Ɛsit 2:9 - LAWA A BOO SONBORE 2011

⁹ Nɛlɔ ten Ɛsitɛɛrɛ lɛ sii kɔɔ̃n kɔ Egee ganaa, a sii kaa a foo la. Egee nə́ n nanaa, lɔ ǹ nyɔɔn mɛnɛn bɛ́ min siĩn koe, á bɛn kɔ Ɛsitɛɛrɛ la ka Ɛsitɛɛrɛ a màn-bii ni. Ǹ nɛlɔ sɔbaa mɛn bɔ kii a piɛ, Egee bɛn dɔn kaa Ɛsitɛɛrɛ giulun. Bɛ kio, á Ɛsitɛɛrɛ bɔyaa kun ka bɛa nɛlɔn lɛn nɛ, á da lɔn kion kɛ a sonbore ne.

Ɛsit 2:9 ပူးပေါင်းရင်းမြစ်များ

Siin Giala 39:21

Lawa bǐɛ̃ zɛnaa nɛ, a ná a sii kɔɔ̃n kɔ kòso kion-lɛduə̃li ganaa.

Siin Giala 39:4

Zozɛfu sii kɔɔ̃n kɔ Potifaara ganaa parsiini, a din nɔmaa á saa a dí-nyali lɛa. Á saa á da a kion, á koa a gɔn mànan tumaa mìi la.

Kiin1 8:50

N zaman mɛn lɛ á ke ǹ nə́ sã ǹ nə́ wɔ n lon, bɛn sã toa ǹ nɛ. Ǹ gòãn dii ǹ siin mɛnɛn tumaa zɛnaa, bɛn toa ǹ nɛ. Ǹ bɛ́ min mɛnɛn gɔn bɛ̀rɛn lɛa, a toa ǹ makara bɛn kũ, ǹ makara bɔ ǹ ganaa.

Ɛsidrasi 7:6

Ɛsidrasi lɛ ná n toa *Baabilonii, á daa. A na á goã sɛ́wɔ-kiɛ̃li lɛa, sɛ́wɔ-kiɛ̃li mɛn nə́ ke Muizu a landa sɛ́wɔ kɛ doɛ̃ a tɔ-a. Landa mɛn lɛ á ke, Izirayeli a Lawa, Dɛnaa Lawa goã á kɔ. Ɛsidrasi goã á nɔ̀n da màn mɛn tumaa li, kii lɛ ná a yii kɔ la, a giala Dɛnaa, Lawa goã kɔn li nɛ.

Nehemii 2:8

N sɛ́wɔ lɛ a goon dɔ kɔ ma kɔ kii a daã-lɛduə̃li, Asaafu kɛ la, màn mɛn bɛ́ toɛ a gɔn kɔ ma la, kiwi tamaa ǹ kungɔn ke kunu Lawa a kion lɛ ganaa, ma bɛa kiɛnlɛn zɛnaa nɛ, ka kiwi lɛ a kungɔnɔn nɛ ka ma din bɛ́ re woe giɛ̃ kion mɛn dɔ nɛ.» Kii lɛ bɛa sɛ́wɔn lɛn kɔ ma la, a giala maa Lawa lɛ gɔn goã kun manɛ.

Ɛsit 2:12

Siin mɛnɛn zɛnaa pàã baa lɔn lɛn ganaa mui fulupaa gɔ́ɔ̃ nɛ, bɛ̀ nɛniɛ tenən lɛn mɛn bɛ zɛnaa á nya, wo kii Zɛrzɛsi li n doe a ganaa. Bɛa din kũ biikoo lɛ gɔ́ɔ̃ nɛ, sii lɛ na á goã n zɛnɛɛ kɛnɛn: *miíri nyɔɔ gìĩ kɔɔ̃n nɛ ǹ tá loe mui sɔrɔ, bɛ kio, lɔn lɔ ǹ nyɔɔn mɛnɛn bɛ́ gɔ̀nɔn bǐɛ̃ koe, min siĩn koe, bɛn manɛ ǹ tá ǹ loe mui sɔrɔ.

Ɛsit 2:3

Kii lɛ minin bɔ á ǹ koa a gána lɛ a bǎãn tumaa nɛ. Nɛniɛ tenən mɛnɛn bɛ́ ǹ tɔn giĩ dɔ̃ wa, ǹ nə́ siĩni a tɔ-a bɛa minin kɛn lɛn die ǹ nə ǹ tumaa sɔkɔn lɔn kion, Suuzu kiwi gole kɛ nɛ. Egee mɛn bɛ́ kii a kiodɛnaa lɛa, lɔn lɛduĩ, ǹ bɛa nɛlɔn lɛn sii wɔ bɛ gɔn. Lɔ ǹ nyɔɔn mɛnɛn bɛ́ min siĩn koe, ǹ die ǹ bɛn kɔ nɛniɛ tenən lɛn la.

Ɛsit 5:2

Kii lɛ bɛ́ a ná a lɔ Ɛsitɛɛrɛ lɛ yɛ golee-n sumu lɛ nɛ, Ɛsitɛɛrɛ a sii kaa a foo la. Sana bàlà mɛn bɛ́ kii lɛ gɔn, á tɔ́n bɛ saa á dia Ɛsitɛɛrɛ la. Ɛsitɛɛrɛ nə́ n zɔ̃ á dɔ, á n gɔn da bàlà lɛ giala ganaa.

Loen 106:46

Min mɛnɛn nə goã pàã nyɛɛ ǹ nɛ, ka kòso-nɛn manɛ, á toa bɛn nə́ wusoo ǹ nə́ ǹ makara dɔ̃.

Suusun 16:7

Bɛ̀ min a giã ǹ gɔn kaa Dɛnaa Lawa foo la, a n kiɛ kun ka a zɔ́ɔn dinin ni.

Danayeli sɛ́wɔ 1:9

Lawa tɔn bǐɛ̃ kɔ Danayeli ganaa, a ná a sii kɔɔ̃n kɔ dí-nyalin goledɛnaa lɛ ganaa.

Nya ǹ dín 7:10

A bɛ́ á nɔmaan mɛnɛn yɛ, Lawa bɔ bɛn dinin tumaa nɛ. Lawa sii-doɛ̃ gole kɔ la Ezipti a kii gole kɛ yɔrɔ-a, bɛa kii lɛ tɔ na á goã *Faarahɔn. Bɛ Zozɛfu bɔ á koa Ezipti gána mìi la, a ná a din dɔ a kion a naforon sii yɔrɔ bɔ toa a gɔn.