Ɛsit 3:12 - LAWA A BOO SONBORE 2011

¹² Min mɛnɛn bɛ́ kii a sɛ́wɔ-kiɛ̃lin lɛa, ǹ nə́ tɔ́n lɛ dia bɛn la, lɛ̀ a mui bibinaa a lɛawaa fulusɔɔbaa ǹ wɔ li. Ǹ nə́ sɛ́wɔ lɛ kiɛ̃ á kɔnpɛ ka Haman a da ǹ boo ne ka te. Ǹ nə́ dia kii a kiodɛnan la, ka gána lɛ a bǎã gogoonmaa a pàãdɛnan nɛ, ka tɔrɔ gogoonmaa a nyɛɛnaandɛnan nɛ. A ná n kiɛ̃ ka bǎã gogoonmaa a sɛ́wɔ kiɛ̃ ǹ gɔn nɛ, ka tɔrɔ gogoonmaa a bɔlɔ nɛ. Man nə́ sɛ́wɔ lɛ kiɛ̃ ka kii Zɛrzɛsi tɔ nɛ, ǹ ná a gòon ganaa ǹ kaaran lɛ bǎã da la, kii gɔn bǎã lɛa.

Ɛsit 3:12 ပူးပေါင်းရင်းမြစ်များ

Kiin1 21:8

Bɛ kio, Zezabɛli sɛ́wɔn kiɛ̃ ka Akaabu tɔ nɛ. Á kii a gòon ganaa ǹ kaaran bǎã da ǹ la, á ǹ dia Naabɔti a kiwi a min golen laanka a kənən la.

Ɛsidrasi 8:36

Bɛ kio, ǹ nə́ kii a gɔn-waan lɛn kɔ kii a kiodɛnan kɛn la gána lɛ a bǎãn mìi la, ǹ nə́ ǹ kɔ Efrati tà a lɛ̀nyɛɛn gɔn la a pàãdɛnan dɔn la. Bɛa minin kɛn lɛn nə́ n dɔ Lawa a zaman lɛ lɛ ka kion lɛ a dɔ nɛ.

Ɛsit 1:22

Gánadɛnaa bɛ́ bǎã mɛn yii ni, kii lɛ sɛ́wɔn dia walan, á kɔnpɛ ka bǎã gogoonmaa a sɛ́wɔ kiɛ̃ ǹ gɔn nɛ, ka tɔrɔ gogoonmaa a bɔlɔ nɛ, màn mɛn bɛ́ toɛ, giĩ gogoonmaa goã mìilandɛnaa lɛa a din a kion, ta a n bɔlɔ mɛn pii.

Ɛsit 3:11

Bɛ kio, kii lɛ pɛ Haman nɛ: Wɔrɔ ke, bɛ toa walan. Minin lɛn dɔn, bɛ̀ sii mɛn kɔɔ̃n kɔ n ganaa, n bɛ zɛnaa ǹ nɛ.

Ɛsit 8:2

Kii lɛ goã á wusoo a ná a gòon ganaa ǹ kaaran mɛn si Haman la, á bɛ bɔ a gòon ganaa, á kɔ Mardoose la. Bɛ kio, màn mɛn din tumaa bɛ́ Haman wɔ lɛa, Ɛsitɛɛrɛ Mardoose da bɛn mìi la.

Ɛsit 9:27

Zuifun lɛn nə́ sii lɛ a zɛnaa baa landa lɛa, ǹ nə́ lɛ kɔ a ganaa, ǹ dinin laanka ǹ nɛnyaanan wɔ lɛa, ka min mɛnɛn dɔn bɛ́ re kiɛ kunun ǹ ni. Lɛ̀ woo lɛ̀, maǹ bɛa lɛawaa paa lɛ koɛ, a kɔnpɛ ka a zɛnaa ǹ gɔn nɛ, ka a zɛnaa ǹ biikoo ne.

Danayeli sɛ́wɔ 3:10

N dinmaa kii nə n pɛ kɛnɛn: Min woo min bɛ́ re bɛn wuú miɛ, pìi ni, tùtun ni, ka bɛ̀ dɛ ǹ mànan tɔrɔ tumaa wuu ni, ǹ dɛnaa kaa tán a sana màn nyín kɛ guguru kɔ.

Danayeli sɛ́wɔ 6:12

Min mɛnɛn lɛn bɛ́ kɔn ka Danayeli ni, bɛn nə́ yiɛ ǹ nə́ daa a piɛ, ǹ nə́ daa yaa Lawa nyankoe, a n gòã-kũ diɛ a ganaa.

Danayeli sɛ́wɔ 6:15

Kii din bɛa boon lɛn ma lɔn, a foo ziziɛ̃ parsiini. A na á goã giɛ Danayeli walan, màn mɛn bɛ́ toɛ asɛ si a da. Wasa na á woo mɛ, bɛ̀ á n tɔn nə n doɛ, mà asɛ si a da.

Danayeli sɛ́wɔ 6:25

Kii tɔ́n pɛ, mà min mɛnɛn lɛn nə goã ǹ nə́ Danayeli biɛ kɔ, mà ǹ bɛn kũ ǹ da ǹ nɛ. Ǹ nə́ ǹ kũ ǹ nə́ daa ǹ zũ yàran yala lɛ nɛ, ǹ lɔn laanka ǹ nɛnyaanan nɛ. Yàran lɛn nə́ ǹ kũ, ǹ nə́ ǹ pɔpɔsɛ kɔn, bɛ̀ ǹ tɔn dɔ tán yala lɛ din gɔ́ɔ̃-n wa.

Danayeli sɛ́wɔ 6:8

Gána lɛ a goledɛnaa dadaran nɛ, a wɔrɔ sii-yɔrɔ bɔle ne, a gánadɛnaa dadaran nɛ, yiri kɔmala wolen laanka gánadɛnaa bisinin ni, ǹ tumaa kɔn yɛ, ǹ nə́ landa goon koa ka kii tɔ nɛ, ǹ nə́ kɛ pɛ ǹ nə́ laa: «A saa pelo ganaa a wo dɔ lɛawaa pɔsɔɔ, bɛ̀ min mɛn kii din toa walan, á lawa kɔsɔ hinlaa minbuiin nɛ nyankɔ, ǹ die ǹ bɛa dɛnaa kũ ǹ zũ yàran yala kɛ nɛ.»