Ɛsit 4:16 - LAWA A BOO SONBORE 2011

¹⁶ «Zuifun mɛnɛn tumaa bɛ́ Suuzu kiwi, wo ǹ tumaa sɔkɔn, ǹ nə n lɛ sɔɔ masɛ a lɛa. Ǹ lɛawaa sɔɔ zɛnaa, ǹ nə́ ǹ ba màn bii wa, ǹ nə́ ǹ ba màn mii wa, penleen laanka tèlò ne. Masɛ dɔ á die bɛ miã lɛ-sɔɔ lɛ we kun ka maa nɛlɔ dí-nyalin ni. Bɛ kio, a laanɛ pàã lɛ kɔ-a wa, masɛ n die woe kii lɛ li, ta man die goɛ̃ a nɛ, man goɛ̃ a nɛ.»

Ɛsit 4:16 ပူးပေါင်းရင်းမြစ်များ

Siin Giala 18:19

Man má Abrahamu bɔ, máa a maa dí pɛ a nɛnyaanan laanka a kion minin ni a kio, a pɛ a laa ǹ ganaa, mà ǹ kɔ Dɛnaa a zii lɛ ka peperebaa nɛ, ka sonborebaa nɛ. Bɛ̀ á n baa miɛ̃, Dɛnaa nə n lɛ kɔ Abrahamu la ka sii mɛn nɛ, á re bɛ zɛnɛɛ nɛ.»

Siin Giala 43:14

Lawa Pàãyiidɛnaa die a ka gìĩ da giĩ lɛ nyin ni, a toa Simiɔn laanka Bɛnzamɛn nə n bɔyaa kun ka nɛ. Man die foɛ̃ maa nɛnyaanan lɛn nɛ kɛnɛn, ka ma bin ni ma nɛ yɛ wa!»

Samayeli2 10:12

N gù we yii. Daa wɔ n gù we yii wɔ tɔrɔ minin lɛn laanka wɔa Lawa a kiwin kɛn lɛa. Sii mɛn bɛ́ siĩn Dɛnaa Lawa yii li, Dɛnaa Lawa din bɛ zɛnaa.»

Kiin2 7:4

Bɛ̀ wɔ́ pɛ, mà wɔ wo kiwi gɔ́ɔ̃ nɛ, bòo lɛ bɛ́ a nɛ, wɔ n die giɛ̃ walan. Bɛ̀ wɔ́ golee kànaa dɔ nɛ, a din gɛ̀ lɛ nɛ. Ka daa wɔ kiɛ̃ wɔ wo Siirii minin giã ǹ bǎã nɛ, bɛ̀ ǹ nə́ wɔ yii toa koo, wɔ goã le, bɛ̀ ǹ nə́ wɔ dɛ, wɔ gã le!»

KZS2 20:3

Nyɛ́ɛ Zozafati kũ, á n bɔyaa á ga Dɛnaa Lawa li. Á pɛ Zudaa min tumaa nɛ mà ǹ nə n lɛ sɔɔ.

Ɛsidrasi 8:21

Bɛa bǎã lɛ nɛ, Aawaa tà lɛ genli, má lɛ dia, máa wɔ n lɛ sɔɔ, wɔ n dinin gisĩ wɔa Lawa lɛ yɔrɔ-a, màn mɛn bɛ́ toɛ, a zii fore wɔ nɛ, a fore wɔa nɛnyaanan laanka wɔ gɔn mànan dɔn nɛ.

Ɛsit 4:15

Ɛsitɛɛrɛ dɔ boo da á Mardoose lɛ si-n kɛnɛn:

Ɛsit 4:17

Mardoose woo, Ɛsitɛɛrɛ goã á pɛ nɛ mà a sii mɛn tumaa zɛnaa, á bɛ zɛnaa.

Ɛsit 4:3

A da yaa, kii a boo lɛ laanka a lɛ-dia lɛ goã á dɔ gána lɛ a bǎã mɛn yii ni, a naa n baa ka gɛ̀-koa gole bɛ́ lɔn Zuifun li: lɛ-sɔɔ nɛ, yii mu ni, panparan bɔ nɛ. Gɛ̀-koa ǹ mɔnaa laanka ton na á goã gigiã a piì lɛa.

Ɛsit 5:1

A lɛawaa sɔɔbaa ǹ wɔ pinaa, sii mɛn nə n zɛnaa, bɛ á ke: Ɛsitɛɛrɛ ná a kii lɔ mɔnaan wɔ, á woo golee kii a sumu gɔ́ɔ̃ nɛ, kii a kion yɔrɔ-a. Bɛ á zɛnɛɛ, bɛ̀ kii lɛ á giã-n tán a kii dankan nɛ, wɔ ǹ kiɛnlɛ kɛ yɔrɔ-a pepere.

Ɛsit 9:31

Ǹ nə́ Puurimu lɛawaan lɛn koa, á zɛnɛ a biikoo lɛ, ka Zuifun giĩ Mardoose laanka kii a lɔ Ɛsitɛɛrɛ goã ǹ nə́ bɛa lɛawaan kɛn lɛn koa lɔn, ǹ nə́ kɔ ǹ la. Maǹ nə́ ǹ koa ǹ dinin laanka ǹ nɛnyaanan wɔ lɛa, ǹ lɛ-sɔɔ laanka ǹ lɛ-dɛ biikoo li.

Izayii 22:12

Bɛa pinaa kɛ nɛ, Dɛnaa Lawa Pàãyiidɛnaa na á goã li mà ka wuu pɛ, ka n lɛ dɛ, ka n mìi kɔɔ̃, ka gɛ̀ koa ǹ mɔnaan wɔ.

Zeremii 36:9

Zoziasi a nɛgiĩ Zozakimu a kiibaa lɛ̀ soorobaa ǹ wɔ li Zudaa gána mìi la, a mui manangɔrɔbaa ǹ wɔ li, ǹ nə́ lɛawaa bɔ lɛ sɔɔ lɛawaa lɛa Dɛnaa Lawa yɔrɔ-a. Zeruzalɛmu minin tumaa goã ǹ tan ka min mɛn tumaa bɔ Zudaa kiwin ni ǹ nə́ daa Zeruzalɛmu.

Danayeli sɛ́wɔ 2:18

Á pɛ ǹ nɛ: «Ka gòã-kũ da lon a Lawa ganaa sii-durii kɛ lɛ a lɛa, màn mɛn bɛ́ toɛ, ǹ baran masɛ Danayeli laanka maa tá-kun wolen lɛn dɛ kun ka Baabilonii a doɛ̃-wɔle gialakunun kɛn nɛ wa.»

Matiə 12:40

Zonaasi bɛ́ á lɛawaa sɔɔ laanka tèlò sɔɔ zɛnaa zɔ̀ gole gɔ́ɔ̃-n lɔn, Min a Nɛgiĩ dɔ n die lɛawaa sɔɔ laanka tèlò sɔɔ zɛnɛɛ yala-n miɛ̃.

Luku 9:24

A giala, min mɛn bɛ́ giɛ a din nyin li, bɛa dɛnaa nyin tá re nyɛɛ. Sɛnɛ, min mɛn nyin bɛ́ re nyɛɛ masɛ taman yii, bɛa dɛnaa nyin tá re goɛ̃.

Zaã a sɛ́wɔ 19:22

Pilati tɔ́n pɛ ǹ nɛ mà asɛ màn mɛn kiɛ̃, mà asɛ na á bɛ kiɛ̃!

Nya ǹ dín 10:7

Lon a dia dí-a wole mɛn goã boo diɛ nɛ, bɛ bɛ́ á papaã lɔn gɔrɔ, Kɔrnɛyi lɛ dia a kion minin min paa la, ka sɔraasi nyɛ́ɛbaa Lawa yii-n wole goon ne, min mɛn bɛ́ a dinmaa a dí yɔrɔ-bɔle lɛa haalɛ bibi.

Nya ǹ dín 20:24

Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.

Nya ǹ dín 21:13

Á tɔ́n wɔ lɛ si: «Wàa mɛn wuu-n ka á pii, ka n masɛ foo pipii? Ma yɔrɔ boemaa nɛ, ta gɛ̀ lɛ dɔ din ni masɛ á re we Zeruzalɛmu, Dɛnaa Yezu tɔ kɛ lɛ a lɛa, masɛ lɛ kɔ, sanparɛ ka kũ a yii ni.»

Nya ǹ dín 27:33

Wɔ bɛ́ n yii diɛ lɛ̀ a waa la, Pooli pɛ mà min din tumaa màn bii: «A lɛawaa fulusii n ke pelo wɔ nə n yii diɛ, wɔ n wɔ a màn kɔ́n bii wa.

Nya ǹ dín 9:9

Á goã walan lɛawaa sɔɔ bɛ̀ a yii ná a wɔlɔ yii wa, a ná a màn bii wa, a mu mii wa.

Rɔmu minin 16:4

Maa kirisibaa a lɛa, ǹ nə́ lɛ kɔ ǹ nə́ sii zɛnaa, ǹ dinin nyin nə́ boe la, a goã sii mɛn nɛ. Masɛ dinsɔɔ̃ bie bɛa bǐɛ̃ kɛ doɛ̃ ǹ nɛ wa, Lawa a sɔmɔ minin mɛnɛn bɛ́ tɔrɔ kɔsɔn lɛa, bɛn dɔn man bɛa bǐɛ̃ lɛ doɛ̃ ǹ nɛ.

Filipi minin 2:30

A giala, á baa re giɛ̃ Krita a dí kɛ a nya gɔ́ɔ̃ nɛ; ka dia dɔmalɛ mɛn koe ma la, ka dinin nə́ ka a boe la ka á die-n wa, a nyin baa re goɛ̃ bɛ gɔ́ɔ̃ nɛ.

Zozoe 24:15

Sɛnɛ, bɛ̀ dí nya Dɛnaa Lawa nɛ lɛ a siĩni ka yii li wa, ka dinin bɛ́ li ka dí nya min mɛn nɛ, ka bɛ bɔ pelo. Ka digolon nə lawa kɔsɔn mɛnɛn guguru kɔ bɛ̀ ǹ bɛ́ tɔn giã-n Efrati tà kio, hinlaa ǹ bɛ́ giã-n Amɔɔrɔ tɔrɔn mɛnɛn gána nɛ, bɛn dìn kɛn. Masɛ laanka maa kion minin ni sɛn, wɔsɛn man die dí nyɛɛ Dɛnaa Lawa nɛ.»

Samayeli1 19:5

Á n din kɔ gɛ̀ la, á Filisiti min lɛ dɛ, Dɛnaa Lawa gɔ̀lɔ̀baa gole kɔ Izirayeli minin tumaa la. Ń bɛ yɛ, á n foo kɔɔ̃n kɔ. Davida sii kɔn la wa. Wàa na á baa n tá re Davida dii, n zɛ̀rɛbaãnaa kɛ mà kaa, á sii baraa zɛnaa?»