Ɛsit 7:10 - LAWA A BOO SONBORE 2011

¹⁰ Haman goã á gɔn mɛn yɔrɔ bɔ Mardoose wɔ lɛa, ǹ nə́ tɔ́n Haman dinmaa bɔlɔ yu bɛ ganaa lon. Bɛa biikoo li, kii lɛ foo tɔ́n waa.

Ɛsit 7:10 ပူးပေါင်းရင်းမြစ်များ

Siin Giala 40:22

Sɛnɛ, á buuru-dalin goledɛnaa lɛ sɛ lɔɔ lon da ganaa. Zozɛfu narɛɛn lɛn giala pɛ lɔn, a na á n zɛnaa miɛ̃.

Ɛsit 2:1

Bɛa siin lɛn kiɛ̃ kio, kii Zɛrzɛsi foo bɛ́ á basã, a yiri daa ka Vastii ni. Vastii sii mɛn zɛnaa, sii mɛn dɔ nə n yɔrɔ bɔ a wɔ paǹ li, Zɛrzɛsi yiri daa ka bɛ nɛ.

Ɛsit 5:14

Haman a lɔ Zerɛsi lɛ laanka a giaáran lɛn tumaa pɛ nɛ: «Ǹ die ǹ gɔn yɔrɔ bɔ ǹ da bii-a, a wo lon nə goã mɛtərə fuəwensooro. Biɛ̃ baayɛlɛ, n pɛ kii lɛ nɛ, mà ǹ die ǹ Mardoose bɔlɔ yu bɛa gɔn lɛ ganaa lon. Bɛ kio, n wo zɔ́n màn bii ǹ bǎã lɛ nɛ kun ka kii lɛ nɛ, n foo n kɔɔ̃nɛ.» Sii lɛ kɔɔ̃n kɔ Haman ganaa, á tɔ́n nə ǹ kaa gɔn lɛ a yɔrɔ bɔ ganaa.

Ɛsit 7:7

Kii lɛ yoo, á n bɔ tán zɔ́n màn bii ǹ bǎã lɛ nɛ, a foo n yoo ne, á woo a piɛ dù gɔrɔ kɛ nɛ. Haman golee á n nyin nyankɔ kii a lɔ Ɛsitɛɛrɛ la, a giala a yii goã a ganaa mà kii lɛ golee asɛ bɔ̀n baa li.

Ɛsit 7:8

Kii lɛ bɛ́ á n toa a piɛ dù gɔrɔ lɛ nɛ, á n bɔyaa á daa zɔ́n màn bii ǹ kion, Ɛsitɛɛrɛ goã tán dankan sasa mɛn la, Haman nə́ n gɔn bɔ a din-a á mɛnaa tán bɛ la palapala. Kii lɛ bɛ́ á yɛ, á tɔ́n nə n toa a ganaa: «Ma n giɛ li dɔn n giã kun ka maa lɔ nɛ ka pàã nɛ, ma din dɔ a kion?» Bɛa boo lɛ bɔ kii lɛ lɛ-n lɔn gɔrɔ, ǹ nə́ mɔnaa kɔ Haman yɔrɔ lɛ.

Ɛsit 8:7

Kii Zɛrzɛsi lɛ tɔ́n a lɔ Ɛsitɛɛrɛ laanka Zuifun giĩ Mardoose lɛ lɛ si á pɛ: «Á ke, má Haman gɔn màn tumaa kɔ Ɛsitɛɛrɛ la, a dinmaa ke, ǹ ná a bɔlɔ yu gɔn ganaa lon, a giala, a na á goã giɛ li a Zuifun dɛ.

Ɛsit 9:14

Kii lɛ tɔ́n pɛ mà ǹ zɛnaa miɛ̃. Ǹ nə́ bɛa boo lɛ a lɛ dia Suuzu kiwi. Ǹ nə́ Haman a nɛgiĩ fù lɛ gere lɔɔ lon.

Ɛsit 9:25

Sɛnɛ Ɛsitɛɛrɛ bɛ́ á woo kii lɛ li, kii lɛ sɛ́wɔ kiɛ̃, á zii kɔ, mà Haman sii baraa mɛn yɔrɔ bɔ Zuifun taman yii, mà bɛ die a kũ a din mìi ni, mà ǹ die ǹ na a bɔlɔ yu gɔn ganaa, ka a nɛgiĩn ni.

Zɔbu 18:8

A din gòã n die a din diɛ biɛ nɛ, a n tɔ we sii bii.

Zɔbu 20:8

A n die woe ka narɛɛ bɛ́ lɔn, min ba re yii doo wa. A n die goɛ̃ ka narɛɛ bɛ́ papaɛ̃ bɛ̀ a n bɔ min yɔrɔ-a lɔn.

Loen 37:15

Sɛnɛ, ǹ gɔya sa lɛ á re ǹ dinin koron foɛ̃, ǹ sa dɔ á re yiɛ.

Loen 7:16

Bɛ̀ min nyankɔrɔ zuzulu mɛn fɔ̃, a din nə die mɛnɛɛ bɛa nyankɔrɔ lɛ nɛ.

Loen 94:23

Ǹ bɛ́ giɛ baraa mɛn li, maa wɔ paǹ li, wɔa Dɛnaa Lawa lɛ na á ǹ saraa ka bɛ lɛ nɛ. Á ǹ dinin baraabaa lɛ kuməə ǹ mìi ni, á ǹ sàabaa nɛ.

Suusun 11:27

Sii bǐɛ̃-zɛnaali n kɔɔ̃n Lawa ganaa. Sii baraa-zɛnaali tá re koe yii.

Suusun 11:8

Min sonbore n kanbiɛ fuu ganaa. Sɛnɛ, min baraa n fuu yii a dòo.

Suusun 26:27

Min mɛn bɛ́ yala foɛ̃, a din nə die n doe a nɛ. Min mɛn bɛ́ kɔlɔ birikəĩ, kɔlɔ á re n birikəĩ la.

Zeremii 34:17

Bɛ lɛ nɛ Dɛnaa Lawa á kɛ pii: – Ka ma lɛ si wa, min kɔn nə ǹ dɔɔ̃n da á bɔ bɛ̀rɛbaa-n wa. Masɛ Dɛnaa Lawa n kɛ pii: «Man die yui zia-n ka ganaa, piɛ̃ busu ni ka bòo ne. Bɛa waáraa kəni, tán a tɔrɔn tumaa gɔ̀nɔn tá re bìn diɛ ka nyɛɛnɛ.

Ezekieli 5:13

Ma foo mɛn yoo ke, yǎa ma a nyɛɛ ǹ bǎã yii. Man die n foo nyɛɛ ka dinin lɛn la, ma maa gɛ̀ dòo bɔ ka ganaa. Ka á re doɛ̃ ka bɛ-n kəni mà ma din Dɛnaa Lawa n má boo da ka nɛ, a giala ma foo na á goã yoo-n ka li kaa lɛ-tii kɛ lɛ a lɛa.

Danayeli sɛ́wɔ 6:24

Bɛa biikoo li, kii foo kɔɔ̃n kɔ parsiini, á tɔ́n pɛ mà ǹ Danayeli bɔ ǹ bɔ yala lɛ nɛ. Ǹ nə́ Danayeli bɔ ǹ nə́ bɔ yala lɛ nɛ. Ǹ màn lɛ pɔrɛɛ din yɛ a gɔ̀nɔn ganaa wa, a giala, a na á goã á n foo doa Lawa ganaa.

Danayeli sɛ́wɔ 6:25

Kii tɔ́n pɛ, mà min mɛnɛn lɛn nə goã ǹ nə́ Danayeli biɛ kɔ, mà ǹ bɛn kũ ǹ da ǹ nɛ. Ǹ nə́ ǹ kũ ǹ nə́ daa ǹ zũ yàran yala lɛ nɛ, ǹ lɔn laanka ǹ nɛnyaanan nɛ. Yàran lɛn nə́ ǹ kũ, ǹ nə́ ǹ pɔpɔsɛ kɔn, bɛ̀ ǹ tɔn dɔ tán yala lɛ din gɔ́ɔ̃-n wa.

Zakarii 6:8

Dɛnaa Lawa tɔn ma bii kəni á pɛ ma-n kɛnɛn: «Ga! Ǹ mɛnɛn bɛ́ woe gɔsɛ a lɛ̀gɔn la, maǹ woe ma yiri gisin walan.»

Sii yɔrɔ-bɔlen 15:7

Sansɔn tɔ́n pɛ ǹ nɛ: «Ka bɛ́ ka zɛnaa kɛnɛn, yǎa masɛ na a gɛ̀ dòo boe ka ganaa, ma tɔn nə n susui.»