Ɛsit 3:13 - LAWA A BOO SONBORE 2011

¹³ Bɛ kio, ǹ nə́ sɛ́wɔn lɛn kɔ dia dí-a wolen la, ǹ nə́ woo ǹ koa kii lɛ a gána a bǎãn tumaa nɛ. Adaara mui ke lɛ̀ a mui fulupaabaa ǹ wɔ lɛa, bɛa lɛawaa fulusɔɔbaa ǹ wɔ, ǹ Zuifun lɛn tumaa dɛ lenlen ǹ nə ǹ nya pinin goon, min tenən laanka min zizin ni, nɛnyaanan laanka lɔn nɛ. Ǹ nə ǹ mànan kokoo.

Ɛsit 3:13 ပူးပေါင်းရင်းမြစ်များ

KZS2 30:6

Dia dí-a wolen lɛn nə́ woo Izirayeli ka Zudaa gánan nɛ ka sɛ́wɔn lɛn nɛ kii gɔn nɔɔ n la ka zaman nyɛɛnaandɛnan wɔ nɛ. Ká kii pɛ ǹ nɛ lɔn, ǹ nə́ pɛ kɛnɛn: «Izirayeli minin lɛn, kasɛn mɛnɛn nə n si Asiiriin kii a pàã la, ka wusoo ka da Dɛnaa Lawa li, Abrahamu, Izaaki ka Zakɔba a Lawa ke, á re wusii a da ka li.

Ɛsit 7:4

A giala, maǹ nə́ wɔsɛn sã, masɛ laanka ma tɔrɔn lɛn nɛ, ǹ nə́ wɔ dɛ ǹ nə́ wɔ nya lenlen. Bɛ̀ a n ka maǹ nə́ wɔ sã bɛ̀rɛgiĩn laanka bɛ̀rɛlɔn lɛa kɛnɛn, bɛ̀ masɛ tá n lɛ tiɛ̃. A giala, bɛa bɔma yii-n kɛ dɔ kii nɔmaa ganaa wa.»

Ɛsit 8:5

A n toa: «Bɛ̀ kii lɛ dùũ ni, bɛ̀ masɛ a sii kaa a foo la, bɛ̀ sii lɛ kii lɛ foo si, bɛ̀ masɛ tá kɔɔ̃nɛ a ganaa, Hamedaata a nɛgiĩ Haman lɛ, Agaagi tɔrɔ lɛa, bɛ goã á sɛ́wɔn mɛnɛn yɔrɔ bɔ, á ǹ kiɛ̃ mà ǹ die ǹ kii lɛ a gána a bǎãn tumaa a Zuifun dɛ lenlen, mà ǹ wusoo ǹ sɛ́wɔ kiɛ̃, ǹ bɛa sɛ́wɔn lɛn boo sàabaa nɛ.

Ɛsit 9:1

*Adaara mui ke, lɛ̀ a mui fulupaabaa ǹ wɔ lɛa, bɛa lɛawaa fulusɔɔbaa ǹ wɔ daa á dɔ. Kii lɛ a lɛ dia lɛ a sii doamaa nɛ, a n zɛnaa bɛa pinaa lɛ nɛ. Zuifun zɔ́ɔn lɛn yiri na á goã a ganaa, mà ǹsɛn tá re boe Zuifun lɛn la, ǹ nə ǹ kaa ǹ pàã giulun bɛa pinaa lɛ nɛ. Sɛnɛ sii lɛ wusoo á n lusi, Zuifun lɛn sii bɛ́ a ba min mɛnɛn lɛn ganaa wa, Zuifun lɛn sɛn man nə́ wusoo, ǹ nə́ boo bɛn la, ǹ nə́ ǹ kaa ǹ pàã giulun.

Ɛsit 9:5

Zuifun lɛn nə́ ǹ zɔ́ɔn lɛn tumaa dɛ ka gɔya nɛ, ǹ nə́ ǹ dɛ ǹ nə́ ǹ nya lenlen. Zuifun lɛn sii bɛ́ a goã min mɛnɛn lɛn ganaa wa, ǹ nə́ n dùũ bɔ bɛn la.

Zɔbu 9:25

Maa lɛawaan lɛn gòã yii á fuu, ǹ nə́ la baa-silin manɛ, Maǹ baa sii, má n ma tɔn yii-nyɛɛ yɛ wa.

Izayii 10:6

Man Asiirii a sɔraasin diɛ tɔrɔ bɔlɔgoonbaãdɛnaa gialaa. Tɔrɔ mɛn bɛ́ ma foo yui, maǹ nə n yɔrɔ diɛ bɛn la, ǹ nə ǹ kokoo, ǹ nə ǹ naforon goa! Ǹ nə́ ǹ tɔtɔrɔ ka zii gialaa ǹ bɛrɛɛ bɛ́ lɔn.

Zeremii 51:31

Baa-sili nə n diɛ ǹ miã baa-sili lɛ, dia dí-a wole nə n diɛ ǹ miã dia dí-a wole lɛ woe pii Baabilonii gána a kii ni, mà ǹ nə́ a kiwi lɛ kũ paǹ yii li.

Rɔmu minin 3:15

Ǹ gòã yii n fuu ǹ yii tì-an mà kaa.

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.

Samayeli1 15:3

Sisia kəni, wo Amalɛki tɔrɔn gialaa, n nə ǹ dɛ n nə ǹ gɔn màn tumaa ziziɛ̃ lenlen. N baran n tɛn toa ǹ nɛ wa. Giĩn laanka lɔn nɛ, nɛnyaanan laanka nɛ tiɛɛ̃nɛn nɛ, diin laanka sèren ne, nyɔɔmaan laanka dundunun ni, ǹ tumaa dɛ.»

Samayeli1 22:19

Lawa a wúlu-bɔlen kiwi Nɔɔbu lɛ nɛ, á giĩn dɛ, lɔn nɛ, nɛnyaanan nɛ, nɛ tiɛɛ̃nɛn nɛ, diin ni, dundunun ni, ka sèren ne.