Ɛsit 7:3 - LAWA A BOO SONBORE 2011

³ Kii a lɔ Ɛsitɛɛrɛ lɛ ná a lɛ si á pɛ: «Kii, bɛ̀ masɛ a sii kaa n foo la, bɛ̀ á n dùũ baa, ǹ die ǹ masɛ yii toa koo. Masɛ n giɛ bɛ lɛ li. Ǹ die ǹ masɛ tɔrɔn dɔn yii toa koo. Masɛ gɔ́ɔ̃ n bɛ lɛ ganaa.

Ɛsit 7:3 ပူးပေါင်းရင်းမြစ်များ

Kiin1 20:31

Bɛn-Adaadi a dí-nyalin nə́ pɛ nɛ mà ǹsɛn nə́ ma minin lɛ-n, mà Izirayeli gána a kiin lɛn tá min makara doɛ̃. Mà ǹsɛn man die gɛ̀ koa ǹ mɔnaa yii ǹ bɔsɔ-n, ǹsɛn nə biɛn da ǹ mìi ni, ǹsɛn nə soo, ǹ wo Izirayeli a kii lɛ yaa. Mà kɔntan, mà á die n yii toɛ koo.

Kiin2 1:13

Kii lɛ sɔraasi posooro mìilandɛnaa lɛ a sɔɔbaa ǹ wɔ dia doo, a laanka a kiodɛnaa posooro ne. Bɛa sɔɔbaa ǹ dɔn wɔ lɛ woo, sɛnɛ a bɛ́ á dɔ, á na á kaa tán Yilii giulun, a ná a nyankɔ á pɛ: «Lawa a min, n dí-nyali posooro ke, toa barka goã bɛn yiikoonaabaa nɛ n gɔn, ka masɛ dɔ wɔ nɛ.

Ɛsit 4:8

Ǹ goã ǹ nə́ pàã sɛ́wɔ mɛn dɔ a boo a lɛ dia Suuzu kiwi, Zuifun lɛn dɛ a nya ǹ wɔ lɛa, Mardoose bɛ lɛ a goon dɔ kɔ Hataaki la, màn mɛn bɛ́ toɛ a nyaa Ɛsitɛɛrɛ nɛ, a na a boo da nɛ, a pɛ nɛ mà a wo kii lɛ li, a gòã-kũ da a ganaa, a na a nyankɔ a tɔrɔn lɛa.

Ɛsit 5:8

Ma bɛ́ giɛ màn mɛn li, ma gɔ́ɔ̃ bɛ́ màn mɛn ganaa, bɛ̀ maa sii kaa n foo la, bɛ̀ á n din dùũ baa, masɛ bɛ́ re zɔ́n màn-bii mɛn zɛnɛɛ kaa wɔ lɛa, n die n da kun ka Haman nɛ bɛa bǎã-n doo. Biɛ̃, ma á re n lɛ sii.»

Ɛsit 7:7

Kii lɛ yoo, á n bɔ tán zɔ́n màn bii ǹ bǎã lɛ nɛ, a foo n yoo ne, á woo a piɛ dù gɔrɔ kɛ nɛ. Haman golee á n nyin nyankɔ kii a lɔ Ɛsitɛɛrɛ la, a giala a yii goã a ganaa mà kii lɛ golee asɛ bɔ̀n baa li.

Ɛsit 8:5

A n toa: «Bɛ̀ kii lɛ dùũ ni, bɛ̀ masɛ a sii kaa a foo la, bɛ̀ sii lɛ kii lɛ foo si, bɛ̀ masɛ tá kɔɔ̃nɛ a ganaa, Hamedaata a nɛgiĩ Haman lɛ, Agaagi tɔrɔ lɛa, bɛ goã á sɛ́wɔn mɛnɛn yɔrɔ bɔ, á ǹ kiɛ̃ mà ǹ die ǹ kii lɛ a gána a bǎãn tumaa a Zuifun dɛ lenlen, mà ǹ wusoo ǹ sɛ́wɔ kiɛ̃, ǹ bɛa sɛ́wɔn lɛn boo sàabaa nɛ.

Zɔbu 2:4

Zɔ́ɔ tɔ́n pɛ Dɛnaa Lawa nɛ: «Didie n giɛ a din nyin li bɔrɔ. Minbuiin nɛ á boe la a n gɔn màn tumaa kɔ, a ga a din nyin li ni.

Zeremii 38:26

N die n nə ǹ lɛ si mà nsɛ nə n kii nyankɔ parsiini má a nyan wo n ne Zonaatan a kion kɛ-n doo wa. Bɛ bie wa, mà n nə ǹ die giɛ̃.»