Efɛɛzi minin 6:20 - LAWA A BOO SONBORE 2011

²⁰ Man Boo Tii Kɔɔ̃n kɛ lɛ a sii yɔrɔ-bɔle lɛa, a laanɛ ma á kòso-n sisia. Ka Lawa nyankɔ mà ma boo la, ma a boo da ka foo tãbaa nɛ, ka ma bɛ́ kɔnboe ma zɛnaa lɔn.

LAWA A BOO SONBORE

²⁰ Man Boo Tii Kɔɔ̃n kɛ lɛ a sii yɔrɔ-bɔle lɛa, a laanɛ ma á kòso-n sisia. Ka Lawa nyankɔ mà ma boo la, ma a boo da ka foo tãbaa nɛ, ka ma bɛ́ kɔnboe ma zɛnaa lɔn.

Efɛɛzi minin 6:20 ပူးပေါင်းရင်းမြစ်များ

Korɛnti2 5:20

Man boo kɛ diɛ ka nɛ Krita bǎã nɛ, ka n pɛ mà Lawa dinmaa lɛ lɛ n boe ka bíi ka masɛ lɛ nɛ: Man ka gòã kuĩ ka Krita tɔ nɛ, ka lɛ kɔ ka n dinin kaa kun ka Lawa nɛ.

Kolɔɔsi minin 4:4

Ka Lawa nyankɔ, ma boo la ma sii-durii kɛ lɛ boo da ma toɛ̃, ka ma doamaa bɛ́-n ma zɛnaa lɔn.

Timote2 2:9

Bɛa Boo Tii Kɔɔ̃n kɛ lɛ a lɛa nɛ, ma á nɔmiɛ, minin nə́ fɔlɔ biɛn kiɛ ma ganaa, ka man má sii la. Sɛnɛ, ǹ bɛ́ ǹ nə́ masɛ yii lɔn, Lawa a boo bɛ́ a yii-n miɛ̃ wa!

Filipi minin 1:7

A n siĩni ma taasiɛ wɔ miɛ̃ ka tumaa wɔ paǹ li, a giala, ka sii á kɔɔ̃n ma ganaa. Lawa bǐɛ̃ zɛnaa ma nɛ á dí mɛn kɔ ma la, ka tumaa nə́ n gii wɔ a nɛ. Ma bɛ́ kòso-n, ká n dɔ ma lɛ. Ma bɛ́ re golee ma yɔ mɛn bɔ Boo Tii Kɔɔ̃n kɛ a lɛa, ka nə n gii we bɛ dɔ nɛ.

Nya ǹ dín 26:29

Pooli pɛ: «Ta gɔrɔ nɛ, ta a kio ne, Lawa die a zɛnaa, n din laanka maa pelo a too kɔmalon wolen kɛn lɛn tumaa nə n baa ka ma bɛ́ lɔn, a n bɔ fɔlɔ biɛn kɛn nɛ ma ganaa.»

Zaã1 3:16

Kɔn-narɛɛ bɛ́ màn mɛn lɛa, wɔ ǹ doɛ̃ kɛ lɛ li: Krita na á n din nyin kɔ wɔa lɛa. Wɔ dɔn doamaa nɛ wɔ n nyin kɔ wɔ dɔɔ̃nɔn lɛa.

Timote2 1:16

Dɛnaa die a na a makara-doɛ̃ nyaa Onezifɔɔrɔ a kion minin manɛ, a giala, á goã bɛ̀ a da bɔ ma li, a ma foo taã. Maa da-kòso-n kɛ sìi da a ganaa wa.

Tesaloniki1 2:2

Ǹ nə́ fuu nyaa wɔ nɛ Filipi kiwi bɔrɔ, ǹ nə́ sɔ kakaa wɔ la, ka á bɛ doɛ̃. Sɛnɛ bɛ lɛ kio, wɔa Lawa wusoo á foo tãbaa kɔ wɔ la, mà yǎa wɔ a Boo Tii Kɔɔ̃n kɛ pii ka nɛ, haalɛ ta wɔa zɔ́ɔn ba nɛn wa.

Filipi minin 1:20

Sonbore, masɛ gɔ́ɔ̃ nɛ, ma yiri na a ganaa, máa ma nyan sii kɔ́n zɛnaa a n sìi diɛ ma din ganaa ka duduu wa. Man giɛ li, máa ma goã piɛ̃-n ka foo tãbaa-n baraanɛ, sanparɛ sisia kɛ nɛ, ta man liɛ, ta man giɛ̃, Krita a gugurubaa yɛ maa minbuiinbaa tumu gɔ́ɔ̃ nɛ.

Efɛɛzi minin 6:19

Ka Lawa nyankɔ masɛ dɔ a lɛa, bɛ̀ ma á boo diɛ, Lawa boo peperen wɔ ma lɛ-n, man bɔlɔ pɛ ka foo tãbaa nɛ, minin nə boo la, ǹ Boo Tii Kɔɔ̃n a sii-durii kɛ dɔ̃.

Efɛɛzi minin 4:1

Masɛ n kòso nɛ lɛa, maa Dɛnaa Yezu a dí-nyalibaa a lɛa. Man ka nyankoe, máa ka giã doɛ̃, a kɔnpɛ ka Lawa á ka bíi ǹ mìi kɛ nɛ.

Efɛɛzi minin 3:1

Bɛ lɛ taman yii, masɛ Pooli n Lawa nyankoe ka a lɛa. Masɛ n kòso-n Yezu *Krita taman yii, maa dí nya kasɛn tɔrɔ kɔsɔn nɛ kɛ a lɛa.

Nya ǹ dín 28:31

A na á goã Lawa a kiibaa ǹ dí kɛ a nyɛɛ boo diɛ, a n minin darɛɛ wɔa Dɛnaa Yezu *Krita a boo ganaa. A na á goã bɛa sii lɛ zɛnɛɛ a din gɔn wìi a lɛa, min ná a ba kurii a ganaa wa.

Nya ǹ dín 28:20

Bɛ lɛ a lɛa nɛ má lɛ dia ka la, ma tá a yɔrɔ pii ka nɛ, a giala, Izirayeli minin foo bɛ́ doa-n sii mɛn ganaa, fɔlɔ biɛn man masɛ ganaa bɛ lɛ a lɛa.»

Nya ǹ dín 5:29

Sɛnɛ, Piɛrɛ laanka dia dí-a wole gialakunun lɛn nə́ ǹ lɛ si: «Wɔsɛn doamaa nɛ, wɔ Lawa bɔlɔ si a la minbuiinin wɔ nɛ.

Suusun 13:17

Dia dí-a wole baraa n die ka koe ne. Sɛnɛ, dia dí-a wole bɔlɔgoondɛnaa n die ka yii-nyɛɛ nɛ.

Zude 1:3

Maa giaára sonboren lɛn, kirisibaa mɛn bɛ́ wɔ tumaa wɔ lɛa kun, man má goã giɛ li parsiini, ma sɛ́wɔ kiɛ̃ ma dia ka la bɛ wɔ gɔn la. Sɛnɛ, má yɛ máa a na á pàã baa ma ganaa sisia, ma sɛ́wɔ lɛ kiɛ̃, màn mɛn bɛ́ toɛ, ma ka foo taã ka n doa, ka yɔ bɔ golee Lawa li gɔ́ɔ̃ nɛ, golee Lawa li mɛn bɛ́ Lawa din kɔ wɔ la gunyin goon dinsɔɔ̃, kɔsɔ ná a ba kio wa, wɔsɛn mɛnɛn tumaa bɛ́ a din wɔn lɛa.

Filemɔn 1:10

ma nə n nyankoe Onezimu wɔ gɔn la. Onezimu mɛn bɛ́, ma bɛ́ kòso-n kànaa, má Lawa a boo pɛ nɛ, á si á golee Lawa li, á n ka maa nɛ bɛ́ lɔn sisia.

Nya ǹ dín 21:33

Sɔraasin goledɛnaa lɛ tɔ́n nə n mɔrɔ Pooli ganaa á kũ, á pɛ mà ǹ fɔlɔ biɛ màn paa kaa a ganaa. Bɛ kio á tɔ́n nɔ̀n da la kɛnɛn: «Die n ka nsɛ nɛ, ma nə n wàa sii la?»

Izayii 58:1

Dɛnaa Lawa pɛ: Paraa ka lɛn gole ne, n nyan nə n lɛ tã wa. Toa n lɛn nə bɔ ka bɛn wɔ bɛ́ lɔn! Maa zaman lɛ a sii baraan pɛ ǹ nɛ, n Zakɔba tɔrɔn siɛ̃n pɛ ǹ nɛ.

Zeremii 1:17

Nsɛ Zeremii, n yɔrɔ bɔ kəni. Yoo! Ma bɛ́ re boo mɛn tumaa diɛ n nɛ, n wo ǹ pɛ. N nyan toa nyɛ́ɛ nə n gɔ̀nɔn bìn da ǹ yɔrɔ-a wa. Bɛ bie wa, masɛ din nə die n gɔ̀nɔn diɛ bìn diɛ ganaa ǹ yɔrɔ-a.

Izayii 33:7

Zeruzalɛmu minin nə́ ke n lɛ dii ziin la. Là nyantoro boo-dalin man wusii die ka wuu-n kɔsɛkɔsɛ.

Zeremii 40:1

Zeremii na á goã yii-n ka zɔrɔka nɛ Zeruzalɛmu laanka Zudaa a kòso nɛn lɛn bii, ǹ doamaa bɛ nɛ ǹ nə ǹ mɛnɛn lɛn goa ǹ wo ǹ ne *Baabilonii. Sɛnɛ, bǎã-lɛduə̃lin goledɛnaa Nebuzaradan bɔ ǹ miã kòso nɛn bii á toa á woo Ramaa. Bɛ kio, Dɛnaa Lawa boo da ka Zeremii ni.

Korɛnti2 3:12

Bɛa foo-doa kɛ lɛ miã bɛ́ ma lon, bɛ lɛ n ke ma á waa-n ma din la.

Kolɔɔsi minin 4:3

Ka n toa bɛ lɛ gɔ́ɔ̃ nɛ ka Lawa-nyankɔ wɔsɛn dɔn manɛ, màn mɛn bɛ́ toɛ, Lawa zii kɔ wɔ la, wɔ *Krita a boo kɛ da, ma bɛ́ kòso-n kanna boo mɛn a lɛa.

Filemɔn 1:9

Sɛnɛ, ma a re zɛnɛɛ miɛ̃ wa, màn mɛn bɛ́ soɛ, man die n nyankoe ka sii goon ne, wɔ bii gɔ́ɔ̃ ǹ kɔn-narɛɛ kɛ a lɛa. Masɛ Pooli nə n nyankoe, masɛ mɛn bɛ́ giĩ gole lɛa, ka bɛ dɔ nɛ, man kòso-n sisia Yezu Krita a lɛa,