Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ɛsit 4:14 - LAWA A BOO SONBORE 2011

14 A giala, sii kɛ lɛ gɔ́ɔ̃ nɛ, bɛ̀ n dɔ nə́ n lɛ tã ń giã tán, Zuifun tá re dɔmalɛ yii a bɔ paǹ kɔsɔ li ka lɔlɔ a da ǹ kirisibaa. Sɛnɛ, n din laanka n kion minin tá re bɔ̀n biɛ. Die n doɛ̃? Kɔntan, sii kɛ lɛ miã tɔrɔ taman yii ni, ń kii a lɔ baa.»

အခန်းကိုကြည့်ပါ။ ကော်ပီ




Ɛsit 4:14
31 ပူးပေါင်းရင်းမြစ်များ  

Abrahamu bɛa bǎã lɛ bíi mà "Dɛnaa din tá re bɛ yɔrɔ boe". Bɛ lɛ na á toa, ǹ nə́ tɔn pii pelo mà "Dɛnaa din tá re bɛ yɔrɔ boe kele la".


Dɛnaa Lawa bɔ sii-n wole kɔ Izirayeli minin lɛn la, bɛa bɔ sii-n wole lɛ nə́ ǹ si Siirii minin lɛn la. Bɛ kio, ǹ nə́ tɔ́n giã ǹ mɔnaa kionən ne, ka lɛlɛ bɛ́ lɔn.


Kii lɛ mà ǹ pɛ Izayii ni, mà Ezekiasi n kɛ pii: «Pelo a lɛawaa kɛ n foo ziziɛ̃ ǹ lɛawaa lɛa, dɔlɔ bɔ laanka sìi da ǹ lɛawaa lɛa. Nɛnyaan a yɛ dɔ, sɛnɛ toɛ̃ ǹ pàã banban ǹ dan tá yii wa!


A giala, wɔ n bɛ̀rɛn lɛa, sɛnɛ Lawa nə n gɔn bɔ wɔ ganaa wɔa bɛ̀rɛbaa lɛ gɔ́ɔ̃-n wa. Pɛrsi kiin nyɛɛnɛ, n bǐɛ̃ kɔ wɔ ganaa, n susui kɔ wɔ la, màn mɛn bɛ́ toɛ wɔ wɔa Lawa a kion lɛ dɔ, wɔ a kɛbɔlɔ saa wɔ da lon. N wɔ tamaa ǹ kungɔn kɔ wɔ la Zudaa gána laanka Zeruzalɛmu kiwi.


Má tɔ́n na a lɛ si: «Ma din giĩ kɛ miã yoo ma baa si? Masɛ kɛ miã mɛn nə boe la a wɔ Lawa a kion, a la? Ma a we a-n wa.»


Woo bɛ́ á dɔ́ Ɛsitɛɛrɛ ganaa, Mardoose ǹ dikoɛ Abiayili a nɛlɔ lɛ, asɛ nɔ̀n da màn kɔn li wa. Bɛ̀ á n bɔ ka màn kɛ nɛ, Egee, kii a lɔn-lɛduə̃li kɛ goã á nyaa nɛ. Min mɛn yii tumaa goã Ɛsitɛɛrɛ yii, a sii na á goã kiɛ ǹ foo la.


Yǎa kii lɛ tɔn Ɛsitɛɛrɛ narɛ á la lɔn lɛn tumaa nɛ. Ɛsitɛɛrɛ sii kɔɔ̃n kɔ a ganaa, á kaa a foo la á la nɛniɛ tenən lɛn tumaa wɔ nɛ. Kii lɛ tɔ́n kii bafolo wɔ Ɛsitɛɛrɛ mìi-a, á baa a lɔ lɛa Vastii bǎã nɛ.


Mardoose na á goã á nɛnyaan kɔn too a tɔn Ɛsitɛɛrɛ. Bɛa Hadaasa lɛ na á goã Mardoose gɔn á n toe, a giala, ǹ di goã a tan wa, ǹ dan dɔ goã a tan wa. Mardoose lɛ dikoɛ goon a nɛlɔ nɛ. Ɛsitɛɛrɛ lɛ goã kiɛ yii ni, siĩni a tɔ-a.


Mardoose tɔ́n boo da á Ɛsitɛɛrɛ lɛ si-n kɛnɛn: «N baran taasɛ, mà n bɛ́ kii a piɛ, mà bɛ n die toɛ n dinsɔɔ̃ nə n bɔ sii lɛ nɛ Zuifun lɛn tumaa bii wa.


Ɛsitɛɛrɛ dɔ boo da á Mardoose lɛ si-n kɛnɛn:


A toɛ ma á piɛ̃ sii wa. Sɛnɛ, a n toɛ sii kɔɔsɛ á liɛ ma yii ni.


Màn-toɛ̃ biikoo tan, màn-nimii biikoo tan. Lɛ-tiɛ̃ biikoo tan, boo-diɛ biikoo tan.


Kiin tá re n nɛnyaanan toe. Kii a nɛlɔn tá re màn-bii koe ǹ la. Ǹ tá re n musin koɛ tán-a n yɔrɔ-a, ǹ nyanlɛ n doa-n tán, ǹ nə n guguru kɔ. N tá re doɛ̃ ka bɛ-n kəni, mà ma din nə Dɛnaa Lawa lɛa. Min mɛnɛn dɔn bɛ́ n foo doɛ masɛ ganaa, sìi á re ǹ kuĩ wa.


Ziabaa ǹ màn mɛn tumaa nə n zɛnaa n tɔ ganaa, ǹ kɔn ba re boe la a màn kɔn zɛnaa n ganaa wa. Min woo min yoo n ganaa ka kiri ni, n tá re a siɛ̃n nyɛɛ nɛ. Maa dí-nyalin gii bɛ́ ka màn mɛn nɛ má koa ǹ nɛ, ma bɛ́ peperebaa mɛn koe ǹ la, bɛ n ka kɛ nɛ. Masɛ Dɛnaa Lawa a da ǹ boo ne.


Masɛ Dɛnaa Lawa a da ǹ boo á ke: Ma tá kunun n ni, ma á n kirisibiɛ. Ma wo n ne tɔrɔn mɛnɛn bii, Ma á re bɛn tumaa bɔ̀nbiɛ. Sɛnɛ, ma a re nsɛ bɔ̀nbiɛ wa. Taãn nɛ, ma a re n toɛ walan dɔlɔ baã wa. Ma á re n doree ka peperebaa nɛ.


Nsɛ Zakɔba maa dí-nyali, nyɛ́ɛ nyan nə n kũ wa, Dɛnaa Lawa a da ǹ boo ne, a giala ma tá kunun n ni. Ma ka pɛsɛ̃ tɔrɔn mɛnɛn bii, ma á re yui bɛn gialaa, ma ǹ bɔ̀n baa lenlen. Sɛnɛ nsɛ, ma a re n bɔ̀n biɛ lenlen wa. Taãn nɛ, má n doroo ka peperebaa nɛ. A giala, ma a boe la ma n toa walan ka yii tì-a bɛ́ lɔn wa!


masɛ dɔ lɛ kɔ kɔn la mɛn wɔ kɔn ka ǹ digolo Zakɔba nɛ, ka Izaaki laanka ka Abrahamu ni, masɛ dɔ á re bɛ lɛ piɛ̃. Ma lɛ kɔ kɔn la mɛn wɔ kɔn ǹ nɛ gána lɛ dɔ wɔ paǹ li, ma á die bɛ dɔ lɛ piɛ̃.


Bɛ lɛ taman yii, man pii n dɔ Piɛrɛ nɛ: «Ma n Piɛrɛ lɛa (bɛ giala mà gɛ̀taã). Masɛ n die maa sɔmɔ giala koɛ bɛa gɛtaã lɛ la. Haalɛ gɛ̀ din ba re màn kɔ́n zɛnɛɛ a minin man wa.


Bɛ̀ Lawa bie re màn boe bɛa lɛawaan kɛn lɛ wa, min kɔ́n ba boe la a la wa. Sɛnɛ, a min mɛnɛn yii gɔgɔɔ̃, a n die màn boe lɛawaan lɛn lɛ bɛn lɛn taman yii.


Dɛnaa Lawa din nə die a minin lɛn sii yɔrɔ boe. Bɛ̀ á yɛ mà ǹ pàã nya ǹ mɛn waáraa, dɔmalɛ wole ná a ba ǹ lon wa, foo doa ǹ bǎã ná a ba ǹ lon wa, á re wusii a makara bɔ a dí-nyalin lɛn ganaa.


Filisiti minin nə́ nɔ̀n da, mà die na á kɛ zɛnaa? Ǹ nə́ pɛ ǹ nɛ mà Sansɔn nɛ, Timnaan giĩ kɛ daãgiĩ ke. A giala, a na á Sansɔn a lɔ lɛ si la, á kɔ tɔntɔraa kɔsɔ la, ǹ mɛn bɛ́ á ná a kɔn-wɔ a siére baa. Filisiti minin lɛn nə́ woo, ǹ nə́ tɛ da bɛa lɔ lɛ ganaa, kun ka a díi ni.


Dɛnaa Lawa tɔ golebaa lɛ taman yii, a ba re a zaman lɛ toɛ walan wa. A giala, Lawa na á bɔ a din ni, á ka baa a zaman lɛa.


Davida nə́ n toa: «Ma n má wàa mɛn sii la? Boo kɔsɔ n bie kanna koɛ, maa boe la ma nɔ̀n dɔ da wa?»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ