Ɛsit 4:11 - LAWA A BOO SONBORE 2011

¹¹ Kii a kiodɛnan tumaa laanka gána lɛ a minin tá doɛ̃, mà bɛ̀ min woo min woo kii lɛ li a sumu kɛ gɔ́ɔ̃ nɛ, lɛ-dia ná a dɔ ǹ dɛnaa ganaa wa, giĩ hinlaa lɔ n ka ǹ dɛnaa nɛ, dɔlɔ kɔsɔ banban bɛ wɔ lɛa, gɛ̀ kio wa. Yǎa tan, bɛ̀ kii lɛ ná a sana bàlà kɛ dia ǹ dɛnaa la, ǹ dɛnaa yii tɔn boo la a goã koo. Ma á ke, ma lɛawaa pɔsɔɔ n ke, ǹ tɔn ma bíi, má woo kii lɛ li wa.

Ɛsit 4:11 ပူးပေါင်းရင်းမြစ်များ

Ɛsit 1:19

Bɛ̀ kii lɛ din dùũ ni, a boo da, kii a boo lɛa, bɛa boo lɛ nə n kiɛ̃ Pɛrsi gána laanka Mɛdi gána a sii zɛnaa ǹ landan sɛ́wɔ nɛ, bɔlɔ bɔyaa ná a ba a-n wa. A kɔnpɛ ka bɛa boo lɛ nɛ, Vastii ba die kii yɔrɔ-a doo wa, kii lɛ tá re Vastii a kii a lɔbaa lɛ sii a kɔ lɔ kɔsɔ la, ǹ mɛn nə́ ke soɛ nɛ.

Ɛsit 2:14

Wasamiɛ̃nɛ, a n woe. Bɛa lɛawaa baayɛlɛ a nə n bɔyɛɛ a da lɔn kion kɔsɔ nɛ. Bɛa sii n Saasigaazi gɔn, kii a lɔn-lɛduə̃li lɛa. Bɛa nɛlɔ lɛ ba woe kii lɛ li doo wa, yǎa bɛ̀ a sii kii lɛ kũ, ǹ nə́ tɔ́n lɛ dia la.

Ɛsit 4:10

Ɛsitɛɛrɛ tɔ́n wusoo á Hataaki dia woe pii Mardoose-n kɛnɛn:

Ɛsit 4:12

Ǹ nə́ Ɛsitɛɛrɛ a boon lɛn pɛ Mardoose ne.

Ɛsit 6:4

Kii lɛ tɔ́n nə n toa mà die n sumu-nə? Bɛ́ daa yaa, bɛ̀ Haman dɔ na á daa kii a sumu-n, á n die pii kii lɛ nɛ, mà a Mardoose bɔlɔ yu gɔn ganaa, gɔn mɛn bɛ́ asɛ din goã a ná a yɔrɔ bɔ Mardoose wɔ lɛa.

Ɛsit 8:4

Kii lɛ sana bàlà lɛ saa á dia Ɛsitɛɛrɛ la. Ɛsitɛɛrɛ tɔ́n yoo á golee lon kii lɛ yɔrɔ-a.

Danayeli sɛ́wɔ 2:9

Bɛ̀ ka narɛɛ lɛ pɛ ma-n wa, dɔlɔ goon nə die n boe ka dinin tumaa ganaa. Ka n ká ga soɛ li kun, ka n die boe masɛ nɛ, masɛ bebele ne, bɛ̀ sii lɛ baa n bɔyɛɛ. Bɛ boo bie wa! Ka narɛɛ lɛ pɛ masɛ nɛ, ma á re doɛ̃ ka bɛ nɛ, má ka á re boe la ka a binyəə dɔ pɛ masɛ nɛ.»

Piɛrɛ1 3:7

Kasɛn dɔn, giĩn lɛn, a din yɔrɔ kɛ lɛ la, ka dɔn nə goã kun kaa lɔn nɛ, ka n doɛ̃ mà pàã ba ǹ lon ka kaa wɔ bɛ́ lɔn wa. Ka ǹ guguru kɔ, a giala, ǹ dɔn doamaa nɛ, ǹ Lawa a bǐɛ̃baa ǹ nyin nyabaã kɛ lɛ yɛ kun ka nɛ. Ka zɛnaa miɛ̃, màn mɛn bɛ́ toɛ, màn kɔ́n baran ka sàabaa Lawa-nyankɔ ganaa wa.