Ɛsit 7:6 - LAWA A BOO SONBORE 2011

⁶ Ɛsitɛɛrɛ ná a lɛ si: «Bɔ minin yii-n wole lɛ, zɔ́ɔ lɛ, Haman nɛ, bɛa min kakaarɛ ke.» Yǎa nyɛ́ɛ tɔn Haman kũ, kii lɛ laanka kii a lɔ lɛ yɔrɔ-a.

Ɛsit 7:6 ပူးပေါင်းရင်းမြစ်များ

Nehemii 6:16

Wɔa zɔ́ɔn tumaa bɛ́ ǹ ná a boo ma, tɔrɔn mɛnɛn tumaa goã wɔ lɛnpɛnɛ, nyɛ́ɛ nə́ ǹ kũ. Ǹ dinin yii li, ǹ lɛ na á kuməə duduu. Ǹ nə́ dɔ̃ mà dí lɛ na á goã á n nya á kɔnpɛ ka wɔa Lawa foo sii ni.

Ɛsit 3:10

Kii lɛ tɔ́n a gòon ganaa ǹ kaaran bɔ a gòon ganaa, á kɔ Hamedaata a nɛgiĩ Haman la, Agaagi tɔrɔ kɛ lɛ boe Zuifun yii ni.

Ɛsit 7:5

Kii lɛ tɔ́n boo da ka Ɛsitɛɛrɛ nɛ, á pɛ nɛ: «Min mɛn bɛ́ á da a foo ne, mà a n die bɛa sii kɛ lɛ tɔrɔ zɛnɛɛ, die ne? Ǹ dɛnaa n maa?»

Ɛsit 8:1

A din pinaa lɛ nɛ, Haman mɛn lɛ á ke boe Zuifun yii ni, màn mɛn din tumaa bɛ́ a wɔ lɛa, kii Zɛrzɛsi lɛ bɛ yii kũ á si, á kɔ a lɔ Ɛsitɛɛrɛ la. Tɔrɔbaa mɛn bɛ́ Ɛsitɛɛrɛ laanka Mardoose bii, Ɛsitɛɛrɛ goã á bɛ boo da kii lɛ nɛ. Kii lɛ tɔ́n lɛ dia Mardoose la, á daa a yɔrɔ-a.

Loen 27:2

Bɛ̀ min baraan nə́ yoo ma gialaa, ǹ nə́ zoɛ̃ mà ǹ ma nyin bɔ, maa zɔ́ɔ babaraan kɛn lɛn, ǹ dinin manə n gòã niɛ̃ ǹ mɛnaa.

Suusun 16:14

Kii a foo-yoo á min we gɛ̀ gɔn, sɛnɛ, sii-dɔ̃li á boe la a na a foo waa.

Boo-laakalaali 5:8

Tán a là nə ǹ dinin tumaa ganaa. Tán dí n kii pàã lɛa.

Izayii 21:4

Ma yiri yoo, nyɛ́ɛ n ma gɔ̀nɔn bìn diɛ. Ma nə n yii diɛ wasamiɛ̃n la, ma boo la man susu, sɛnɛ, tèlò-n, nyɛ́ɛbaa n ma ganaa.

Tesaloniki2 2:8

Bɛa biikoo li, Lawa a Zɔ́ɔ lɛ á die n din nyɛɛ, sɛnɛ, bɛ̀ Dɛnaa Yezu soo lɔn gɔrɔ, a n die a din lɛ dii a yɔyɔrɛ ka a lɛ gɔ́ɔ̃ ǹ piɛ̃ nɛ, a toa a papaã duduu ka a din a gugurubaa kɛ a daa nɛ.

Samayeli1 24:13

Dɛnaa Lawa die a sii lɛ kuru wɔ biin ni! Dɛnaa Lawa die a masɛ a dòo bɔ n ganaa! Sɛnɛ, masɛ gɔn ba re miɛ n ganaa wa.