Ɛsit 3:15 - LAWA A BOO SONBORE 2011

¹⁵ Kii lɛ bɛ́ á boo da, dia dí-a wolen lɛn nə́ woo belenbelen, ǹ nə́ boo lɛ a lɛ dia Suuzu kiwi gole lɛ nɛ. Suuzu kiwi minin tumaa yiri lɔlɔkɔnmaa nɛ, a da yaa Kii lɛ laanka Haman giã tán ǹ nə́ duvɛ̃ mii.

Ɛsit 3:15 ပူးပေါင်းရင်းမြစ်များ

Siin Giala 37:25

Bɛ kio, ǹ nə́ giã tán, ǹ nə́ màn bii. Ǹ bɛ́ ǹ nə́ n mìi saa lon, ǹ nə́ nyɔɔmaadɛnan yɛ boe Galaati gána-n die. Isimayeli tɔrɔn manɛ. Da gón gìĩ kɔɔ̃n nə́ ǹ nyɔɔmaan lɛn la, ǹ tá woe-n Ezipti gána nɛ.

Kiin1 14:27

Kii Roboamu lɛ tɔ́n goóron zɛnaa ka zan nɛ, á ǹ kaa bɛa sana goóron lɛn bǎã nɛ. Min mɛnɛn nə goã kii a kiɛnlɛ-lɛduə̃lin nyɛɛnaandɛnan lɛa, á ǹ gama walan sii toa bɛn gɔn.

Ɛsit 1:10

A lɛawaa sɔbaabaa ǹ wɔ pinaa, kii lɛ bɛ́ á duvɛ̃ mi, a foo goã kɔɔ̃nɛ. A tɔ́n lɛ dia a kiodɛnaa sɔbaa kɛ la dí nyɛɛ a giulun: Mehuman nɛ, Bizitaa nɛ, Arbonaa nɛ, Bigitaa nɛ, Abagataa nɛ, ka Zetaara laanka Karkaasi ni, á pɛ ǹ nɛ:

Ɛsit 4:16

«Zuifun mɛnɛn tumaa bɛ́ Suuzu kiwi, wo ǹ tumaa sɔkɔn, ǹ nə n lɛ sɔɔ masɛ a lɛa. Ǹ lɛawaa sɔɔ zɛnaa, ǹ nə́ ǹ ba màn bii wa, ǹ nə́ ǹ ba màn mii wa, penleen laanka tèlò ne. Masɛ dɔ á die bɛ miã lɛ-sɔɔ lɛ we kun ka maa nɛlɔ dí-nyalin ni. Bɛ kio, a laanɛ pàã lɛ kɔ-a wa, masɛ n die woe kii lɛ li, ta man die goɛ̃ a nɛ, man goɛ̃ a nɛ.»

Ɛsit 8:15

Mardoose tɔ́n soo kii lɛ li, kii dɔnkɛ tã bonbon pàsadɛnaa ná a ganaa, kii bafolo sanadɛnaa kaaraa ná a mìi-a, dɔnkɛ tã gole yii nɔnɔɔ dɔ ná a ganaa. Suuzu kiwi minin man nə́ goã n nyɛnyɛɛ, n lɛ dii.

Loen 37:7

Giã kiĩni Dɛnaa Lawa li, n nə n foo doa a ganaa. Min mɛn a sii bɛ́ bǐɛ̃ koe, n foo baran busu li wa. Min mɛn bɛ́ yiri baraa boe a sii zɛnaa gɔ́ɔ̃ nɛ, n foo baran busu bɛ li wa.

Suusun 1:16

Maǹ baa sii sii baraa zɛnɛɛ, manə n nanɛɛ gɛ̀ dɛ li.

Suusun 29:2

Bɛ̀ min peperen nə́ pàã saa, zaman nə n nyɛnyɛɛ. Sɛnɛ bɛ̀ min baraa pàã saa, zaman nə gungunun sii.

Suusun 31:4

Duvɛ̃ ba siĩn kii wɔ lɛa wa. Yɔ kaka a siĩn kiãn wɔ lɛa wa.

Suusun 4:16

Bɛa minin kɛn lɛn ba nyuù we bɛ̀ ǹ nə́ ǹ sii baraa zɛnaa wa. Ǹ ba nyuù naɛ̃ ǹ yii-a bɛ̀ ǹ sii baraa zɛnaa min ni wa.

Ozee 7:5

Ǹ kii a zɔ́n pinaa, ǹ kiodɛnan man duvɛ̃ gigiã mii, bɛ̀ ǹ na a busu kɔ. Yaa wɔ minin ganaa wolen kɛn, kii dɔ na a wɔ kiɛ kun ka bɛn nɛ.

Amɔɔsi 6:6

Ka n duvɛ̃ kɛ mii màn dadaran nɛ, ka n nyɔɔ gìĩ kɔɔ̃n kɛ loe, sɛnɛ, sii mɛn bɛ́ re Zozɛfu tɔrɔn kɛn yii, bɛa taasiɛ diɛ ka ganaa wa.

Zaã a sɛ́wɔ 16:20

Man taãn pii ka nɛ: Ka á re wuu pii ka n lala da, bɛ̀ kanaa minin kɛn tá yaa we. Ka yɔrɔ á re kɔsɛ, sɛnɛ, kaa yɔrɔ-kɔsiɛ á die n bɔyɛɛ a nyɛnyɛɛ baa.

Sii-nyaan 11:10

Tán min tumaa foo á re kɔɔ̃n koe ka min paa kɛ a gɛ̀ nɛ. Ǹ tá re ǹ nyɛnyɛɛ parsiini, ǹ kɔn gɔ ka màn nɛ kooro, a giala mà Lawa a boo gii-dali màn paa kɛ bɔ tán minin yii-n parsiini.