Efɛɛzi minin 6:1 - LAWA A BOO SONBORE 2011

¹ Nɛnyaanan lɛn, ka kaa yɛ wolen lɛ si Dɛnaa yɔrɔ-a, a giala, mà bɛ n pepere.

LAWA A BOO SONBORE

¹ Nɛnyaanan lɛn, ka kaa yɛ wolen lɛ si Dɛnaa yɔrɔ-a, a giala, mà bɛ n pepere.

Efɛɛzi minin 6:1 ပူးပေါင်းရင်းမြစ်များ

Siin Giala 28:7

Á ma dɔn, doo, mà Zakɔba nə́ ǹ di laanka ǹ dan bɔlɔ si miɛ̃, á woo Mezopotamii gána nɛ.

Siin Giala 37:13

Ǹ kɔn pinaa, Zakɔba lɛ dia Zozɛfu la. Zozɛfu ná a lɛ si mà asɛ á ke. Ǹ di lɛ tɔ́n pɛ nɛ: «Ń golon lɛn tá tɔɔn li Sisɛmu.

Siin Giala 48:12

Zozɛfu nə́ ǹ kũ, á ǹ bɔ ǹ di lɛ gòã la, a din kaa tán a giulun.

Siin Giala 50:12

Zakɔba màn mɛn pɛ a nɛnyaanan lɛn nɛ, a din wɔ paǹ li, ǹ nə́ zɛnaa miɛ̃.

Nehemii 9:13

Ń gisĩ Sinayii kele kɛ la, ń nə́ n toa lon ń boo da ǹ nɛ. Ń sii yɔrɔ bɔ ǹ boo peperen kɔ ǹ la, ka dí-pɛn boo taãnan nɛ, ka landa boon laanka gɔn waa ǹ boo sonboren ne.

Ɛsit 2:20

Ka Mardoose lɛ goã á n gɔn waa-n lɔn, Ɛsitɛɛrɛ nə n tɔrɔ basa pɛ wa, a n tɔrɔ dɔ pɛ wa. Ɛsitɛɛrɛ kɔ Mardoose a boo lɛ lɛ, ka a tá a gɔn biikoo kɛ bɛ́ lɔn.

Zɔbu 33:27

Bɛa biikoo li, á re loe loe minin yɔrɔ-a, a pɛ: «Má sii baraa zɛnaa, ma kɔ zii lɛ wa. Sɛnɛ, Lawa ma kũ maa sii baraa li wa.

Loen 119:128

Bɛ lɛ n ke ma á pii máa, n doree boon lɛn tumaa n pepere a yɔrɔ tumaa li. Soɛ sii kɔn ba kɔɔ̃n ma ganaa wa.

Loen 119:75

Dɛnaa Lawa, ma á doɛ̃ máa n sii yɔrɔ bɔ ǹ boon lɛn tá pepere. N goã ń nɔmaa mɛn da ma mìi ni, ma á doɛ̃ máa sonbore tá n lon.

Loen 19:8

Dɛnaa Lawa a landa lɛ n siĩni, a lɛ n piɛ̃ nɛ, á pàã koe min a yiikoonaabaa la. Dɛnaa Lawa a landa boo á kɔnboe ka foo doamaa nɛ, á yiri koe sii doɛ̃baã wole la.

Suusun 1:8

Maa nɛ, n too kɔ n di a gɔn waa ǹ boon kɛn li. N nyan nə n piã ka a doroon ne wa.

Suusun 23:22

Ń di mɛn nə n yɛ á n da kanaa, n too kɔ a lon. Bɛ̀ n náa zizi kɔ, n nyan na a puusə kɔ wa.

Suusun 30:11

Min tɛnɛn man Lawa bíi ǹ di li, ǹ ba barka diɛ ǹ dan ganaa wa.

Suusun 30:17

Min mɛn bɛ́ yaa we ǹ di ganaa, a na a ba ǹ dan bɔlɔ sii wa, zankoon tá re a yii nànan fɔfoɛ̃, zèwon nə muĩ.

Suusun 6:20

Maa nɛ, kɔ n di a doroo n boon lɛ. N nyan nə n piã ka n dan a daraan kɛn nɛ wa.

Zeremii 35:14

Rekabu a nɛgiĩ Zonaadaabu pɛ a nɛnyaanan manɛ mà ǹ baran duvɛ̃ mi wa. Rekabu tɔrɔn lɛn nə́ bɛa boo lɛ si, ǹ duvɛ̃ mi wa, a da pelo yaa. A giala, maǹ nə́ ǹ digolo bɔlɔ si. Sɛnɛ, biikoo tumaa li, masɛ Dɛnaa Lawa boo da ka nɛ, sɛnɛ, ka n too kɔ ma lon wa.

Zeremii 35:18

Bɛ kio, Zeremii pɛ Rekabu tɔrɔn lɛn manɛ: – Dɛnaa Lawa Pàãyiidɛnaa, Izirayeli a Lawa n kɛ pii: «Ká kɔ ka digolo Zonaadaabu a gɔn waa lɛ. A boo mɛn tumaa pɛ ka nɛ, ka kɔ ǹ tumaa lɛ.

Zeremii 35:8

Wɔ digolo Zonaadaabu boo mɛn tumaa pɛ wɔ nɛ, wɔ n wɔ́ kɔ bɛ lɛ lɛ. Wɔa duvɛ̃ mii duduu wa, wɔa lɔn nɛ, wɔa nɛgiĩn ni ka wɔa nɛlɔn nɛ.

Ozee 14:9

Efrayimu, maa wàa n kɔn ka dìn kɛn nɛ doo. Ma din nə n lɛ sii, ma din nə n lɛduĩ. Masɛ n ka siprɛsi da bɛ́ lɔn, ma luu n tì biikoo yii li. N nɛ kɔ n boe masɛ li.

Lawa a wúlu-bɔlen 19:3

Kaa min gogoonmaa doamaa nɛ, a na a náa laanka a díi guguru kɔ, a masɛ a susu ǹ piin kɛn tamaa. Masɛ din Dɛnaa Lawa n kaa Lawa lɛa.

Luku 2:51

Bɛ kio, Yezu yoo á woo kunun ǹ ni Nazarɛti kiwi, á goã ǹ di laanka n dan bɔlɔ sii. N dan Mariya na á goã bɛa siin kɛn lɛn tumaa tamaɛ a gɔ́ɔ̃ nɛ.

Rɔmu minin 12:2

Ka baran tɔ wɔ, a kɔnpɛ ka kanaa minin sii zɛnaan nɛ wa. Ka toa Lawa ka bɔyaa, a yiri dii kɔ ka la, màn mɛn bɛ́ toɛ, ka Lawa dùũ sii dɔ̃, bɛ giala mà sii bǐɛ̃, sii mɛn bɛ́ kɔɔ̃n a ganaa, sii mɛn lɛ piɛ̃ bɛ́ nɛ.

Rɔmu minin 16:2

Ka kũ doɛ̃ sɔnbɔraanɛ Dɛnaa tɔ lɛ a lɛa, a kɔnpɛ ka Lawa-nyankɔlen sii zɛnaa ǹ gɔn nɛ. A laadoo bɛ́ re doe ka ganaa ka sii woo sii ni, ka bɛ zɛnaa nɛ. A giala, a dɔ nə́ n dɔ min gigiã lɛ, haalɛ masɛ dinmaa.

Rɔmu minin 7:12

Bɛa yɔrɔ kɛ lɛ la, dí-pɛn man nə́ bɔ Lawa li. Dí-pɛ gogoonmaa mɛn bɔ Lawa li ke, bɛ n pepere, a n siĩni.

Korɛnti1 15:58

A bɛ́ miɛ̃, ma dɔɔ̃nɔn lɛn, ka n doa sɔnbɔraanɛ, màn kɔ́n ná a boe la, a bìn da ka ganaa wa. Ka toa ka wo nyɛɛnɛ biikoo tumaa li, Dɛnaa a dí-nyɛɛ gɔ́ɔ̃ nɛ, a giala, ka á doɛ̃, mà ka bɛ́ dí mɛn nyɛɛ kun ka Dɛnaa nɛ, mà bɛa kooro lɛa wa.

Timəə dí-pɛn 21:18

Bɛ̀ nɛgiĩ too kaka-a piã wole ta giĩ mɛn lon, haalɛ ta ǹ di laanka ǹ dan dɛ, a ná a ba n too koe ǹ boo li wa,

Timote1 5:4

Sɛnɛ, bɛ̀ nɛnyaanan tá lɔ giɔɔrɔ mɛn lon, hinlaa ta a nɔ̀ɔnɔn manɛ, bɛn lɛn doamaa nɛ, ǹ nə ǹ kɔ Lawa a zii lɛ nyaa ǹ dinin kion minin man bɔrɔ, ǹ nə ǹ yɛ-wolen gɔn dòo saraa ǹ la. Màn mɛn bɛ́ kɔɔ̃n Lawa ganaa, a din lɛ n ka bɛ nɛ.

Piɛrɛ1 2:13

Ka minbuiinin pàã tumaa bɔlɔ si Dɛnaa lɛ a lɛa. Ka kii gole kɛ bɔlɔ si, asɛ lɛ n pàã lɛ a mìi gole lɛa.

Uruti 3:5

Uruti ná a lɛ si: «N màn mɛn tumaa pɛ ma nɛ, ma á re bɛ zɛnɛɛ.»

Samayeli1 17:20

Davida yoo baayɛlɛ yiisoone, á ná a tɔɔn lɛn lɛduə̃ toa min kɔsɔ gɔn. Á tɔ́n a guĩ saa, Zesee bɛ́ mà Davida wo ǹ golon giã ǹ bǎã nɛ, Davida woo á dɔ walan, bɛ̀ sɔraasin lɛn nə́ ke die woe zia la, ǹ nə́ ziabaa ǹ lɛ-dɛ we.