Ɛsit 1:1 - LAWA A BOO SONBORE 2011

¹ Kii Zɛrzɛsi bɛ́ á goã pàã la ǹ mɛn waáraa, a na á goã gána paabiɛ ka fuəwensɔbaa (127) mìi la. A n kuĩ Ɛndi gána ganaa a wo yǎa Etiopii gána nɛ.

Ɛsit 1:1 ပူးပေါင်းရင်းမြစ်များ

Ɛsidrasi 4:6

Zɛrzɛsi a kiibaa waáraa, a kiibaa lɛ a giala kɔ li, minin mɛnɛn bɛ́ giã-n Zudaa laanka Zeruzalɛmu ni, zɔ́ɔn lɛn nə́ sɛ́wɔ kiɛ̃ ǹ nə́ zɛ̀rɛ koa ǹ ganaa.

Ɛsit 10:1

Kii Zɛrzɛsi lɛ nyin giɔ̀mɔ saraa da gána lɛ mìi ni, ka gána sɔsɔɔn kɛn nɛ.

Ɛsit 2:3

Kii lɛ minin bɔ á ǹ koa a gána lɛ a bǎãn tumaa nɛ. Nɛniɛ tenən mɛnɛn bɛ́ ǹ tɔn giĩ dɔ̃ wa, ǹ nə́ siĩni a tɔ-a bɛa minin kɛn lɛn die ǹ nə ǹ tumaa sɔkɔn lɔn kion, Suuzu kiwi gole kɛ nɛ. Egee mɛn bɛ́ kii a kiodɛnaa lɛa, lɔn lɛduĩ, ǹ bɛa nɛlɔn lɛn sii wɔ bɛ gɔn. Lɔ ǹ nyɔɔn mɛnɛn bɛ́ min siĩn koe, ǹ die ǹ bɛn kɔ nɛniɛ tenən lɛn la.

Ɛsit 8:9

Ǹ nə́ lɛ dia kii a sɛ́wɔ-kiɛ̃lin la a din bǎã nɛ. *Sivan mui ke lɛ̀ a mui sɔɔbaa ǹ wɔ lɛa, bɛa lɛawaa fuəwensɔɔbaa ǹ wɔ nɛ, ǹ nə́ sɛ́wɔ lɛ kiɛ̃, á kɔnpɛ ka Mardoose a da ǹ boon ne. Ǹ nə́ dia Zuifun lɛn la, ka pàãdɛnan nɛ, ka kiwin sii yɔrɔ-bɔlen ne. Ǹ nə́ dia kii a kiodɛnan kɛn la gána lɛ a bǎãn mìi la, bǎã paabiɛ ka fuəwensɔbaa, a saa Ɛndi gána ganaa a wo Etiopii gána yaa. Bǎã gogoonmaa a sɛ́wɔ na á n kiɛ̃, ka a sɛ́wɔ kiɛ̃ ǹ gɔn nɛ, tɔrɔ gogoonmaa a sɛ́wɔ na á n kiɛ̃ a bɔlɔ nɛ. Zuifun dɔn wɔ naá n kiɛ̃ ǹ bɔlɔ nɛ, ka ǹ sɛ́wɔ kiɛ̃ ǹ gɔn nɛ.

Ɛsit 9:30

Zuifun mɛnɛn tumaa bɛ́ kii Zɛrzɛsi a gána lɛ a bǎã paabiɛ ka fuəwensɔbaa lɛ nɛ, ǹ nə́ sɛ́wɔn kiɛ̃, ǹ nə́ ǹ dia ǹ la. Là nyantoro boo laanka bɔlɔgoondɛnaabaa boo na á goã bɛa sɛ́wɔn lɛn nɛ.

Izayii 18:1

Ebe, gána goon tan Etiopii tàn kio nyàa kan wuu n boe a nɛ.

Izayii 37:9

Ǹ nə́ daa pɛ Asiiriin kii lɛ nɛ mà Etiopiin kii Tirakaa zii saa a n die a gialaa. A bɛ́ á bɛa boo lɛ ma, á dia dí-a wolen dia Ezekiasi la.

Danayeli sɛ́wɔ 11:2

Sisia kəni, man die taãn pii n ni: «Á ke, kii sɔɔ n die koɛ kɔn la Pɛrsi gána-n doo. A siibaa ǹ wɔ á re yui bɛn kio, pàãma lɛa, màn gigiã ná a lon á la gialakunun kɛn tumaa wɔ nɛ. A pàãmabaa lɛ taman yii, bɛ̀ á pàã yɛ ǹ mɛn waáraa, á re min tumaa sɔmɛ á ǹ kaa Grɛki minin pàã kɛ ganaa.

Danayeli sɛ́wɔ 6:1

Dariyusu mɛn bɛ́ Mɛdi gána min lɛa, bɛ́ tɔ́n giã a bǎã-n kii lɛa, bɛ̀ a lɛ̀ pɔsɔrɔwenpaa nɛ.

Danayeli sɛ́wɔ 9:1

Zɛrzɛsi mɛn bɛ́ Mɛdi tɔrɔ lɛa, ǹ nə́ bɛa nɛgiĩ Dariyusu koa kii lɛa, *Baabilonii gána mìi la.