Ɛsit 1:10 - LAWA A BOO SONBORE 2011

¹⁰ A lɛawaa sɔbaabaa ǹ wɔ pinaa, kii lɛ bɛ́ á duvɛ̃ mi, a foo goã kɔɔ̃nɛ. A tɔ́n lɛ dia a kiodɛnaa sɔbaa kɛ la dí nyɛɛ a giulun: Mehuman nɛ, Bizitaa nɛ, Arbonaa nɛ, Bigitaa nɛ, Abagataa nɛ, ka Zetaara laanka Karkaasi ni, á pɛ ǹ nɛ:

Ɛsit 1:10 ပူးပေါင်းရင်းမြစ်များ

Siin Giala 43:34

Màn-bii mɛn bɛ́ Zozɛfu din giulun, á bɛ goa á kɔ ǹ la. Sɛnɛ, Bɛnzamɛn wɔ gii nə́ n timəə gialakunun kɛn wɔ la gunyin sooro. Bɛ kio, ǹ nə́ yɔ mi, ǹ nə́ n nyɛnyɛɛ kun.

Samayeli2 13:28

Abusalɔn pɛ a dí-nyalin manɛ: Ka n yiri koa Amnɔn li parsiini. Bɛ̀ yɔ da foo kɔɔ̃nbaa ganaa ǹ mɛn waáraa, ma á re pii ka nɛ: «Ka Amnɔn dɛ.» Ka baran nyɛ́ɛ baa wa, ka dɛ a gã, ma din tá golee ka a sii ni. Ka n gù we yii, ka n foo taã.

Ɛsit 1:9

Ǹ kɔn pinaa, kii a lɔ Vastii dɔ́ zɔ́n màn-bii gole zɛnaa lɔn wɔ lɛa, lɔn mɛnɛn bɛ́ kii a kion.

Ɛsit 3:15

Kii lɛ bɛ́ á boo da, dia dí-a wolen lɛn nə́ woo belenbelen, ǹ nə́ boo lɛ a lɛ dia Suuzu kiwi gole lɛ nɛ. Suuzu kiwi minin tumaa yiri lɔlɔkɔnmaa nɛ, a da yaa Kii lɛ laanka Haman giã tán ǹ nə́ duvɛ̃ mii.

Ɛsit 7:9

Harbonaa mɛn nə́ ke kii a sumu dí-nyali goon lɛa, bɛ́ pɛ kii lɛ yɔrɔ-a: «Mardoose kɛ lɛ á boo da á kii lɛ nyin si ni, Haman goã á gɔn mɛn yɔrɔ bɔ bɛ wɔ lɛa, á ke, bɛa gɔn kɛ lɛ din tá Haman a piɛ, a wo lon nə́ dɔ mɛtərə fuəwensooro.» Kii lɛ nə́ n toa maǹ Haman bɔlɔ yu bɛa gɔn lɛ ganaa lon.

Suusun 20:1

Duvɛ̃ nə min diɛ ǹ miãn yii puusə kɔ ganaa. Yɔ kaka n min diɛ sɛ̀ pɛ ganaa. Min mɛn bɛ́ mii á la a yii ni, bɛa sii-dɔ̃li biɛ wa.

Suusun 31:4

Duvɛ̃ ba siĩn kii wɔ lɛa wa. Yɔ kaka a siĩn kiãn wɔ lɛa wa.

Boo-laakalaali 10:19

Maǹ màn bii zɛnɛɛ màn mɛn bɛ́ toɛ, ǹ nə n nyɛnyɛɛ. Duvɛ̃ nə foo kɔɔ̃n koe. Paa n sii tumaa bǐɛ̃ koe.

Sii yɔrɔ-bɔlen 16:25

Ǹ foo bɛ́ kɔɔ̃nɛ, ǹ nə́ pɛ: «Ka lɛ dia Sansɔn la, a da yaa da wɔ ganaa.» Ǹ nə́ min dia, á woo Sansɔn bɔ kòso kion lɛ nɛ. Sansɔn yaa da ǹ sii zɛnaa ǹ yɔrɔ-a. Bɛ kio, ǹ nə́ Sansɔn kũ, ǹ nə́ da kion lɛ a bìbìn bii.

Sii yɔrɔ-bɔlen 19:6

Ǹ dinin min paa giã tán, ǹ nə́ màn bii, ǹ nə́ màn mi. Lɔ lɛ a díi tɔ́n pɛ giĩ lɛ nɛ: «Masɛ nə n nyankoe, lɛ kɔ n waa kànaa pelo, ń giɛ ma dɔ foo á kɔɔ̃n koe.»

Uruti 3:7

Boazi màn bii, á màn mi, a foo goã kɔɔ̃nɛ. Bɛ kio, á woo waa tán, a ɔrzi toa lɛ li. Uruti daa sɛlɛlɛ nɛ, á pìi bɔ a gòãn lɛ, á n zɔ̃ á waa tán.