Ɛsit 5:9 - LAWA A BOO SONBORE 2011

⁹ Haman na á goã á soo bɛa pinaa lɛ nɛ, n nyɛnyɛɛ a foo n kɔɔ̃nɛ. Sɛnɛ Haman bɛ́ á Mardoose yɛ tán kii a kiɛnlɛ-a, a ná a ba yui a gɔ̀nɔn nə́ bìn diɛ a nyɛɛn wa, a foo yoo Mardoose li taãn-taãnɛ.

Ɛsit 5:9 ပူးပေါင်းရင်းမြစ်များ

Kiin1 21:4

Zizereyɛli min Naabɔti bɛ́ á pɛ mà asɛ ba ǹ digolon kíɛ̃ koe Akaabu la wa, Akaabu woo piɛ ka foo ziziɛ̃ laanka foo yoo ne. A bɛ́ á dɔ piɛ, á waa tán á n yɔrɔ bɔyaa á dia kɛ gɔ̀nɔn la, a màn kɔn bii wa.

Kiin1 21:6

Akaabu ná a lɛ si: «A giala, man má pɛ Zizereyɛli kiwi min Naabɔti ni máa a na a rezɛ̃ da wuru kɔ ma la wɔrɔ ganaa, hinlaa, máa bɛ̀ a tá li, máa rezɛ̃ da wuru kɔsɔ koe la. Á bɛ́ re màn mɛn pii ma nɛ, mà asɛ ba a rezɛ̃ da wuru lɛ koe wa.»

Ɛsit 2:19

Nɛniɛ tenən lɛn goa a gunyin paabaa ǹ wɔ, Mardoose na á goã dí nyɛɛ kii a sumu-n.

Ɛsit 3:2

Kii lɛ a kiodɛnan tumaa goã kiɛ tán Haman lɛ giulun ǹ tá a guguru koe, ka kii lɛ goã á pɛ a wɔ paǹ li lɔn. Sɛnɛ, Mardoose sɛ goã kiɛ tán a giulun, a tá a guguru koe wa.

Ɛsit 3:5

Haman yii bɛ́ a ganaa mà Mardoose ba kiɛ tán asɛ giulun wa, a foo nə́ n da a lɛ la.

Ɛsit 5:13

Sɛnɛ, masɛ Zuifun giĩ Mardoose kɛ yɛ giã-n tán kii a kiɛnlɛ-a lɔn, bɛa siin kɛn kɔn din ba màn kɔn lɛa masɛ gɔn wa.»

Zɔbu 20:5

mà min baraan nyɛnyɛɛ a tɛ wa, Lawa bɔlɔ-tiili a foo kɔɔ̃nbaa a lui wa.

Zɔbu 31:31

Min mɛnɛn nə goã die maa kion, bɛn dinin man nə́ goã pii: «Min kɔn din banban, bɛ̀ a na a siĩ sɔ̃ á kã wa.»

Loen 15:4

Min mɛnɛn bɛ́ ǹ ba kɔɔ̃n Lawa ganaa wa, a laadoo ba bɛn ganaa wa, sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, a n bɛn narɛ. Bɛ̀ á n lɛ kɔ min la, ta a n nɔmaa nɛ a gɔ́ɔ̃ nɛ, a ba n bɔlɔ bɔyɛɛ wa.

Loen 27:3

Bɛ̀ zia-baalin nə́ daa kɔ ma lɛ, nyɛ́ɛ goon ba ma ganaa wa. Haalɛ ta zia lɛ yoo, foo doa ǹ bǎã tá ma lon.

Danayeli sɛ́wɔ 3:13

Bɛ lɛ taman yii, Nebukadenezɔɔrɔ foo yoo, a yɔrɔ yii n tɛmaa boe. Á tɔ́n pɛ mà ǹ Sadraki kũ ǹ da nɛ, ka Mesaki laanka Abɛdi-Negoo ne. Ǹ nə́ bɛa minin lɛn kũ, ǹ nə́ daa ǹ nɛ kii li.

Matiə 10:28

Min mɛnɛn bɛ́ boe la ǹ gɔ̀nɔn siĩ dɛ, ǹ nə́ ǹ ba boe la ǹ telenboen dɛ wa, ka baran nyɛ́ɛ baa bɛn man wa. Lawa mɛn bɛ́ boe la a gɔ̀nɔn siĩ laanka telenboen din tumaa naa kɔn-a a ǹ kaa bɔ̀nbaa ǹ tɛ gole ne, ka nyɛ́ɛ baa bɛ nɛ.

Matiə 2:16

Erɔdi bɛ́ á dɔ̃ mà doɛ̃ wolen lɛn ná asɛ bebele, a foo yoo parsiini. Á tɔ́n pɛ minin manɛ, mà ǹ wo Bɛtlehɛmu laanka a lɛkoro-an kiwin ni. Mà nɛginin mɛn din tumaa bɛ́ á dɔ lɛ̀ paa, hinlaa ta a na nyaabaa lɛ̀ paa ganaa, mà ǹ bɛ tumaa dɛ, a giala doɛ̃ wolen lɛn boo lɛ a diɛ lɛ̀ paa n ke Erɔdi ni.

Luku 6:25

Kasɛn mɛnɛn nɔ̀ bɛ́ kiɛ̃-n sisia, bɔ̀ndɛnan man ka kasɛn nɛ, bòo á re ka kuĩ. Kasɛn mɛnɛn bɛ́ yaa we sisia, bɔ̀ndɛnan man ka kasɛn nɛ, gɛ̀ yɔrɔ kɔsiɛ á re doe ka ganaa, ka á re wuu pii.

Zaã a sɛ́wɔ 16:20

Man taãn pii ka nɛ: Ka á re wuu pii ka n lala da, bɛ̀ kanaa minin kɛn tá yaa we. Ka yɔrɔ á re kɔsɛ, sɛnɛ, kaa yɔrɔ-kɔsiɛ á die n bɔyɛɛ a nyɛnyɛɛ baa.

Nya ǹ dín 7:54

Boon kɛn nə́ tɛ da kiri-wɔlen lɛn foo-a, yǎa ǹ nə́ n lɛ sɔsɔ̃ Itian li.

Zaaki 4:9

Ka toa kaa zɛnaa ǹ siin lɛn nə foo-ziziɛ̃ da ka dinin ganaa, ka wuu pɛ, ka n lala da. Ka nyan pɛ mà ka n yaa we wa dɛ, ka doamaa-n ka wuu pɛ! Ka nyan pɛ mà ka nə n nyɛnyɛɛ wa dɛ, ka foo doamaa nɛ a ziziɛ̃!