Ɛsit 2:23 - LAWA A BOO SONBORE 2011

²³ Ǹ nə́ sii lɛ gɔsɛ, ǹ nə́ woo yaa miɛ̃. Ǹ nə́ tɔ́n min paa lɛ bɔlɔ yu gɔn ganaa lon. Ǹ bɛ́ kii a siin kiɛ̃ sɛ́wɔ mɛn lɛ nɛ, ǹ nə́ kiɛ̃ walan.

Ɛsit 2:23 ပူးပေါင်းရင်းမြစ်များ

Siin Giala 40:19

Lɛawaa sɔɔ kɛ kio, Faarahɔn lɛ á die n mìi kuri, a bɔ a ganaa, a nə n dinmaa lɔɔ da ganaa, lon bàanan nə da n siĩ mui.»

Siin Giala 40:22

Sɛnɛ, á buuru-dalin goledɛnaa lɛ sɛ lɔɔ lon da ganaa. Zozɛfu narɛɛn lɛn giala pɛ lɔn, a na á n zɛnaa miɛ̃.

Ɛsidrasi 4:15

màn mɛn bɛ́ toɛ, ǹ sii gɔsɛ ǹ ga a woo ǹ bǎã li, n din digolon boo zizin sɛ́wɔ kɛ nɛ. Bɛa sɛ́wɔ lɛ nɛ, n tá re yii, mà kiwi kɛ lɛ n kiwi piã-wɔle lɛa, kiin laanka gána a bǎãn sii ziziɛ̃. A kũ biikoo sɔsɔɔ ganaa, maǹ gòãn dii ǹ siin zɛnɛɛ a nɛ. Bɛ lɛ nɛ ǹ nə́ bɛa kiwi kɛ lɛ yu, ǹ nə́ ziziɛ̃.

Ɛsit 10:2

Kii lɛ sii dadaran mɛnɛn tumaa zɛnaa ka foo tãbaa nɛ, a Mardoose saa á da lon lɔn á golebaa kɔ la, bɛn ǹ boo tá kiɛ̃ nɛ Mɛdi gána laanka Pɛrsi gána a kiin sɛ́wɔ kɛ nɛ.

Ɛsit 5:14

Haman a lɔ Zerɛsi lɛ laanka a giaáran lɛn tumaa pɛ nɛ: «Ǹ die ǹ gɔn yɔrɔ bɔ ǹ da bii-a, a wo lon nə goã mɛtərə fuəwensooro. Biɛ̃ baayɛlɛ, n pɛ kii lɛ nɛ, mà ǹ die ǹ Mardoose bɔlɔ yu bɛa gɔn lɛ ganaa lon. Bɛ kio, n wo zɔ́n màn bii ǹ bǎã lɛ nɛ kun ka kii lɛ nɛ, n foo n kɔɔ̃nɛ.» Sii lɛ kɔɔ̃n kɔ Haman ganaa, á tɔ́n nə ǹ kaa gɔn lɛ a yɔrɔ bɔ ganaa.

Ɛsit 6:1

Bɛa tèlò lɛ nɛ, kii lɛ boo la á nyuù naa a yii-a wa. A tɔ́n pɛ, mà ǹ da ka sɛ́wɔ kɛ nɛ, min yiri gisĩ lɛlɛ siin ni. Ǹ nə́ tɔ́n daa bɛa sɛ́wɔ lɛ pɛ kii lɛ yɔrɔ-a.

Ɛsit 7:10

Haman goã á gɔn mɛn yɔrɔ bɔ Mardoose wɔ lɛa, ǹ nə́ tɔ́n Haman dinmaa bɔlɔ yu bɛ ganaa lon. Bɛa biikoo li, kii lɛ foo tɔ́n waa.

Malakii 3:16

Sɛnɛ, min mɛnɛn bɛ́ Dɛnaa Lawa lɛ sii, bɛn nə́ boo da kɔn ǹ dinin bii ni. Dɛnaa Lawa nə́ n too kɔ ǹ lon, á ǹ boo diɛ ma. Min mɛnɛn bɛ́ a pàã doɛ̃ ǹ ná a lɛ sii, ǹ nə́ bɛn tɔ kiɛ̃ sɛ́wɔ nɛ ǹ nə́ koa a yɔrɔ-a.

Zozoe 8:29

Ayiin kii lɛ sɛ, á bɛ bɔlɔ da biɛ-n da ganaa, yǎa wasa woo mɛ. Wasa bɛ́ á mɛ, Zozoe pɛ minin manɛ, mà ǹ na a gere fore ǹ bɔ da lɛ ganaa. Ǹ ná a gere lɛ saa ǹ nə́ woo zũ tán kiwi lɛ a kiɛnlɛ-a, ǹ nə́ kɔlɔ da kɔn la a lalan ka teleen. Bɛa kɔlɔ dakɔnla gole lɛ á tɔn a tan haalɛ pelo.