Ɛsit 3:8 - LAWA A BOO SONBORE 2011

⁸ Haman tɔ́n pɛ kii Zɛrzɛsi ni: «Tɔrɔ lɛ kɔn tan a ba goon ka ǹ miãn nɛ wa. Bɛa tɔrɔ lɛ a minin tá ǹ mìi ni pɛsiɛ̃ nɛ tɔrɔn bii n gána lɛ a bǎãn tumaa nɛ. Ǹ sii zɛnaa ǹ gɔnɔn ba goon ka tɔrɔ kɔn wɔn nɛ wa, ǹ ba kii lɛ bɔlɔ sii wa. Bɛ̀ kii lɛ nə́ ǹ toa walan kiĩn ni, a là ba a-n wa.

Ɛsit 3:8 ပူးပေါင်းရင်းမြစ်များ

Ɛsidrasi 4:6

Zɛrzɛsi a kiibaa waáraa, a kiibaa lɛ a giala kɔ li, minin mɛnɛn bɛ́ giã-n Zudaa laanka Zeruzalɛmu ni, zɔ́ɔn lɛn nə́ sɛ́wɔ kiɛ̃ ǹ nə́ zɛ̀rɛ koa ǹ ganaa.

Nehemii 1:8

Sɛnɛ bǐɛ̃ kɔ n nə n yiri kɔ ka boo kɛ nɛ, ń goã ń nə́ n dí-nyali Muizu da a pɛ ganaa kɛnɛn: «Bɛ̀ ka a bɔlɔgoondɛnan lɛa wa, masɛ dɔ n die ka pɛsɛ̃ tɔrɔ kɔsɔn bii.

Ɛsit 3:9

Bɛ̀ kii lɛ dùũ ni, sɛ́wɔ nə n kiɛ̃, bɛa tɔrɔ kɛ lɛ a minin bɔ̀nbaa ǹ wɔ lɛa. Min mɛnɛn bɛ́ gɔn mànan soekɔn gána lɛ wɔ lɛa, masɛ á die wɔrɔ tɔnɔ biɛsɔɔ nimii ma kaa bɛn gɔn, ǹ kaa gána lɛ gɔn màn li.»

Ɛsit 4:1

Sii mɛn yii nə n zɛnaa, Mardoose bɛ́ á bɛ ma, foo-ziziɛ̃ taman yii, á ná a mɔnaan tɔtoɛ̃, á gɛ̀ koa ǹ mɔnaa wɔ, á ton yu a din ganaa. A soo kiwi lɛ bii, á n lɛ dɛ kɔsɛkɔsɛ.

Zeremii 33:24

«Minin bɛ́ boo mɛn diɛ n ma wa? Maǹ pii mà má n la bɔ Izirayeli laanka Zudaa ganaa, bɛa tɔrɔ màn paa kɛ lɛ ma ǹ yii gɔgɔɔ̃. Bɛa yɔrɔ lɛ la, maǹ maa zaman lɛ yii puusə koe. Maǹ taasɛ mà ǹ ba gána lɛa doo wa.»

Zeremii 50:17

Izirayeli na á goã ka sère papaã wole bɛ́ lɔn, yàran ná a kio. Min mɛn sɔ̃ bibinaa nɛ, Asiiriin kii ni. Bɛ kio, Baabiloniin kii Nebukadenezɔɔrɔ daa, á kũ a ná a wen yiyiɛ.

Ezekieli 11:16

Bɛ lɛ taman yii, Dɛnaa Lawa mà ma kɛ pɛ ma nyaa goa wolen lɛn manɛ: Má woo ka nɛ tɔrɔ kɔsɔn bii sɔsɔɔ, má ka pɛsɛ̃ gána kɔsɔn nɛ, a laan bɛ yii ni, ma á kun ka nɛ walan, ka maa kion kɛ n kun ka ka nɛ.

Ezekieli 6:8

Sɛnɛ, ma á re toɛ ka gialakun nə goã zia lɛ kio, ma bɛn pɛsɛ̃ gána kɔsɔn nɛ.

Danayeli sɛ́wɔ 3:8

Bɛ gɔ́ɔ̃ nɛ, Baabilonii minin kɔnɔn nə́ kiɛ̃ a din bǎã-n gɔrɔ, ǹ nə́ daa Zuifun lɛn biɛ kɔ kii ni.

Danayeli sɛ́wɔ 6:13

Ǹ nə́ wusoo ǹ nə́ woo dɔ kii li, ǹ nə́ pɛ nɛ landa lɛ wɔ paǹ li: «Kii, táa n din ni nə gɔn bǎã da landa sɛ́wɔ lɛ nɛ, ǹ mɛn lɛ á ke pii kɛnɛn: A saa pelo ganaa, a wo dɔ lɛawaa pɔsɔɔ, bɛ̀ min mɛn kii din toa walan á lawa kɔsɔ hinlaa minbuiin nɛ nyankɔ, ǹ die ǹ bɛa dɛnaa kũ ǹ zũ yàran yala kɛ nɛ. N din bie ń pɛ miɛ̃ wa?» Kii tɔ́n nə ǹ lɛ si á pɛ: «Sii lɛ n miɛ̃, a kɔnpɛ ka Mɛdi minin laanka Pɛrsi minin landa nɛ, sàabaa ná a ba la wa.»

Danayeli sɛ́wɔ 6:14

Bɛa minin lɛn nə́ tɔ́n pɛ kii ni kɛnɛn: «Danayeli ke ń bɔ nɛ Zudaa gána nɛ kun ka wo bɛ̀rɛbaa ǹ bǎã n wolen ne, n dinmaa lɛ a màn kɔn lɛa a yii li wa. N goã ń nə́ n gɔn bǎã da landa sɛ́wɔ mɛn dɔ nɛ, bɛ dɔ a sii lɛa a yii li wa. Á ke, a na a Lawa nyankoe gunyin sɔɔ pinin goon.»

Lawa a wúlu-bɔlen 26:33

Masɛ á re zia yiɛ ma kaa ka ganaa, ma ka sasawaa, ma ka kaa tɔrɔ kɔsɔn bii, kaa gána lɛ gɔ́ɔ̃ kooro á die goɛ̃. Kaa kiwin kɛn tá re kɛbɔlɔ kooron biɛ.

Zakarii 7:14

Má ǹ sasawaa tɔrɔn bii, ǹ bɛ́ ǹ ba ǹ mɛnɛn dinin doɛ̃ wa. Ǹ goa lɛ kio, ǹ gána lɛ yu. Min kɔn ba woe walan wa, min kɔn dɔ a boe a-n wa. Bɛa gána kɔɔ̃n-kɔɔ̃n kɛ lɛ, ǹ nə́ bɔyaa ǹ nə́ baa kɛbɔlɔ lɛa.»

Minin nimi 23:9

Bɛ̀ má n toa gɛ̀fun mìi ni, má ga zaman kɛ ganaa, bɛ̀ má n toa kelen mìi ni, má n yii doa la, a n zaman lɛa, zaman mɛn nə́ ke giã nɛ a mìi ni, á n doɛ̃ mà asɛ a goon ka tɔrɔ kɔsɔn kɛn nɛ wa.

Zaã a sɛ́wɔ 7:35

A kũ bɛ lɛ ganaa, Zuifun man nə́ goã pii kɔn nɛ, mà a n die woe maa kəni, ǹsɛn nə ǹ ba yii doo wa? Mà Zuifun mɛnɛn bɛ́ pɛsiɛ̃-n bǎã kɔsɔn nɛ, mà a n die woe n doe kun bɛn nɛ, a Lawa doɛ̃baã wolen kɛn daraa kəni?

Nya ǹ dín 24:5

Wɔsɛn man wɔ́ yɛ wáa giĩ kɛ lɛ n zaman lɔlɔkɔn wole lɛa. Zuifun tá bǎã woo bǎã nɛ, a n boe ǹ li a tá ǹ sɔsɔmɛ. Nazarɛtin giĩ kɛ a zii dii kɛ lɛ a kɔmalɛ wole nyɛɛnaandɛnaa goon ne.

Nya ǹ dín 28:22

Wɔsɛn man li n din ni n taasiɛ pɛ wɔsɛn nɛ, a giala, maǹ zia diɛ bǎã din tumaa nɛ n zii dii kɛ lɛ ganaa.»

Timəə dí-pɛn 30:3

Bɛ̀ á n baa miɛ̃, kaa Lawa, Dɛnaa Lawa lɛ á re makara boe ka ganaa. A ka pɛsɛ̃ tɔrɔn mɛnɛn tumaa bii ka nə́ ǹ bɛ̀rɛn lɛa, á re wusii a ka waa walan doo a ka sɔkɔn.

Timəə dí-pɛn 32:26

A na á goã ma gɔ́ɔ̃ nɛ: ma ǹ dɛ, ma ǹ pɔpɔsɛ, ma ǹ sii bɔ ma bɔ minbuiinin taasiɛ nɛ.

Timəə dí-pɛn 4:27

Dɛnaa Lawa á die ka lui a ka kaa tɔrɔ kɔsɔn bii. A bɛ́ re woe ka nɛ tɔrɔn mɛnɛn bii, kaa gialakun boɛɛn nə die goɛ̃ bɛn dɔn bii.

Zaaki 1:1

Masɛ Zaaki, Lawa laanka Dɛnaa Yezu *Krita a bɛ̀rɛ n sɛ́wɔ kɛ diɛ. Lawa a minin mɛnɛn bɛ́ pɛsiɛ̃-n kanaa paǹ tumaa nɛ, ka Izirayeli tɔrɔ fulupaa kɛ bɛ́ lɔn, ma á fòo diɛ ka tumaa nɛ.

Piɛrɛ1 1:1

Masɛ Piɛrɛ mɛn bɛ́ Yezu *Krita a dia dí-a wole lɛa, masɛ n sɛ́wɔ kɛ kiɛ̃. Man diɛ Lawa din a min boen kɛn la, giã-n gùlibaa nɛ, ǹ nə́ pɛpɛsiɛ̃-n Pɔn gána laanka Galaasi gána nɛ, Kapadɔɔsi laanka Azii ni ka Bitinii gánan nɛ.