Ɛsit 4:1 - LAWA A BOO SONBORE 2011

¹ Sii mɛn yii nə n zɛnaa, Mardoose bɛ́ á bɛ ma, foo-ziziɛ̃ taman yii, á ná a mɔnaan tɔtoɛ̃, á gɛ̀ koa ǹ mɔnaa wɔ, á ton yu a din ganaa. A soo kiwi lɛ bii, á n lɛ dɛ kɔsɛkɔsɛ.

Ɛsit 4:1 ပူးပေါင်းရင်းမြစ်များ

Siin Giala 27:34

Ezawu bɛ́ á ǹ di a boon lɛn ma lɔn, a foo yii ziziɛ̃, á n lɛ dɛ kɔsɛkɔsɛ, a ná a nyankɔ: «Maa díi, sabara baa, n lɛn bǐɛ̃ bíi masɛ dɔ li!»

Siin Giala 37:34

Zakɔba ná a din a wɔ ǹ mɔnaa kũ á toɛ̃, á gɛ̀ koa ǹ mànan wɔ a din ganaa, a ná a nɛgiĩ lɛ a gɛ̀ wuu pɛ, lɛawaa damata gɔ́ɔ̃ nɛ.

Samayeli2 1:11

Foo ziziɛ̃ gɔn, Davida ná a mɔnaan kũ á ǹ tɔtoɛ̃. A tá-kun wolen tumaa zɛnaa miɛ̃.

Samayeli2 13:19

Tamaara ton goa á kaa a din mìi ni, á ná a mɔnaa sɛsia lɛ kũ á toɛ̃, á n gɔnɔn kaa a mìi ni, á woo bɛ̀ a tá n lɛ dii ka gɛ̀ na á gã la.

Ɛsit 4:2

Bɛ kio, á woo yǎa kii a kiɛnlɛ-a. A giala, bɛ̀ min nə́ gɛ̀ koa ǹ mɔnaa wɔ, ǹ dɛnaa ba boe la a wɔ kii a kion wa.

Ɛsit 4:3

A da yaa, kii a boo lɛ laanka a lɛ-dia lɛ goã á dɔ gána lɛ a bǎã mɛn yii ni, a naa n baa ka gɛ̀-koa gole bɛ́ lɔn Zuifun li: lɛ-sɔɔ nɛ, yii mu ni, panparan bɔ nɛ. Gɛ̀-koa ǹ mɔnaa laanka ton na á goã gigiã a piì lɛa.

Zɔbu 1:20

Foo-ziziɛ̃ gɔn, Zɔbu yoo á ná a mɔnaa kũ á toɛ̃, á n mìi kɔɔ̃. Bɛ kio, á na á kaa tán a lɛ la, a n pii kɛnɛn:

Zɔbu 2:8

Zɔbu na á goã n gɔ̀nɔn lɛ gasiɛ̃ ka tanpara nɛ, bɛ̀ a wo giã tán tontonbɔlɔ la.

Zɔbu 42:6

Bɛ lɛ nɛ, ma nə n gɔ́ɔ̃ bii maa da ǹ boon lɛ-a, man lɛ koe maa san ganaa ma á n gɔ́ɔ̃ bii, ma giã tan tii laanka ton li foo ziziɛ̃ gɔn.

Izayii 15:4

Ɛsibɔn laanka Elaalee kiwi, minin man gú diɛ. Ma nə n toɛ Yaasi n tá ǹ lɛ miɛ. Haalɛ Moabu sɔraasin tá n lɛ dii, ǹ foo n ziziɛ̃ nɛ.

Izayii 22:4

Bɛ lɛ taman yii, man pii ka nɛ: «Ka ma toa walan ma dinsɔɔ̃, ka ma toa walan ma wuu pɛ kɔsɛkɔsɛ. Maa zaman bɔ̀n baa, sɛnɛ, ka nyan pɛ mà ka n ma foo wɛɛ wa.

Izayii 37:1

Kii Ezekiasi bɛa boon kɛn ma lɔn, a ná a mɔnaan tɔtoɛ̃, á gɛ̀ koa ǹ mɔnaan wɔ, á kiɛ̃ á wɔ Dɛnaa Lawa a kion.

Izayii 37:2

A din biikoo goon kɛ lɛ nɛ, á kii kion a kiã Eliyakimu laanka sɛ́wɔ-kiɛ̃li Sebunaa ka Lawa a wúlu-bɔlen min golen dia Amɔsi a nɛgiĩ Izayii li, ǹ dɔn tumaa n ka gɛ̀ koa ǹ mɔnaan nɛ ǹ ganaa.

Izayii 58:5

Ma bɛ́ lɛ soɛ mɛn narɛɛ, bɛ kɔnbɔ ka kɛ nɛ? Kasɛn din gisĩ ǹ gɔn nə ka kɛ-n ma yɔrɔ-a? Ka n mìi kuməə ka bùruu bɛ́ lɔn, ká gɛ̀ koa ǹ mɔnaa wɔ, ka n dinin tuturu tán tii li, ka n bɛ lɛ bíi "lɛ soɛ"? Bɛ n lɛawaa lɛa kɔɔ̃n Dɛnaa Lawa ganaa?

Ezekieli 21:11

Minbuiin a nɛ, n kii kũ n gini là-paparɛɛ taman yii. Gini ǹ tumaa yii ni.

Ezekieli 21:6

Dɛnaa Lawa wusoo á boo da ma nɛ á pɛ:

Danayeli sɛ́wɔ 9:3

Ma bɛ yɛ lɔn, má n lɛ sɔɔ, ma boroo wɔ ma ganaa, ma ton kaa ma ganaa ka gɛ̀ na á gã ma la. Má n yɔrɔ dia Dɛnaa Lawa la, má a nyankɔ, má gòã-kũ da a ganaa.

Misee 1:8

Bɛ lɛ n ke, masɛ Misee á die wuu pii, man din dɛdɛ. Man die n sɔlɛɛ, ma tɔ wɔ ka ma gòã kooro ne, ka yii koe-yele n ma nɛ. Man die n lɛ dii ka toloka bɛ́ lɔn, man die lɛ biɛ, ka bɛnda bɛ́ lɔn.

Sofonii 1:14

Dɛnaa a lɛawaa gole lɛ diri. Á diri ka foɛɛ̃. Bɛa pinaa kɛ lɛ nɛ, lɛ dɛ gole á re boe, footaãnaa din tá re gú diɛ.

Matiə 11:21

«Kasɛn Koraazɛn minin kɛn, bɔ̀n nə kaa wɔ lɛa! Kasɛn Bɛtsayidaa minin kɛn, bɔ̀n nə kaa wɔ lɛa! A giala kaãbaa ǹ siin mɛnɛn bɛ́ ǹ nə́ n zɛnaa kaa piɛ, bɛ̀ bɛn man nə́ n zɛnaa Tiiri kiwi laanka Sidɔn kiwi babaraan kɛn nɛ, bɛ̀ ǹ nə́ boroon wɔ ǹ dinin ganaa, ǹ nə́ ton kaa ǹ dinin ganaa haalɛ bibi, ǹ nə́ nyaa mà ǹsɛn nə́ n taasɛ ǹ nə́ wusoo ǹ sii baraan kio.

Nya ǹ dín 14:14

Dia dí-a wole Pooli laanka Barnabaasi bɛ́ ǹ nə́ bɛa boo kɛ ma, ǹ foo ziziɛ̃ parsiini. Ǹ nə́ ǹ mɔnaan toɛ̃, ǹ nə́ n gòã saa ǹ nə́ woo zaman lɛ li, ǹ nə́ paraa:

Zozoe 7:6

Bɛ gɔ́ɔ̃ nɛ, Zozoe ná a mɔnaan kũ á ǹ tɔtoɛ̃. Foo-ziziɛ̃ gɔn, a din laanka Izirayeli a min golen lɛn nə́ tii goa bɛ̀ ǹ kaa ǹ mìi ni. Ǹ nə́ na ǹ nə́ kaa tán ǹ yɔrɔ la Dɛnaa Lawa a goo lɛ yɔrɔ-a yǎa wasa woo mɛ.

Sii-nyaan 11:3

Bɛa biikoo li ma á re a Siére màn paa diɛ, ǹ wɔ ǹ mɔnaan yii n kokoro ka boroo bɛ́ lɔn, ǹ da Lawa a boo gii da yǎa lɛawaa duu goon biɛpaa ka pɔsɔrɔ (1 260) kɛ lɛ piɛ̃.»