Ɛsit 2:7 - LAWA A BOO SONBORE 2011

⁷ Mardoose na á goã á nɛnyaan kɔn too a tɔn Ɛsitɛɛrɛ. Bɛa Hadaasa lɛ na á goã Mardoose gɔn á n toe, a giala, ǹ di goã a tan wa, ǹ dan dɔ goã a tan wa. Mardoose lɛ dikoɛ goon a nɛlɔ nɛ. Ɛsitɛɛrɛ lɛ goã kiɛ yii ni, siĩni a tɔ-a.

Ɛsit 2:7 ပူးပေါင်းရင်းမြစ်များ

Siin Giala 48:5

Sisia, nɛgiĩ min paa ke, ǹ nə́ yɛ Ezipti gána nɛ, bɛ̀ masɛ bɛ́ ma tɔn da n li wa, ma din wɔn man ka bɛn nɛ. Efrayimu laanka Manaasee n die masɛ wɔn biɛ, ka Urubɛn laanka Simiɔn bɛ́ maa wɔn lɛa lɔn.

Ɛsit 1:11

Mà ǹ na asɛ a lɔ Vastii kũ ǹ da nɛ asɛ yɔrɔ-a, ka kii bafolo ne a mìi-a, ǹ na a siĩnbaa kɛ nyaa zaman laanka asɛ kiodɛnan manɛ. A giala, Vastii lɛ goã siĩni a tɔ-a sonbore.

Ɛsit 2:15

Woo bɛ́ á dɔ́ Ɛsitɛɛrɛ ganaa, Mardoose ǹ dikoɛ Abiayili a nɛlɔ lɛ, asɛ nɔ̀n da màn kɔn li wa. Bɛ̀ á n bɔ ka màn kɛ nɛ, Egee, kii a lɔn-lɛduə̃li kɛ goã á nyaa nɛ. Min mɛn yii tumaa goã Ɛsitɛɛrɛ yii, a sii na á goã kiɛ ǹ foo la.

Ɛsit 2:20

Ka Mardoose lɛ goã á n gɔn waa-n lɔn, Ɛsitɛɛrɛ nə n tɔrɔ basa pɛ wa, a n tɔrɔ dɔ pɛ wa. Ɛsitɛɛrɛ kɔ Mardoose a boo lɛ lɛ, ka a tá a gɔn biikoo kɛ bɛ́ lɔn.

Ɛsit 8:1

A din pinaa lɛ nɛ, Haman mɛn lɛ á ke boe Zuifun yii ni, màn mɛn din tumaa bɛ́ a wɔ lɛa, kii Zɛrzɛsi lɛ bɛ yii kũ á si, á kɔ a lɔ Ɛsitɛɛrɛ la. Tɔrɔbaa mɛn bɛ́ Ɛsitɛɛrɛ laanka Mardoose bii, Ɛsitɛɛrɛ goã á bɛ boo da kii lɛ nɛ. Kii lɛ tɔ́n lɛ dia Mardoose la, á daa a yɔrɔ-a.

Zɔbu 31:17

Ma dinsɔɔ̃ bin maa màn bii wa, ma bin màn bii má nɛ toen nu wa.

Zɔbu 31:18

Maa tenmaa waáraa dinin gɔrɔ, man má goã ǹ kuĩ ka ǹ di n ka ma nɛ. Ma din soo ma dan gɔ́ɔ̃-n lɔn, man má goã lɔ giɔɔrɔ a sii yɔrɔ-bɔle lɛa.

Korɛnti2 6:18

Ma á re kaa díi biɛ, ka dɔn tá re maa nɛgiĩn biɛ ka maa nɛlɔn nɛ. Dɛnaa Pàãyiidɛnaa na á pɛ miɛ̃.»

Efɛɛzi minin 6:4

Kasɛn díin lɛn, ka baran kaa nɛnyaanan kũ baraa wa, ǹ yaa kiɛ̃ n gòãn dii wa. Sɛnɛ, ka n doroo a kɔnpɛ ka daraa kɛ nɛ boe Dɛnaa li.

Zaã1 3:1

Díi Lawa lɛ bɛ́ wɔ narɛ á la yii-n lɔn, ka ga bɛ ganaa! Maǹ wɔ bíi Lawa a nɛnyaanan. Taãn nɛ, wɔ n Lawa a nɛnyaanan dɔn lɛa sonbore. Bɛ lɛ n ke, kanaa kɛ a wɔ doɛ̃ wa, a giala, mà a Lawa dɔ̃ wa.