Ɛsit 1:4 - LAWA A BOO SONBORE 2011

⁴ Kii Zɛrzɛsi lɛ ná a gána lɛ a pàãmabaa gole kɛ nyaa, ka a din a min zíndɛnaabaa gole sonbore kɛ nɛ, bɛ biikoo saa á woo dɔ mui sɔrɔ.

Ɛsit 1:4 ပူးပေါင်းရင်းမြစ်များ

KZS1 29:25

Dɛnaa Lawa Salomɔn baa kii gole lɛa Izirayeli din kuturu yɔrɔ-a. Á baa kii yii guguru-a lɛa. Izirayeli kiin mɛnɛn nə goã a nyɛɛnɛ-a yii gugurubaa la bɛn tumaa wɔ nɛ.

Ɛsit 1:5

Bɛa kiɛ̃ kio, min mɛn tumaa goã Suuzu kiwi gole kɛ nɛ, a saa pàãma gole ganaa a wo doobaa tiɛɛ̃n yaa, kii lɛ zɔ́n màn-bii zɛnaa lɛawaa sɔbaa ǹ tumaa wɔ lɛa, dù gɔrɔ kɛ gɔ́ɔ̃ nɛ kii a sumu-n.

Zɔbu 40:10

Haya kəni, n bɛ́ boe sii la... Gugurubaa laanka golebaa wɔ n din-a, siĩnbaa laanka nyaǹ kaa n din la.

Loen 145:5

Ma á die n kaãbaa ǹ siin kɛn boo diɛ, ka n gugurubaa kɛ nɛ, ka n tɛ-pɛ a siĩnbaa kɛ nɛ.

Loen 21:5

Á yiikoonaabaa nyankɔ n lon, ń bɛ kɔ la, ń nyin sasa kɔ la, bɛ ná a nyɛɛ wa.

Loen 45:3

N tá siĩni, ń la minbuiin nɛ tumaa nɛ, boo bǐɛ̃ n boe n lɛ-n. Á ke, Lawa barka da n ganaa yǎa duduu.

Loen 93:1

Dɛnaa Lawa lɛ n kii lɛa. Golebaa na a ganaa ka dɔnkɛ bɛ́ lɔn. Pàãyiidɛnaabaa Dɛnaa Lawa si ka mɔnaa siĩn bɛ́ lɔn. Bɛ lɛ nɛ, kanaa lɛ á doa-n kaka, a ná a ba n boe a bǎã-n wa.

Izayii 39:2

Ezekiasi nə́ n nyanyaa ka ǹ daa nɛ. A gɔn màn sonboren kɛn, a bɛ́ bɛn koɛ maa, sana nɛ, wɔrɔ nɛ, dù kɔɔ̃n kɔ ǹ mànan nɛ, nyɔɔ gìĩ kɔɔ̃nɔn kɛn nɛ, á ǹ kũ, á woo bɛ nyaa ǹ nɛ. A ziabaa ǹ mànan bɛ́ koa-n kionən mɛnɛn nɛ, á bɛn nyaa ǹ nɛ, ka a naforon tumaa nɛ. A màn kɔn duru ǹ la wa: A din a kion ne ka a gána gɔ́ɔ̃ tumaa nɛ.

Ezekieli 28:5

N sii-doɛ̃ gole lɛ taman yii, n pii-kɔ lɛ taman yii, n naforo lɛ mɔnaa. N naforo lɛ nɛ, ń nə́ n saa li, ń nə́ n din gole kɔ.

Danayeli sɛ́wɔ 4:30

A din bǎã-n gɔrɔ, sii lɛ nə́ n zɛnaa Nebukadenezɔɔrɔ nɛ: Ǹ nə́ loo ǹ nə́ bɔ minbuiinin bii, a na á goã buu soɛ̃ ka dii bɛ́ lɔn, pele na á goã a gɔ̀nɔn basɛ̃. A mìi ka pã á sɔsɔrɔ kɔ ka giogialatã-a nyàa ka nɛ, a gòon tɔ́nɔn nə́ n baa sosolo ka bàan gòon tɔ́nɔn bɛ́ lɔn.

Danayeli sɛ́wɔ 5:18

Kii, Lawa mɛn bɛ́ lon sɔsɔɔ, á goã á kiibaa kɔ ǹ di Nebukadenezɔɔrɔ la, golebaa nɛ, ka gugurubaa laanka zín ni.

Matiə 4:8

Sɛtaan nə́ wusoo á kũ doo á woo ne kele sasa goon mìi ni, á kanaa laanka a siĩnbaa din tumaa nyaa nɛ.

Matiə 6:13

Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa, sɛnɛ, wɔ kanbaa baraa ganaa. [A giala kiibaa nɛ, pàã nɛ ka gugurubaa nɛ, bɛn manə n din wɔ lɛa miɛ̃, yǎa duduu. A n miɛ̃.]

Rɔmu minin 9:23

Min kɔsɔn dɔn tan, Lawa n die makara boe bɛn ganaa. Bɛn laan mà maǹ yii kanaa dinin, bɛ̀ Lawa ná a yɔrɔ bɔ, mà ǹ tá re ǹ wɔ gii yii a din a gugurubaa kɛ nɛ. Lawa n die a din a gugurubaa kɛ a golebaa nyɛɛ wɔ dinin lɛn manɛ.

Efɛɛzi minin 1:18

A die a ka yiin bũ, a din bɛ́ ka bíi mìi mɛn ganaa, ka boo la ka bɛ yɛ. A bɛ́ bǐɛ̃ sonboren mɛnɛn dɔn koɛ ka nɛ, kun ka a zaman tumaa nɛ, a die a toa ka bɛn là dɔ̃.

Kolɔɔsi minin 1:27

Bɛa sii-durii kɛ lɛ a bǐɛ̃ a golebaa laanka a gugurubaa n doe tɔrɔ tumaa ganaa, Lawa na á ga li mà a bɛ lɛ nyaa a din a minin kɛn manɛ. Bɛa sii-durii lɛ n ka kɛ nɛ: Krita n ka gɔ́ɔ̃ nɛ, bɛ n foo-doa lɛa, mà ka á re kaa wɔ gii yii Lawa a gugurubaa kɛ nɛ.

Sii-nyaan 4:11

«Wɔa Dɛnaa Lawa, n kɔnbɔ min tumaa nə n tɔ bɔ, ǹ nə n tɔ gole kɔ, ǹ nə n pàãdɛnaabaa dɔ̃. A giala, n din nə n màn tumaa zɛnaa, n din foo sii na á toa ǹ tan, n din nə́ n yiikoonaabaa kɔ ǹ la.»