Efɛɛzi minin 4:10 - LAWA A BOO SONBORE 2011

¹⁰ Min mɛn bɛ́ á gisĩ, a din goon kɛ lɛ dɔ na á dii haalɛ lon sɔɔsɔɔ, ń giɛ á boe la a bǎã tumaa pã.

LAWA A BOO SONBORE

¹⁰ Min mɛn bɛ́ á gisĩ, a din goon kɛ lɛ dɔ na á dii haalɛ lon sɔɔsɔɔ, ń giɛ á boe la a bǎã tumaa pã.

Efɛɛzi minin 4:10 ပူးပေါင်းရင်းမြစ်များ

Matiə 24:34

Man pii ka nɛ, sonbore: Pelo minin kɛn ba re giɛ̃ ǹ nya, bɛ̀ bɛa sii kɛ tumaa ná a n zɛnaa wa.

Luku 24:44

Bɛ kio á pɛ ǹ nɛ: «Á ke man má goã má boon kɛn pɛ ka nɛ, bɛ̀ ma bɛ́ kun ka nɛ. Màn mɛn tumaa nə n kiɛ̃ masɛ wɔ gɔn la Muizu a dí-pɛn sɛ́wɔ nɛ, Lawa a boo gii-dalin wɔn nɛ, ka Loen sɛ́wɔ nɛ, yǎa bɛ lɛ tumaa lɛ piɛ̃.»

Zaã a sɛ́wɔ 1:16

A bǐɛ̃baa ǹ màn lɛ kɔ́n dɔ wɔ yii-a, a na á daa bǐɛ̃ da bǐɛ̃ li.

Zaã a sɛ́wɔ 19:24

Sɔraasin lɛn nə́ tɔ́n pɛ kɔn nɛ mà a ba siĩni ǹsɛn nə toɛ̃ wa. Mà á soɛ ǹsɛn nə n pã a ganaa, bɛ̀ á re doe min mɛn ganaa ǹsɛn nə bɛa dɛnaa dɔ̃. Lawa a boo màn mɛn pɛ, a na á n zɛnaa á kaa bɛ lɛ lɛ: «Ǹ nə́ maa mɔnaan gii kɔn, maa dɔnkɛ sasa ke, ǹ nə́ n pã bɛ ganaa.» Sɔraasin lɛn nə màn mɛn zɛnaa, a din lɛ n ke.

Zaã a sɛ́wɔ 19:28

Bɛ kio, Yezu bɛ́ doɛ̃ mà sii din tumaa nə́ n zɛnaa á nya sisia, á n toa mà mu boro na asɛ ganaa. A na á bɛ pɛ, màn mɛn bɛ́ toɛ, Lawa a boo din tumaa lɛ pã.

Zaã a sɛ́wɔ 19:36

Sonbore ne, kɛ din tumaa na á n zɛnaa màn mɛn bɛ́ toɛ, Lawa a boo lɛ pã: «A wen lɛn kɔ́n ba re yiɛ wa.»

Nya ǹ dín 1:11

ǹ nə́ pɛ ǹ nɛ: «Galilee gána minin lɛn, wàa na á baa ka n golee giɛ lon-a kɛnɛn? Lawa Yezu mɛn bɔ ka bii á dii lon, ka yɛ woe lon lɔn ke, a n die wusii a da bɛa yɔrɔ kɛ lɛ la.»

Nya ǹ dín 1:9

Bɛa boon kɛn lɛn diɛ kio, Yezu gòãn nə́ yoo ǹ nə́ n bɔ tán, á dii lon bɛ̀ ǹ nə́ giɛ a ganaa. Labara goon nə́ n kɔ lɛ ǹ yɔrɔ-a.

Nya ǹ dín 2:33

Lawa saa á da gugurubaa ǹ bǎã nɛ a din gusin. A Díi nə n lɛ kɔ la ka Yiri Fu mɛn nɛ, á bɛ kɔ la á dia wɔ la. Ka yii bɛ́ sii mɛn tumaa ganaa, ka nə ǹ mɛn tumaa dɔ miɛ, a din Yiri Fu lɛ a dí ni.

Nya ǹ dín 3:18

Sɛnɛ, Lawa din na á pɛ, mà asɛ lɛ kɔ ka Minin Nyin-sili mɛn nɛ, mà bɛ á re fuu yii. A boo gii-dalin tumaa saa lɛlɛ ǹ nə́ bɛ pɛ, mà Lawa na á toa ǹsɛn kɛn lɛn ná a lɛ pã ǹ sii zɛnaa.

Korɛnti2 12:2

A lɛ̀ fulusii n ke, má min goon dɔ̃, a n *Krita a min lɛa, a n sii-nyaa lɛa hinlaa, a n taãn lɛa hinlaa, ma a bɛ doɛ̃ wa, sɛnɛ, Lawa dinsɔɔ̃ n doɛ̃. Ǹ nə́ bɛa giĩ lɛ saa ǹ nə́ woo ne, yǎa lon gɔ́ɔ̃ giala-nyɔmɔɔ nɛ.

Efɛɛzi minin 3:19

Krita a kɔn-narɛɛ mɛn dɔ bɛ́ gole á la sii-doɛ̃ tumaa nɛ, a die a toa ka bɛ dɔ dɔ̃, ń giɛ Lawa mɛn bɛ́ a nyɛɛ duduu wa ka pã ka bɛ nɛ.

Kolɔɔsi minin 1:19

A na á kɔɔ̃n kɔ Lawa din ganaa, á Lawabaa ǹ sii tumaa lɛ-piɛ̃ wɔ a Nɛgiĩ lɛ nɛ,

Kolɔɔsi minin 2:9

Sɛnɛ Krita lɛ sɛ n màn dadaran laanka a goledɛnan kɛn tumaa mìi la. Lawa a Lawabaa din tumaa na á kaa kun, á minbuiin baa asɛ nɛ, á giã a nɛ ka a lɛ-piɛ̃maa nɛ. Kasɛn dɔn kaa-kun ka Krita-n lɛ barka nɛ, ka Lawa a sii tumaa lɛ-piɛ̃ yɛ.

Timote1 3:16

Sonbore ne, sii-durii mɛn bɛ́ wɔa golee Yezu li ǹ sii lɛa, á n nyaa, bɛ á gole á la yii ni: Á n din baa minbuiin nɛ lɛa, á daa, Lawa Yiri ná a peperebaa nyaa, Lon a dia dí-a wolen nə́ yɛ miɛ̃. A boo nə́ n kalaa tɔrɔn bii, kanaa minin nə́ golee li, Lawa tɔ́n saa á woo-n lon.

Ebrəə 4:14

Wúlu-bɔlen kiã gole gole tá wɔ lon, á lon bii kuru á kiɛ̃ yǎa Lawa yɔrɔ-a: Lawa a Nɛgiĩ Yezu lɛ nɛ. Bɛ lɛ nɛ, wɔ bɛ́ pii wáa wɔ lɛ kɔ goleemali mɛn ganaa, ka daa wɔ n gɔn paraa bɛ ganaa parsiini.

Ebrəə 7:26

Wɔ laadoo bɛ́ wúlu-bɔlen kiã mɛn ganaa, bɛ n ka Yezu ni. A n siĩni; zɛ̀rɛ laanka sii baraa kɔ́n ba a ganaa wa. A sii kɔ́n dɔ ba kun ka sii baraa-zɛnaalin wɔ-n wa. Lawa saa lon a ná a gole kɔ, á la lon màn tumaa nɛ.

Ebrəə 8:1

Ma bɛ́ boo mɛn diɛ, a gugurubaa ǹ bǎã n ka kɛ nɛ: Bɛa wúlu-bɔlen kiã kɛ lɛ tɔrɔ n wɔ lon, á n giã-n Lawa gole siĩn kɛ a kii dankan gusin lon gɔ́ɔ̃ nɛ.