Ɛsit 2:15 - LAWA A BOO SONBORE 2011

¹⁵ Woo bɛ́ á dɔ́ Ɛsitɛɛrɛ ganaa, Mardoose ǹ dikoɛ Abiayili a nɛlɔ lɛ, asɛ nɔ̀n da màn kɔn li wa. Bɛ̀ á n bɔ ka màn kɛ nɛ, Egee, kii a lɔn-lɛduə̃li kɛ goã á nyaa nɛ. Min mɛn yii tumaa goã Ɛsitɛɛrɛ yii, a sii na á goã kiɛ ǹ foo la.

Ɛsit 2:15 ပူးပေါင်းရင်းမြစ်များ

Ɛsit 2:14

Wasamiɛ̃nɛ, a n woe. Bɛa lɛawaa baayɛlɛ a nə n bɔyɛɛ a da lɔn kion kɔsɔ nɛ. Bɛa sii n Saasigaazi gɔn, kii a lɔn-lɛduə̃li lɛa. Bɛa nɛlɔ lɛ ba woe kii lɛ li doo wa, yǎa bɛ̀ a sii kii lɛ kũ, ǹ nə́ tɔ́n lɛ dia la.

Ɛsit 2:16

Kii Zɛrzɛsi a kiibaa lɛ a lɛ̀ sɔbaabaa ǹ wɔ, *Tevɛti mui mɛn nə́ ke, lɛ̀ a mui a fùbaa ǹ wɔ lɛa, bɛ gɔ́ɔ̃ nɛ, ǹ nə́ Ɛsitɛɛrɛ kũ ǹ nə́ woo ne kii lɛ li a piɛ.

Ɛsit 2:3

Kii lɛ minin bɔ á ǹ koa a gána lɛ a bǎãn tumaa nɛ. Nɛniɛ tenən mɛnɛn bɛ́ ǹ tɔn giĩ dɔ̃ wa, ǹ nə́ siĩni a tɔ-a bɛa minin kɛn lɛn die ǹ nə ǹ tumaa sɔkɔn lɔn kion, Suuzu kiwi gole kɛ nɛ. Egee mɛn bɛ́ kii a kiodɛnaa lɛa, lɔn lɛduĩ, ǹ bɛa nɛlɔn lɛn sii wɔ bɛ gɔn. Lɔ ǹ nyɔɔn mɛnɛn bɛ́ min siĩn koe, ǹ die ǹ bɛn kɔ nɛniɛ tenən lɛn la.

Ɛsit 8:1

A din pinaa lɛ nɛ, Haman mɛn lɛ á ke boe Zuifun yii ni, màn mɛn din tumaa bɛ́ a wɔ lɛa, kii Zɛrzɛsi lɛ bɛ yii kũ á si, á kɔ a lɔ Ɛsitɛɛrɛ la. Tɔrɔbaa mɛn bɛ́ Ɛsitɛɛrɛ laanka Mardoose bii, Ɛsitɛɛrɛ goã á bɛ boo da kii lɛ nɛ. Kii lɛ tɔ́n lɛ dia Mardoose la, á daa a yɔrɔ-a.

Ɛsit 9:29

Kii a lɔ Ɛsitɛɛrɛ lɛ, Abiayili a nɛlɔ lɛa, bɛ laanka Zuifun giĩ Mardoose wusoo doo, ǹ nə́ sɛ́wɔ kaka kiɛ̃, ǹ nə́ pàã kɔ sɛ́wɔ kɛ la, boo diɛ Puurimu lɛawaan lɛn wɔ gɔn la.

Suusun 15:33

Nyɛ́ɛbaa Dɛnaa Lawa yii ni n min darɛɛ sii-doɛ̃ ganaa. Bɛ̀ n tá zoɛ̃ yii gugurubaa li, yǎa n nə n din boɛɛn koe.

Loe kɔɔ̃n kɔɔ̃n 6:9

Sɛnɛ ma yii li, lɔ lɛ n goon toto kanaa, bɛ n ka maa kɔnbɔlɔn kɛ nɛ, bɛ n ka maa yii màn kɛ nɛ. A din nə ǹ dan a nɛlɔ lɛa, a sii n kɔɔ̃nɛ a yɛ ǹ dan lɛ-a. Bɛ̀ nɛlɔ kɔsɔn nə́ yɛ ǹ yɔrɔ-a, mà asɛ wɔ bǐɛ̃ kɔ! Kii a kɔn wɔ ǹ lɔn nɛ, ka a lɔ kɔsɔn nɛ, bɛn maǹ na a laakalɛɛ kɛnɛn:

Loe kɔɔ̃n kɔɔ̃n 8:10

Masɛ, man kungɔn lɛa. Ma nyɔn kɛn man sanabolon lɛa. Bɛ lɛ n ke á giɛ ma-a, mà ma din na asɛ wɔ bǐɛ̃ koe.

Nya ǹ dín 7:10

A bɛ́ á nɔmaan mɛnɛn yɛ, Lawa bɔ bɛn dinin tumaa nɛ. Lawa sii-doɛ̃ gole kɔ la Ezipti a kii gole kɛ yɔrɔ-a, bɛa kii lɛ tɔ na á goã *Faarahɔn. Bɛ Zozɛfu bɔ á koa Ezipti gána mìi la, a ná a din dɔ a kion a naforon sii yɔrɔ bɔ toa a gɔn.