Efɛɛzi minin 6:4 - LAWA A BOO SONBORE 2011

⁴ Kasɛn díin lɛn, ka baran kaa nɛnyaanan kũ baraa wa, ǹ yaa kiɛ̃ n gòãn dii wa. Sɛnɛ, ka n doroo a kɔnpɛ ka daraa kɛ nɛ boe Dɛnaa li.

LAWA A BOO SONBORE

⁴ Kasɛn díin lɛn, ka baran kaa nɛnyaanan kũ baraa wa, ǹ yaa kiɛ̃ n gòãn dii wa. Sɛnɛ, ka n doroo a kɔnpɛ ka daraa kɛ nɛ boe Dɛnaa li.

Efɛɛzi minin 6:4 ပူးပေါင်းရင်းမြစ်များ

Siin Giala 18:19

Man má Abrahamu bɔ, máa a maa dí pɛ a nɛnyaanan laanka a kion minin ni a kio, a pɛ a laa ǹ ganaa, mà ǹ kɔ Dɛnaa a zii lɛ ka peperebaa nɛ, ka sonborebaa nɛ. Bɛ̀ á n baa miɛ̃, Dɛnaa nə n lɛ kɔ Abrahamu la ka sii mɛn nɛ, á re bɛ zɛnɛɛ nɛ.»

KZS1 28:20

Bɛ kio, á wusoo á pɛ Salomɔn nɛ doo: «Maa nɛgiĩ, toa n goã kaka n foo n tã. Yoo n dí lɛ kũ nyɛ́ɛ ná a ba n ganaa wa, n foo nyan ziziɛ̃ wa. Dɛnaa Lawa, maa Lawa á re goɛ̃ kunun n ni, a re n toɛ walan wa, a re n tii wa, yǎa Lawa a kion a dí ke, ń ná a lɛ kũ Dɛnaa Lawa wɔ lɛa, yǎa bɛ nyɛɛ.

KZS1 29:19

Foo mɛn bɛ́ re n guguru koe biikoo yii li, a kɔ n dí-pɛn kɛn lɛ, n daraan kɛn nɛ ka n landa boon kɛn nɛ, a n lɛ si, n bɛ kɔ maa nɛgiĩ Salomɔn la, màn mɛn bɛ́ toɛ a boo la a Lawa a kion kɛ dɔ, ma ǹ mɛn lɛ a mànan yɔrɔ bɔ.»

Suusun 19:18

N nɛnyaan doroo a kɔnpɛ ka a doroo biikoo ne. Sɛnɛ n foo yoo gɔ́ɔ̃ nɛ, n nyan nə ǹ dɛ n nə ǹ koa gɛ̀ li wa.

Suusun 22:15

Gaãnaabaa ǹ sii zɛnaa n kɔɔ̃n nɛ tenən ganaa. Sɛnɛ, ǹ doroo ǹ bàlà n die toɛ ǹ nə n wɔlɔ lui a ganaa.

Suusun 22:6

Sɔ̀n sonbore wɔ nɛnyaan nɛ a yoo tán waáraa. Ta á zizi kɔ, a ba n niɛ̃ a ganaa wa.

Suusun 29:15

Mandɛ ka sɛ̀-pɛma-a n yiri koe min la. Sɛnɛ nɛnyaan mɛn bɛ́ ǹ ba n gɔn diɛ a ganaa wa, a n sìi diɛ ǹ dan ganaa.

Suusun 29:17

Dɔlɔ bɔ n nɛ ganaa sɔnbɔraanɛ, n tá re goɛ̃ yii-nyɛɛ la. Ka bɛ nɛ, á re n foo kɔɔ̃n koe.

Izayii 38:19

Yiikoonaan, hiĩ yiikoonaan dininsɔɔ̃nɔn manə n tɔ boe, ka masɛ á ke lɔn pelo. Díin tá re n bɔlɔgoodɛnaabaa nyɛɛ ǹ nɛnyaanan manɛ.

Efɛɛzi minin 6:3

ń giɛ n tá nyin sasa yii, n yii-nyɛɛ dɔ yɛ tán la.»

Timəə dí-pɛn 4:9

Sɛnɛ, ka n dinin kũ. Ka siin mɛnɛn yɛ ka yii ni, ka n yiri koa bɛn li taãn-taãnɛ, a ka yii toa koo, ka nyan toa ka yiri bɔ ǹ nɛ wa. Ka die ka kaa nɛnyaanan laanka kaa nɔ̀ɔnɔn daraa ǹ ganaa.

Timəə dí-pɛn 6:7

Ka die ka a boo da kaa nɛnyaanan manɛ ka ǹ daraa a ganaa. Ta n nə giã-n tán, ta n nə n zii tɔ we, n waa tán waáraa nɛ, n yoo waáraa nɛ, n die n bɛ lɛ pɛ.

Kolɔɔsi minin 3:21

Díin lɛn, ka baran kaa nɛnyaanan lɛn foo busu wa, màn mɛn bɛ́ toɛ, ǹ foo baran ziziɛ̃ wa.

Timote2 1:5

Goleemali sonbore mɛn bɛ́ n lon, ma yiri a boe-n wa, bɛ miã goleemali lɛ na á goã n náa gole Luizi laanka n dan Inisi lon lɛlɛ. Má waa la máa bɛa goleemali kɛ lɛ miã tá n dɔ lon.

Timote2 3:15

Haalɛ, n nɛnyaanbaa waáraa, n tá Lawa a sɛ́wɔ boo sonboren kɛn doɛ̃. Ǹ tá boe la ǹ yiri kɔ n la, n golee Yezu Krita li, màn mɛn bɛ́ toɛ, n kirisibaa yɛ.

Zozoe 24:15

Sɛnɛ, bɛ̀ dí nya Dɛnaa Lawa nɛ lɛ a siĩni ka yii li wa, ka dinin bɛ́ li ka dí nya min mɛn nɛ, ka bɛ bɔ pelo. Ka digolon nə lawa kɔsɔn mɛnɛn guguru kɔ bɛ̀ ǹ bɛ́ tɔn giã-n Efrati tà kio, hinlaa ǹ bɛ́ giã-n Amɔɔrɔ tɔrɔn mɛnɛn gána nɛ, bɛn dìn kɛn. Masɛ laanka maa kion minin ni sɛn, wɔsɛn man die dí nyɛɛ Dɛnaa Lawa nɛ.»

Sii yɔrɔ-bɔlen 13:12

Manoa wusoo á nɔ̀n da la: «Sisia, bɛ̀ n da ǹ boon lɛn lɛ pã, wɔsɛn doamaa nɛ wɔ giã ǹ gɔn mɛn saa nɛginin lɛ wɔ paǹ li, wɔ doamaa nɛ, wɔ sii mɛn zɛnaa a wɔ paǹ li?»