Ɛsit 6:1 - LAWA A BOO SONBORE 2011

¹ Bɛa tèlò lɛ nɛ, kii lɛ boo la á nyuù naa a yii-a wa. A tɔ́n pɛ, mà ǹ da ka sɛ́wɔ kɛ nɛ, min yiri gisĩ lɛlɛ siin ni. Ǹ nə́ tɔ́n daa bɛa sɛ́wɔ lɛ pɛ kii lɛ yɔrɔ-a.

Ɛsit 6:1 ပူးပေါင်းရင်းမြစ်များ

Siin Giala 22:14

Abrahamu bɛa bǎã lɛ bíi mà "Dɛnaa din tá re bɛ yɔrɔ boe". Bɛ lɛ na á toa, ǹ nə́ tɔn pii pelo mà "Dɛnaa din tá re bɛ yɔrɔ boe kele la".

Ɛsit 10:2

Kii lɛ sii dadaran mɛnɛn tumaa zɛnaa ka foo tãbaa nɛ, a Mardoose saa á da lon lɔn á golebaa kɔ la, bɛn ǹ boo tá kiɛ̃ nɛ Mɛdi gána laanka Pɛrsi gána a kiin sɛ́wɔ kɛ nɛ.

Ɛsit 2:21

Bɛa biikoo lɛ li, Mardoose bɛ́ á goã dí nyɛɛ kii a sumu-n, kii a kiodɛnaa min paa kɔn nɛ, kiɛnlɛ-lɛduə̃lin manɛ, Bigitan laanka Terɛsi ni, ǹ foo goã yoo ne, ǹ nə́ goã giɛ li ǹ kii Zɛrzɛsi lɛ dɛ.

Ɛsit 2:22

Sɛnɛ Mardoose bɔ sii lɛ siére-a, á pɛ kii a lɔ Ɛsitɛɛrɛ lɛ nɛ. Ɛsitɛɛrɛ dɔ́ pɛ kii lɛ nɛ ka Mardoose tɔ nɛ.

Ɛsit 2:23

Ǹ nə́ sii lɛ gɔsɛ, ǹ nə́ woo yaa miɛ̃. Ǹ nə́ tɔ́n min paa lɛ bɔlɔ yu gɔn ganaa lon. Ǹ bɛ́ kii a siin kiɛ̃ sɛ́wɔ mɛn lɛ nɛ, ǹ nə́ kiɛ̃ walan.

Ɛsit 5:8

Ma bɛ́ giɛ màn mɛn li, ma gɔ́ɔ̃ bɛ́ màn mɛn ganaa, bɛ̀ maa sii kaa n foo la, bɛ̀ á n din dùũ baa, masɛ bɛ́ re zɔ́n màn-bii mɛn zɛnɛɛ kaa wɔ lɛa, n die n da kun ka Haman nɛ bɛa bǎã-n doo. Biɛ̃, ma á re n lɛ sii.»

Izayii 41:17

Nɔmaa wolen laanka doobaan man giɛ mu li. Sɛnɛ, ǹ ba yii wa. Mu boro nə́ ǹ lɛwɔn laa. Á bǐɛ̃ kɔ, á ke! Masɛ Dɛnaa Lawa n die ǹ lɛ sii. Masɛ Izirayeli a Lawa, ma a re n la boe ǹ ganaa wa.

Danayeli sɛ́wɔ 2:1

Nebukadenezɔɔrɔ a kiibaa lɛ̀ paabaa ǹ wɔ li, á narɛɛn kɔnɔn wɔ, bɛa narɛɛn lɛn ná a yiri lɔlɔkɔn parsiini, a goã boe la á nyuù naɛ a yii-a wa.

Danayeli sɛ́wɔ 6:18

Bɛ kio, ǹ nə́ daa ka kɔlɔ gangabiɛ nɛ, ǹ nə́ kɔ yala lɛ lɛ. Kii lɛ ná a gòon ganaa ǹ kaaran laanka a kiodɛnaa dadaran wɔ bǎã da kɔlɔ lɛ ganaa, màn mɛn bɛ́ toɛ, sii kɔn baran n bɔyaa Danayeli wɔ paǹ li wa.

Malakii 3:16

Sɛnɛ, min mɛnɛn bɛ́ Dɛnaa Lawa lɛ sii, bɛn nə́ boo da kɔn ǹ dinin bii ni. Dɛnaa Lawa nə́ n too kɔ ǹ lon, á ǹ boo diɛ ma. Min mɛnɛn bɛ́ a pàã doɛ̃ ǹ ná a lɛ sii, ǹ nə́ bɛn tɔ kiɛ̃ sɛ́wɔ nɛ ǹ nə́ koa a yɔrɔ-a.

Rɔmu minin 11:33

Lawa a bǐɛ̃ lɛ á gole á la yii ni! A sii-doɛ̃ dɔ á zuzulu á la yii ni! Min kɔ́n ba boe la a na a kiri kɛ giala ma wa, min kɔ́n ba boe la a na a makara kɛ dɔ giala ma wa.