Ɛsit 6:13 - LAWA A BOO SONBORE 2011

¹³ Sii mɛn nə Haman yɛ, a ná a tumaa laakalaa a lɔ Zerɛsi laanka a din a giaáran manɛ. Min mɛnɛn bɛ́ yiri koe la, bɛn laanka a lɔ pɛ-n kɛnɛn: «Ǹ nə n puusə kɔ Mardoose mɛn lɛ yɔrɔ-a a din a Zuifu tɔrɔ baa kɛ taman yii ni. Bɛ lɛ taman yii, n tá re goɛ̃ màn kooro lɛa yǎa duduu a yɔrɔ-a. Ma n die goɛ̃ n toe tán a giulun kɛnɛn miɛ̃, bɛa sàabiɛ wa.»

Ɛsit 6:13 ပူးပေါင်းရင်းမြစ်များ

Siin Giala 24:66

Bɛ̀rɛgiĩ lɛ sii mɛn tumaa zɛnaa, a ná a tumaa laakalaa Izaaki ni.

Siin Giala 40:19

Lɛawaa sɔɔ kɛ kio, Faarahɔn lɛ á die n mìi kuri, a bɔ a ganaa, a nə n dinmaa lɔɔ da ganaa, lon bàanan nə da n siĩ mui.»

Siin Giala 41:8

A lɛawaa baayɛlɛ, a yiri bɛ́ lɔloɛkɔn, á minin dia, mà ǹ wo Eziptin kɔ́lɔnbaalin tumaa bíi, ka ǹ sii-dɔ̃lin tumaa nɛ, mà ǹ daa. Ǹ bɛ́ ǹ nə́ daa, a ná a narɛɛn lɛn pɛ ǹ nɛ, sɛnɛ, min kɔ́n boo la, á ǹ giala pɛ-n wa.

Zɔbu 15:24

Fuu laanka nɔmaa babaraa tá re nyɛ́ɛ diɛ ǹ ganaa. Fuu laanka nɔmaa á re kiɛ ǹ la, ka kii kɔn a sɔraasin man nə́ n yɔrɔ bɔ, ǹ nə́ die zia biɛ.

Zɔbu 16:2

– Má bin boo kɛ miã gigiã ma. A foo basã ǹ boo lɛa ka á diɛ wa. Ka tumaa n ma foo siɛ̃ ǹ boo diɛ.

Loen 105:15

Ka baran n gɔn da maa yii-gɔgoɛ̃ wolen kɛn-a wa. Ka baran sii baraa zɛnaa maa boo gii-dalin kɛn man wa.

Suusun 28:18

Min mɛn a giã ǹ gɔn bɛ́ pepere, á re yiikoonaabaa yii. Sɛnɛ, min mɛn a giã ǹ gɔn bɛ́ yɔrɔ paa la, a nyin nə die goɛ̃ a goon ne.

Danayeli sɛ́wɔ 2:12

Bɛa boo lɛ tumaa na á kii foo yoo, á busu a ganaa parsiini. Bɛ lɛ nɛ, á tɔ́n pɛ, mà ǹ *Baabilonii a doɛ̃-wɔlen lɛn tumaa dɛ.

Ozee 14:9

Efrayimu, maa wàa n kɔn ka dìn kɛn nɛ doo. Ma din nə n lɛ sii, ma din nə n lɛduĩ. Masɛ n ka siprɛsi da bɛ́ lɔn, ma luu n tì biikoo yii li. N nɛ kɔ n boe masɛ li.

Zakarii 2:12

Dɛnaa Lawa Pàãyiidɛnaa a da ǹ boo á ke, asɛ mɛn dí gole wɔ ma gɔn, mà ma pɛ tɔrɔn kɛn manɛ ǹ nə́ ka kokoo: «Min woo min yoo ka gialaa, ǹ dɛnaa na á n gɔn sã masɛ din yii ni.

Minin nimi 24:9

Maǹ nə n kumii, ǹ nə́ wɛɛ tán ka don siĩ bɛ́ lɔn, ká yàra bɛ́ lɔn. Die n boe la a ǹ da yoo ganaa ka pàã nɛ? Bɛ̀ min mɛn nə́ lɛn bǐɛ̃ bíi ǹ li, lɛn bǐɛ̃ nə n bíi bɛa dɛnaa li. Bɛ̀ min mɛn nə́ lɛn baraa bíi ǹ li, lɛn baraa nə n bíi bɛa dɛnaa li.

Timəə dí-pɛn 32:10

Lawa na á woo a minin yaa don, ǹ dininsɔɔ̃nɔn, don mànan lɛ-baa bii, á ǹ tamaa, á ǹ doroo, á ga ǹ walan, ka a din yii nàn bɛ́ lɔn.