Efɛɛzi minin 6:9 - LAWA A BOO SONBORE 2011

⁹ Kasɛn dɔn mìinaan lɛn, ka zɛnaa miɛ̃ kaa bɛ̀rɛn lɛn wɔ paǹ li. Ka kakaarɛbaa toa walan, ka dɔ̃ mà ka dinin ni, ka kaa bɛ̀rɛn nɛ, mà ka n lon a Goledɛnaa goon toto kɛ wɔn lɛa, asɛ mɛn bɛ́ a bɔkɔnlɛ we wa.

LAWA A BOO SONBORE

⁹ Kasɛn dɔn mìinaan lɛn, ka zɛnaa miɛ̃ kaa bɛ̀rɛn lɛn wɔ paǹ li. Ka kakaarɛbaa toa walan, ka dɔ̃ mà ka dinin ni, ka kaa bɛ̀rɛn nɛ, mà ka n lon a Goledɛnaa goon toto kɛ wɔn lɛa, asɛ mɛn bɛ́ a bɔkɔnlɛ we wa.

Efɛɛzi minin 6:9 ပူးပေါင်းရင်းမြစ်များ

Nehemii 5:5

A da yaa, wɔ dɔɔ̃nɔn lɛn gɔ̀nɔn siĩ bɛ́ lɔn, wɔsɛn dɔn wɔ lɛ n miɛ̃, wɔa nɛgiĩn laanka n nɛgiĩn man goon, sɛnɛ á ke wɔsɛn doamaa nɛ wɔa nɛgiĩn laanka ǹ nɛlɔn kaa bɛ̀rɛbaa nɛ. Wɔa nɛlɔn lɛn gigiã din tá a lɛa gɔrɔ. Wɔa boe sii kɔn la wɔ á zɛnɛɛ wa, wɔa wurun laanka wɔa rezɛ̃ dan man min kɔsɔn gɔn.»

Zɔbu 34:19

Lawa dinsɔɔ̃ na a bɔnbii-a we wa. A pàãma soɛ koe doobaa-n wa, a giala, a din gɔn na á ǹ tumaa zɛnaa.

Loen 140:12

Lɛwɔn babaraadɛnan kɛn doamaa bie ǹ giã gána lɛ-n wa. Min baraa mɛn bɛ́ kakaarɛbaa ǹ sii zɛnɛɛ, ka loo ka bɔ gána lɛ nɛ, ka nyan makara bɔ a-a wa.

Boo-laakalaali 5:8

Tán a là nə ǹ dinin tumaa ganaa. Tán dí n kii pàã lɛa.

Izayii 47:6

Ma foo goã á yoo maa zaman li. Màn mɛn bɛ́ maa wɔ lɛa, má n la bɔ bɛ ganaa, má ǹ wɔ n gɔn. N makara bɔ ǹ ganaa boɛɛn dinin wa. Ń nə́ n pàã a gugurubaa da ǹ min zizin kɔrɔn, ka zǔu bɛ́ lɔn.

Danayeli sɛ́wɔ 3:15

Haya! Ka tá re bɛn wuu lɛ miɛ doo, pìi ni, tùtun ni, kɔnkoɛ̃ɛn nɛ, ka bɛ̀ dɛ ǹ mànan tɔrɔ tumaa wuu ni. Bɛ̀ ka bɛa mànan kɛn lɛn wuu ma, ma màn nyín mɛn lɛ zɛnaa, ka á re lɛ koe ka kaa tán ka na a guguru kɔ? Bɛ̀ ka n piã mà ka ba a guguru koe wa-ǹ tá re ka kuĩ a din bǎã-n gɔrɔ, ǹ ka zũ nyankɔrɔ tɛ girigiri kɛ bii. Lawa mɛn nə die boe la a ka si masɛ gɔn?»

Danayeli sɛ́wɔ 3:6

Bɛ̀ min woo min nə́ n piã mà a ba kiɛ tán a na a guguru kɔ wa, ǹ die ǹ bɛa dɛnaa kũ a din bǎã nɛ, ǹ zũ nyankɔrɔ tɛ girigiri kɛ bii.»

Lawa a wúlu-bɔlen 19:13

Min baran mɛnaa ǹ miã la wa, min dɔ baran ǹ miã koã wa. Min kɔn nyan toa dí-nyali a saraa lɛ̀ waa a gɔn wa.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Matiə 22:10

Bɛa dí-nyalin lɛn nə́ woo golee ziin la, ǹ min mɛn tumaa yɛ, a baraan nɛ ka a bǐɛ̃n nɛ, ǹ nə́ ǹ tumaa kaa kun ǹ nə woo ǹ ne, yǎa kɔn wɔ ǹ kion lɛ pã ka minbuiin ni.

Matiə 22:8

Bɛ kio, á tɔ́n pɛ a dí-nyalin lɛn manɛ: «Kɔn wɔ ǹ màn-bii lɛ yɔrɔ nə́ n bɔ á nya. Sɛnɛ, ka wo min mɛnɛn bíi a ganaa, bɛn doamaa bie wa.

Matiə 24:48

Sɛnɛ, bɛ̀ dí-nyali baraa mɛn nɛ, a n pii a din gɔ́ɔ̃ nɛ, maa dɛnaagiĩ a die wusii sisia wa,

Matiə 24:51

Á die dɔlɔ babaraa boe dí-nyali lɛ ganaa, ka gɔ́ɔ̃ tì-an dɔlɔ kɛ tɔrɔ bɛ́ lɔn. Á re wuu pii bɛa bǎã lɛ nɛ, a sɔ kere bɔ.

Matiə 7:12

Ka bɛ́ zoɛ̃ mà ka miãn nə màn mɛn zɛnaa ka nɛ, ka dɔn nə bɛ lɛ miã zɛnaa ǹ dɔn nɛ. Muizu a landa laanka Lawa a boo gii-dalin sɛ́wɔn man pii, yǎa a n zɛnɛɛ miɛ̃.

Luku 6:31

Ka bɛ́ zoɛ̃ mà minin nə sii zɛnaa ka-n lɔn, ka dɔn nə zɛnaa ǹ nɛ miɛ̃.

Zaã a sɛ́wɔ 13:13

Ka ǹ ma bíi Mìinaa, Dɛnaa, ka sonbore pɛ, a giala, man bɛ lɛ lɛa.

Nya ǹ dín 10:34

Piɛrɛ tɔ́n nə́ n lɛ bũ á pɛ: «Má dɔ̃ sonbore, máa Lawa a bɔkɔnlɛ we wa.

Rɔmu minin 2:11

Lawa a bɔkɔnlɛ we wa.

Korɛnti1 1:2

Kasɛn lɛn man Lawa a sɔmɔ lɛa Korɛnti kiwi. Lawa na á ka bɔ, á ka kaa ka gɔrɔn Yezu Krita pàã ganaa, mà ka goã a din a minin lɛa. Wɔ n sɛ́wɔ kɛ diɛ ka laanka Lawa-nyankɔlen tumaa la, ǹ mɛnɛn bɛ́ bǎã tumaa nɛ ǹ nə́ Yezu Krita bíi Dɛnaa, ka wɔsɛn bɛ́ lɔn.

Korɛnti1 7:22

A giala, Dɛnaa min mɛn bíi bɛ̀rɛbaa gɔ́ɔ̃ nɛ, bɛ n Dɛnaa a tá ma din gɔn wìi a lɛa wole lɛa. A din goon ne, Dɛnaa min mɛn bíi tá ma din gɔn wìi a lɛa wolebaa gɔ́ɔ̃ nɛ, bɛ n goɛ̃ *Krita a bɛ̀rɛ lɛa.

Timəə dí-pɛn 10:17

Taãn nɛ, kaa Lawa, Dɛnaa Lawa lɛ n lawan Lawa lɛa, dɛnaan Dɛnaa lɛa, Lawa gole ne, pàã ná a lon, a sii n nyɛ́ɛ diɛ. A bɔn bii-a we wa, a lɛ pii ǹ màn sii min la wa.

Kolɔɔsi minin 3:25

Lawa a bɔkɔnlɛ we wa, bɛ̀ min dí kɔkɔrɔ nya, bɛa dɛnaa n die a dí kɔkɔrɔ nya ǹ saraa yii.

Kolɔɔsi minin 4:1

Goledɛnan lɛn, ka kaa bɛ̀rɛn kũ doɛ̃, ka peperebaa sii zɛnaa ǹ nɛ. Ka doamaa-n ka dɔ̃, mà ka dɔn goledɛnaa tan lon.

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.

Zaaki 2:8

Sonbore, kii Lawa dí-pɛ mɛn kɔ, bɛ̀ ka á bɛ tamaɛ á kɔnpii ka a boo ne, sii sonbore n ka bɛ nɛ ka á zɛnɛɛ. «N nə n miã kɔsɔ narɛ ka n bɛ́ n din narɛ lɔn.»

Zaaki 5:4

A da yaa, ka dí-nyalin mɛnɛn goa ka ǹ kaa kaa wuru dí ganaa, bɛn saraa ǹ giɔ̀mɔ á ka bɔlɔ-a. Bɛ lɛ nɛ ǹ tá n lɛ dii ka ganaa. Kaa *belee-kurulin lɛn lɛ-dɛ kaa Dɛnaa Lawa Pàãyiidɛnaa too ne.

Samayeli1 15:17

Yǎa Samayeli tɔn nə n toa: – A laanɛ n mìi goã kiɛɛrɛ n din yii li, n bie ke Izirayeli tɔrɔn lɛn mìi la wa? Dɛnaa Lawa na á n bɔ á n koa Izirayeli a kii lɛa.