Ɛsit 3:2 - LAWA A BOO SONBORE 2011

² Kii lɛ a kiodɛnan tumaa goã kiɛ tán Haman lɛ giulun ǹ tá a guguru koe, ka kii lɛ goã á pɛ a wɔ paǹ li lɔn. Sɛnɛ, Mardoose sɛ goã kiɛ tán a giulun, a tá a guguru koe wa.

Ɛsit 3:2 ပူးပေါင်းရင်းမြစ်များ

Siin Giala 41:43

Bɛ kio, á da a wotoro paabaa ǹ wɔ gɔ́ɔ̃ nɛ, minin nə́ goã n lɛ dii a nyɛɛnɛ ǹ nə́ pii: «Ka zii da!» Faarahɔn Zozɛfu koa a gána tumaa mìi la ka bɛa yɔrɔ lɛ nɛ.

Ɛsit 2:19

Nɛniɛ tenən lɛn goa a gunyin paabaa ǹ wɔ, Mardoose na á goã dí nyɛɛ kii a sumu-n.

Ɛsit 2:21

Bɛa biikoo lɛ li, Mardoose bɛ́ á goã dí nyɛɛ kii a sumu-n, kii a kiodɛnaa min paa kɔn nɛ, kiɛnlɛ-lɛduə̃lin manɛ, Bigitan laanka Terɛsi ni, ǹ foo goã yoo ne, ǹ nə́ goã giɛ li ǹ kii Zɛrzɛsi lɛ dɛ.

Ɛsit 2:5

Zuifun giĩ goon goã Suuzu kiwi gole lɛ nɛ, a tɔ n Mardoose, Yayiri a nɛ nɛ. A n Simei laanka Kiisi tɔrɔ lɛa, Bɛnzamɛn tɔrɔ goon ne.

Ɛsit 3:1

Bɛa siin kɛn lɛn kiɛ̃ kio, kii Zɛrzɛsi lɛ nyɛɛnaandɛnaabaa kɔ Haman la, Hamedaata a nɛgiĩ ke Agaagi tɔrɔ lɛa. Kiodɛnan mɛnɛn tumaa goã kun ka Zɛrzɛsi ni, á Haman saa á da bɛn tumaa mìi la.

Ɛsit 3:3

Kiodɛnan gialakunun kɛn, bɛn nə́ tɔ́n pɛ Mardoose ne: mà wàa na á baa a tá kii bɔlɔ tii?

Ɛsit 3:5

Haman yii bɛ́ a ganaa mà Mardoose ba kiɛ tán asɛ giulun wa, a foo nə́ n da a lɛ la.

Ɛsit 5:9

Haman na á goã á soo bɛa pinaa lɛ nɛ, n nyɛnyɛɛ a foo n kɔɔ̃nɛ. Sɛnɛ Haman bɛ́ á Mardoose yɛ tán kii a kiɛnlɛ-a, a ná a ba yui a gɔ̀nɔn nə́ bìn diɛ a nyɛɛn wa, a foo yoo Mardoose li taãn-taãnɛ.

Loen 15:4

Min mɛnɛn bɛ́ ǹ ba kɔɔ̃n Lawa ganaa wa, a laadoo ba bɛn ganaa wa, sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, a n bɛn narɛ. Bɛ̀ á n lɛ kɔ min la, ta a n nɔmaa nɛ a gɔ́ɔ̃ nɛ, a ba n bɔlɔ bɔyɛɛ wa.

Bɔ bɛ̀rɛbaa nɛ 17:14

Dɛnaa pɛ Muizu ni: «Kɛ kiɛ̃ sɛ́wɔ nɛ, a goã gũ yiri ni ǹ sii lɛa. A pɛ Zozoe ne, mà má á re Amalɛki minin papaɛ̃ ka lenlen, min din ná a ba ǹ boo diɛ kanaa doo wa!»

Bɔ bɛ̀rɛbaa nɛ 17:16

Á pɛ: «Ka daa wɔ n liɛ, wɔ gɔnɔn nə́ lon, dia-n Dɛnaa a zanzan lɛ la, wɔ pɛ: Zia lɛ ka Amalɛki minin ni, a n yǎa duduu zia lɛa.»

Danayeli sɛ́wɔ 2:49

A kɔnpɛ ka Danayeli a nyankɔ nɛ, kii lɛ Sadraki saa, Mesaki laanka Abɛdi-Negoo ne, á ǹ kaa Baabilonii gána lɛ a dí lɛn la. Danayeli dinmaa na á goã dí nyɛɛ kii a sumu-n.

Timəə dí-pɛn 25:19

Bɛ lɛ nɛ, kaa zɔ́ɔn mɛnɛn tumaa bɛ́ ka lɛnpɛnɛ, bɛ̀ kaa Lawa, Dɛnaa Lawa ka kanbaa bɛn tumaa ganaa ǹ mɛn waáraa, a bɛ́ re gána mɛn lɛ koe ka la mà a kaa wɔ baa, ka Amalɛki tɔrɔn kɛn dɛ lenlen, ka ǹ bɔ walan. Ka nyan toa ka yiri bɔ wa dɛ!

Filipi minin 2:10

ń giɛ màn mɛn tumaa bɛ́ lon, ka tán nɛ, ka tán giulun ni, ǹ tumaa kaa tán, ǹ Yezu tɔ lɛ guguru kɔ.

Samayeli1 15:3

Sisia kəni, wo Amalɛki tɔrɔn gialaa, n nə ǹ dɛ n nə ǹ gɔn màn tumaa ziziɛ̃ lenlen. N baran n tɛn toa ǹ nɛ wa. Giĩn laanka lɔn nɛ, nɛnyaanan laanka nɛ tiɛɛ̃nɛn nɛ, diin laanka sèren ne, nyɔɔmaan laanka dundunun ni, ǹ tumaa dɛ.»