Ɛsit 1:19 - LAWA A BOO SONBORE 2011

¹⁹ Bɛ̀ kii lɛ din dùũ ni, a boo da, kii a boo lɛa, bɛa boo lɛ nə n kiɛ̃ Pɛrsi gána laanka Mɛdi gána a sii zɛnaa ǹ landan sɛ́wɔ nɛ, bɔlɔ bɔyaa ná a ba a-n wa. A kɔnpɛ ka bɛa boo lɛ nɛ, Vastii ba die kii yɔrɔ-a doo wa, kii lɛ tá re Vastii a kii a lɔbaa lɛ sii a kɔ lɔ kɔsɔ la, ǹ mɛn nə́ ke soɛ nɛ.

Ɛsit 1:19 ပူးပေါင်းရင်းမြစ်များ

Kiin1 3:28

Kii lɛ kiri mɛn kuru, Izirayeli kuturu bɛ boo ma. Ǹ nə́ kii lɛ yii guguru kɔ, a giala, ǹ nə́ dɔ̃ mà Lawa na á yiri kɔ Salomɔn la mà a sii yɔrɔ bɔ nɛ.

Ɛsit 1:18

A kũ a din pelo kɛ lɛ ganaa, Pɛrsi gána laanka Mɛdi gána a kii kiodɛnan lɔn mɛnɛn nə kii a lɔ a zɛnaa ǹ sii lɛ boo ma, ǹ tá re yui ǹ kii a kiodɛnan lɛn tumaa lɛn bobo. Man die ǹ zuũn lɛn puusə koe a la yii ni, bɛ lɛ dɔ n die ǹ zuũn lɛn foo yui taãn-taãnɛ.

Ɛsit 1:21

Sii lɛ kɔɔ̃n kɔ kii laanka kii kiodɛnan lɛn ganaa. Kii lɛ dɔ tɔ́n sii lɛ zɛnaa á kɔnpɛ ka Memukan a da ǹ boo ne.

Ɛsit 2:1

Bɛa siin lɛn kiɛ̃ kio, kii Zɛrzɛsi foo bɛ́ á basã, a yiri daa ka Vastii ni. Vastii sii mɛn zɛnaa, sii mɛn dɔ nə n yɔrɔ bɔ a wɔ paǹ li, Zɛrzɛsi yiri daa ka bɛ nɛ.

Ɛsit 3:9

Bɛ̀ kii lɛ dùũ ni, sɛ́wɔ nə n kiɛ̃, bɛa tɔrɔ kɛ lɛ a minin bɔ̀nbaa ǹ wɔ lɛa. Min mɛnɛn bɛ́ gɔn mànan soekɔn gána lɛ wɔ lɛa, masɛ á die wɔrɔ tɔnɔ biɛsɔɔ nimii ma kaa bɛn gɔn, ǹ kaa gána lɛ gɔn màn li.»

Ɛsit 8:5

A n toa: «Bɛ̀ kii lɛ dùũ ni, bɛ̀ masɛ a sii kaa a foo la, bɛ̀ sii lɛ kii lɛ foo si, bɛ̀ masɛ tá kɔɔ̃nɛ a ganaa, Hamedaata a nɛgiĩ Haman lɛ, Agaagi tɔrɔ lɛa, bɛ goã á sɛ́wɔn mɛnɛn yɔrɔ bɔ, á ǹ kiɛ̃ mà ǹ die ǹ kii lɛ a gána a bǎãn tumaa a Zuifun dɛ lenlen, mà ǹ wusoo ǹ sɛ́wɔ kiɛ̃, ǹ bɛa sɛ́wɔn lɛn boo sàabaa nɛ.

Ɛsit 8:8

Sisia, ka dɔn nə sɛ́wɔ kiɛ̃ ka dinin foo yii li, ka dia Zuifun lɛn la ka kii tɔ nɛ, ǹ kii a gòon ganaa ǹ kaaran lɛ bǎã da la. A giala, bɛ̀ sɛ́wɔ nə́ n kiɛ̃ ka kii tɔ nɛ, kii a gòon ganaa ǹ kaaran kɛ bǎã nə́ n da la, bɛa boo ba boe la a n bɔyaa doɛ̃ doo wa.»

Danayeli sɛ́wɔ 6:17

Kii lɛ tɔ́n zii kɔ mà ǹ Danayeli kũ, ǹ wo zũ yàran yala lɛ nɛ. Sɛnɛ, kii lɛ nə́ n lɛ bũ á pɛ Danayeli ni kɛnɛn: «N bɛ́ dí nyɛɛ n Lawa mɛn lɛ nɛ baraabaraa, bɛ lɛ á re boe a nɛ.»

Samayeli1 15:28

Samayeli pɛ nɛ: «Dɛnaa Lawa Izirayeli a kiibaa lɛ kũ á si n la pelo, á kɔ min kɔsɔ la, min mɛn nə́ ke soɛ n nɛ.