn bɛ́ sii bǐɛ̃ zɛnɛɛ, a n kíɛ̃ koɛ a nɔ̀ɔnɔn manɛ. Sɛnɛ, sii baraa-zɛnaali a naforo n sii sonbore-zɛnaalin wɔ lɛa.

Suusun 28:8

Min mɛn bɛ́ wɔrɔ giɔ̀mɔ diɛ minin ganaa ka là gole-n la, ta á pàãma baa, a gɔn màn lɛ n die min kɔsɔ wɔ biɛ, min mɛn bɛ́ doobaa makara doɛ̃.

Luku 12:20

Sɛnɛ, Lawa pɛ nɛ: «Nsɛ baãnaa ke! Pelo tèlò kɛ lɛ din ni, Lawa á die n nyin sii n la. N bɛ́ n màn mɛn lɛ sɔkɔn bɛ n die die wɔ biɛ?»