Ɛsit 4:3 - LAWA A BOO SONBORE 2011

³ A da yaa, kii a boo lɛ laanka a lɛ-dia lɛ goã á dɔ gána lɛ a bǎã mɛn yii ni, a naa n baa ka gɛ̀-koa gole bɛ́ lɔn Zuifun li: lɛ-sɔɔ nɛ, yii mu ni, panparan bɔ nɛ. Gɛ̀-koa ǹ mɔnaa laanka ton na á goã gigiã a piì lɛa.

Ɛsit 4:3 ပူးပေါင်းရင်းမြစ်များ

Ɛsit 1:1

Kii Zɛrzɛsi bɛ́ á goã pàã la ǹ mɛn waáraa, a na á goã gána paabiɛ ka fuəwensɔbaa (127) mìi la. A n kuĩ Ɛndi gána ganaa a wo yǎa Etiopii gána nɛ.

Ɛsit 3:12

Min mɛnɛn bɛ́ kii a sɛ́wɔ-kiɛ̃lin lɛa, ǹ nə́ tɔ́n lɛ dia bɛn la, lɛ̀ a mui bibinaa a lɛawaa fulusɔɔbaa ǹ wɔ li. Ǹ nə́ sɛ́wɔ lɛ kiɛ̃ á kɔnpɛ ka Haman a da ǹ boo ne ka te. Ǹ nə́ dia kii a kiodɛnan la, ka gána lɛ a bǎã gogoonmaa a pàãdɛnan nɛ, ka tɔrɔ gogoonmaa a nyɛɛnaandɛnan nɛ. A ná n kiɛ̃ ka bǎã gogoonmaa a sɛ́wɔ kiɛ̃ ǹ gɔn nɛ, ka tɔrɔ gogoonmaa a bɔlɔ nɛ. Man nə́ sɛ́wɔ lɛ kiɛ̃ ka kii Zɛrzɛsi tɔ nɛ, ǹ ná a gòon ganaa ǹ kaaran lɛ bǎã da la, kii gɔn bǎã lɛa.

Ɛsit 4:16

«Zuifun mɛnɛn tumaa bɛ́ Suuzu kiwi, wo ǹ tumaa sɔkɔn, ǹ nə n lɛ sɔɔ masɛ a lɛa. Ǹ lɛawaa sɔɔ zɛnaa, ǹ nə́ ǹ ba màn bii wa, ǹ nə́ ǹ ba màn mii wa, penleen laanka tèlò ne. Masɛ dɔ á die bɛ miã lɛ-sɔɔ lɛ we kun ka maa nɛlɔ dí-nyalin ni. Bɛ kio, a laanɛ pàã lɛ kɔ-a wa, masɛ n die woe kii lɛ li, ta man die goɛ̃ a nɛ, man goɛ̃ a nɛ.»

Ɛsit 4:2

Bɛ kio, á woo yǎa kii a kiɛnlɛ-a. A giala, bɛ̀ min nə́ gɛ̀ koa ǹ mɔnaa wɔ, ǹ dɛnaa ba boe la a wɔ kii a kion wa.

Ɛsit 4:4

Kii a lɔ Ɛsitɛɛrɛ lɛ a nɛlɔ dí-nyalin lɛn laanka kii a sumu dí-nyalin nə́ daa a boo da Ɛsitɛɛrɛ nɛ. Nyɛ́ɛ Ɛsitɛɛrɛ kũ parsiini. Bɛ kio, á minin dia woe mɔnaan koe Mardoose la, mà a ǹ wɔ, a gɛ̀-koa ǹ mɔnaa lɛ bɔ. Sɛnɛ Mardoose lɛ kɔ wa.

Ɛsit 9:31

Ǹ nə́ Puurimu lɛawaan lɛn koa, á zɛnɛ a biikoo lɛ, ka Zuifun giĩ Mardoose laanka kii a lɔ Ɛsitɛɛrɛ goã ǹ nə́ bɛa lɛawaan kɛn lɛn koa lɔn, ǹ nə́ kɔ ǹ la. Maǹ nə́ ǹ koa ǹ dinin laanka ǹ nɛnyaanan wɔ lɛa, ǹ lɛ-sɔɔ laanka ǹ lɛ-dɛ biikoo li.

Zɔbu 2:8

Zɔbu na á goã n gɔ̀nɔn lɛ gasiɛ̃ ka tanpara nɛ, bɛ̀ a wo giã tán tontonbɔlɔ la.

Izayii 22:12

Bɛa pinaa kɛ nɛ, Dɛnaa Lawa Pàãyiidɛnaa na á goã li mà ka wuu pɛ, ka n lɛ dɛ, ka n mìi kɔɔ̃, ka gɛ̀ koa ǹ mɔnaan wɔ.

Izayii 22:4

Bɛ lɛ taman yii, man pii ka nɛ: «Ka ma toa walan ma dinsɔɔ̃, ka ma toa walan ma wuu pɛ kɔsɛkɔsɛ. Maa zaman bɔ̀n baa, sɛnɛ, ka nyan pɛ mà ka n ma foo wɛɛ wa.

Izayii 58:5

Ma bɛ́ lɛ soɛ mɛn narɛɛ, bɛ kɔnbɔ ka kɛ nɛ? Kasɛn din gisĩ ǹ gɔn nə ka kɛ-n ma yɔrɔ-a? Ka n mìi kuməə ka bùruu bɛ́ lɔn, ká gɛ̀ koa ǹ mɔnaa wɔ, ka n dinin tuturu tán tii li, ka n bɛ lɛ bíi "lɛ soɛ"? Bɛ n lɛawaa lɛa kɔɔ̃n Dɛnaa Lawa ganaa?

Ezekieli 27:30

Maǹ nə n lɛ dii ka n din tɔ nɛ, maǹ nə n lɛ dii kɔsɛkɔsɛ. Maǹ tii goɛ kiɛ ǹ dinin mìi ni, maǹ nə n birikəĩ tán ton li.

Danayeli sɛ́wɔ 9:3

Ma bɛ yɛ lɔn, má n lɛ sɔɔ, ma boroo wɔ ma ganaa, ma ton kaa ma ganaa ka gɛ̀ na á gã ma la. Má n yɔrɔ dia Dɛnaa Lawa la, má a nyankɔ, má gòã-kũ da a ganaa.

Zonaasi 3:6

Boo lɛ dɔ Ninivu n kii li. Á yoo á n bɔ a kii dankan la, a ná a kii dɔnkɛ sɔlɔ á bɔ a ganaa, á boroo wɔ a din ganaa, á giã ton la, á nyaa mà asɛ wusoo a sii baraan kio.

Matiə 13:42

ǹ nə ǹ kaa tɛ-n, ǹ wuu pɛ walan ǹ sɔ kere bɔ.

Matiə 22:13

Kii lɛ tɔ́n pɛ a dí-nyalin manɛ: «Ka kũ ka a gòã laanka a gɔnɔn yii, ka saa ka zũ kanaa wɔlɔ tì li. Á die wuu pii walan, a sɔ kere bɔ.»

Matiə 25:30

Dí-nyali là baãnaa ke, ka kũ ka zũ kanaa wɔlɔ tì li, á die wuu pii walan, a sɔ kere bɔ.»

Zozoe 7:6

Bɛ gɔ́ɔ̃ nɛ, Zozoe ná a mɔnaan kũ á ǹ tɔtoɛ̃. Foo-ziziɛ̃ gɔn, a din laanka Izirayeli a min golen lɛn nə́ tii goa bɛ̀ ǹ kaa ǹ mìi ni. Ǹ nə́ na ǹ nə́ kaa tán ǹ yɔrɔ la Dɛnaa Lawa a goo lɛ yɔrɔ-a yǎa wasa woo mɛ.

Samayeli1 11:4

Ǹ min mɛnɛn dia, ǹ nə́ dɔ Sayulu a kiwi, Gibeya. Ǹ nə́ boo lɛ saa ǹ nə́ pɛ zaman lɛ nɛ. Zaman lɛ tumaa kaa wuu ni. Bɛ á zɛnɛɛ, bɛ̀ Sayulu n boe wuru-n die, a diin kio.