Ɛsit 5:2 - LAWA A BOO SONBORE 2011

² Kii lɛ bɛ́ a ná a lɔ Ɛsitɛɛrɛ lɛ yɛ golee-n sumu lɛ nɛ, Ɛsitɛɛrɛ a sii kaa a foo la. Sana bàlà mɛn bɛ́ kii lɛ gɔn, á tɔ́n bɛ saa á dia Ɛsitɛɛrɛ la. Ɛsitɛɛrɛ nə́ n zɔ̃ á dɔ, á n gɔn da bàlà lɛ giala ganaa.

Ɛsit 5:2 ပူးပေါင်းရင်းမြစ်များ

Siin Giala 32:28

Giĩ lɛ tɔ́n nɔ̀n da la: «N tɔ n die?» A ná a lɛ si: «Ma tɔ n Zakɔba.»

Nehemii 1:11

E, Dɛnaa Lawa, n too da doɛ̃ maa nyankɔ li. Ǹ dí-nyalin mɛnɛn bɛ́ giɛ li ǹ nyɛ́ɛ baa n nɛ, n too da doɛ̃ bɛn dɔn nyankɔ li. Toa maa sii bǐɛ̃ kɔ pelo, n toa dɔn bɛa kii kɛ lɛ makara bɔ ma ganaa! Bɛa biikoo lɛ li, bɛ̀ man kii lɛ a mi ǹ mànan kɔ ma la wole lɛa.

Ɛsit 2:9

Nɛlɔ ten Ɛsitɛɛrɛ lɛ sii kɔɔ̃n kɔ Egee ganaa, a sii kaa a foo la. Egee nə́ n nanaa, lɔ ǹ nyɔɔn mɛnɛn bɛ́ min siĩn koe, á bɛn kɔ Ɛsitɛɛrɛ la ka Ɛsitɛɛrɛ a màn-bii ni. Ǹ nɛlɔ sɔbaa mɛn bɔ kii a piɛ, Egee bɛn dɔn kaa Ɛsitɛɛrɛ giulun. Bɛ kio, á Ɛsitɛɛrɛ bɔyaa kun ka bɛa nɛlɔn lɛn nɛ, á da lɔn kion kɛ a sonbore ne.

Ɛsit 4:11

Kii a kiodɛnan tumaa laanka gána lɛ a minin tá doɛ̃, mà bɛ̀ min woo min woo kii lɛ li a sumu kɛ gɔ́ɔ̃ nɛ, lɛ-dia ná a dɔ ǹ dɛnaa ganaa wa, giĩ hinlaa lɔ n ka ǹ dɛnaa nɛ, dɔlɔ kɔsɔ banban bɛ wɔ lɛa, gɛ̀ kio wa. Yǎa tan, bɛ̀ kii lɛ ná a sana bàlà kɛ dia ǹ dɛnaa la, ǹ dɛnaa yii tɔn boo la a goã koo. Ma á ke, ma lɛawaa pɔsɔɔ n ke, ǹ tɔn ma bíi, má woo kii lɛ li wa.

Ɛsit 8:4

Kii lɛ sana bàlà lɛ saa á dia Ɛsitɛɛrɛ la. Ɛsitɛɛrɛ tɔ́n yoo á golee lon kii lɛ yɔrɔ-a.

Loen 116:1

Dɛnaa Lawa sii á kɔɔ̃n ma ganaa, a giala a tá maa gòã-kũ sii.

Suusun 21:1

Kii foo n mu zii lɛa Dɛnaa Lawa gɔn. Bǎã mɛn bɛ́ kɔɔ̃n a ganaa, a na a yɔrɔ diɛ walan.

Nya ǹ dín 10:4

Kɔrnɛyi nə́ n yiin doa la ka gongon. Nyɛ́ɛ bɛ́ a ganaa, a ná a lɛ si: «Wàa mɛn nɛ, Dɛnaa?» Lon a dia dí-a wole lɛ pɛ: «Lawa nə́ n yiri kɔ n nyankɔ lɛ li, ka n bǐɛ̃n kɛn nɛ n nə́ ǹ zɛnaa doobaan manɛ.

Nya ǹ dín 7:10

A bɛ́ á nɔmaan mɛnɛn yɛ, Lawa bɔ bɛn dinin tumaa nɛ. Lawa sii-doɛ̃ gole kɔ la Ezipti a kii gole kɛ yɔrɔ-a, bɛa kii lɛ tɔ na á goã *Faarahɔn. Bɛ Zozɛfu bɔ á koa Ezipti gána mìi la, a ná a din dɔ a kion a naforon sii yɔrɔ bɔ toa a gɔn.