Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efɛɛzi minin 3:9 - LAWA A BOO SONBORE 2011

9 Lawa na á bǐɛ̃ zɛnaa ma-n dɔn, mà ma n dɔ minin tumaa lɛ, ǹ Lawa a sii-durii kɛ a zɛnaa ǹ gɔn yɛ foaãnɛ. Lawa n màn tumaa zɛnaali lɛa. A din na á bɛa sii kɛ lɛ duru haalɛ lɛlɛ.

အခန်းကိုကြည့်ပါ။ ကော်ပီ

LAWA A BOO SONBORE

9 Lawa na á bǐɛ̃ zɛnaa ma-n dɔn, mà ma n dɔ minin tumaa lɛ, ǹ Lawa a sii-durii kɛ a zɛnaa ǹ gɔn yɛ foaãnɛ. Lawa n màn tumaa zɛnaali lɛa. A din na á bɛa sii kɛ lɛ duru haalɛ lɛlɛ.

အခန်းကိုကြည့်ပါ။ ကော်ပီ




Efɛɛzi minin 3:9
38 ပူးပေါင်းရင်းမြစ်များ  

Dɛnaa Lawa na á lon zɛnaa ka a din a boo ne, a na á lon màn tumaa zɛnaa, ka a din lɛ gɔ́ɔ̃ ǹ piɛ̃ nɛ.


Dɛnaa Lawa n kɛ pii n ni, asɛ mɛn bɛ́ n si sii la wole lɛa, asɛ mɛn nə n zɛnaa n dan gɔ́ɔ̃ nɛ: Ma din ni Dɛnaa Lawa lɛa. Màn mɛn tumaa bɛ́ á tan, ma din ni má ǹ zɛnaa. Ma dinsɔɔ̃ n má lon lɛ bɔ, má kanaa nyɔmaa, min kɔn goɛ̃ yɛ a-n wa.


Masɛ bɛ́ màn mɛn pii ka nɛ wɔlɔ tì li, ka pɛ wɔlɔ fúlu-a; ma bɛ́ màn mɛn pii ka nɛ dɔndɔɔn nɛ, ka pɛ sùnbaa ǹ bǎã nɛ, min tumaa ma.


A na á goã zɛnɛɛ miɛ̃, màn mɛn bɛ́ toɛ, Lawa a boo gii-dali màn mɛn pɛ, bɛ lɛ lɛ pã. A na á pɛ: Masɛ á die n lɛ buĩ ma boo giməə da ǹ nɛ. Masɛ á die n lɛ buĩ ma sii-duriin boo da, ǹ mɛnɛn bɛ́ durii-n haalɛ kanaa diɛ biikoo li.


Kii lɛ á die pii a gusin-dɛnan lɛn manɛ: «Ma Di Lawa barka da kasɛn mɛnɛn ganaa, á kiibaa ǹ bǎã zɛnaa á koa ka nɛ haalɛ kanaa a giala kɔ waáraa, ka da giã kaa bǎã nɛ.


Bɛ lɛ taman yii, ka woo, ka tɔrɔ tumaa baa maa kialandɛnan lɛa, ka *batɛmu da ǹ ganaa, ka Díi Lawa laanka a Nɛgiĩ ka Yiri Fu tɔ nɛ.


Maǹ die a giala koe Zeruzalɛmu ganaa, ǹ Lawa a boo pɛ ka a din tɔ nɛ tɔrɔn tumaa nɛ, mà ǹ wusoo ǹ sii baraan kio, ǹ golee Lawa li, màn mɛn bɛ́ toɛ, Lawa nə ǹ sii baraan toa ǹ nɛ.


Sɛnɛ, Yezu tɔ́n pɛ ǹ nɛ: «Haalɛ tɔn pelo, masɛ Di Lawa gɔn nə dí ganaa, masɛ dɔ gɔn nə dí ganaa.»


Yezu wusoo á n lɛ da boo lɛ nɛ, á pɛ ǹ nɛ: «Man taãn pii ka nɛ: Díi bɛ́ dí mɛn tumaa nyɛɛ, a din lɛ nɛ a Nɛgiĩ dɔ á nyɛɛ. A boe la a sii kɔ́n zɛnaa a din ganaa wa.


Masɛ din Dɛnaa lɛ n pii miɛ̃, masɛ mɛn bɛ́ má bɛa siin kɛn lɛn yɔrɔ bɔ má koa haalɛ lɛlɛ-lɛlɛ.»


Ma dɔɔ̃nɔn lɛn, man giɛ li ma sii-durii goon nyaa ka nɛ, màn mɛn bɛ́ toɛ, ka baran ka dinin baa sii-dɔ̃lin lɛa wa. Sonbore ne, Zuifun gigiã yiri tã, ǹ ba boe la ǹ tá màn kɔ́n giala miɛ wa. Sɛnɛ, bɛa re beleboe wa. A n die goɛ̃ miɛ̃, yǎa Lawa din a bíi wolen kɛn tumaa tɔrɔn kɔsɔn bii, bɛn nə die a ganaa ǹ nyɛɛ.


Haayii, Lawa a sii-doɛ̃ mɛn bɛ́ durii-n minbuiinin la, man bɛ yɔrɔ pii ka nɛ. Kanaa bɛ́ a tɔn nə n giala kɔ wa, Lawa din sii-doɛ̃ mɛn yɔrɔ bɔ, a n zoɛ̃ mà a na a tɔ golebaa gii kɔn ka wɔ nɛ, bɛ nɛ. Sɛnɛ, a na á toa durii ni.


Wɔa tá kun ka Krita-n lɛ a lɛa nɛ, Lawa wɔ bɔ a din wɔn lɛa, bɛ̀ a bɛ́ a tɔn kanaa zɛnaa wa. A n mà wɔ goã min sonboren lɛa a din yɔrɔ-a, zɛ̀rɛ ná a ba wɔ ganaa wa. A din a kɔn-narɛɛ gɔ́ɔ̃ nɛ,


Ma á doɛ̃, máa Lawa nə n toa a bǐɛ̃baa gɔ́ɔ̃ nɛ, á dí mɛn kɔ ma la, mà ma nya ka nɛ, ká a boo ma.


Ka Lawa nyankɔ masɛ dɔ a lɛa, bɛ̀ ma á boo diɛ, Lawa boo peperen wɔ ma lɛ-n, man bɔlɔ pɛ ka foo tãbaa nɛ, minin nə boo la, ǹ Boo Tii Kɔɔ̃n a sii-durii kɛ dɔ̃.


Sii goon dinsɔɔ̃ n ke, ka doamaa-n ka goã doa-n golee Lawa li gɔ́ɔ̃ nɛ, ka baran toa min ka na, a ka bɔ kaa foo-doa kɛ ganaa wa, ka foo-doa mɛn lɛ yɛ Boo Tii Kɔɔ̃n kɛ a miɛ gɔ́ɔ̃ nɛ. Bɛa Boo Tii Kɔɔ̃n kɛ lɛ, á n pɛ kanaa min din tumaa nɛ, Lawa na á masɛ Pooli dia bɛ lɛ nyɛɛ.


Bɛ na á goã sii-durii lɛa, á n kuməə-n haalɛ lɛlɛ-lɛlɛ, sɛnɛ, Lawa din na á bɛ nyaa kanna, a din a minin kɛn manɛ.


Sonbore, ka gã, kaa yiikoonaabaa lɛ n durii-n Lawa gɔn, ka Krita bɛ́ durii-n lɔn.


Ka n toa bɛ lɛ gɔ́ɔ̃ nɛ ka Lawa-nyankɔ wɔsɛn dɔn manɛ, màn mɛn bɛ́ toɛ, Lawa zii kɔ wɔ la, wɔ *Krita a boo kɛ da, ma bɛ́ kòso-n kanna boo mɛn a lɛa.


Dɔɔ̃nɔn lɛn, Dɛnaa bɛ́ á kasɛn mɛnɛn narɛ, wɔsɛn kɛn doamaa nɛ, wɔ barka da Lawa-n biikoo tumaa li kaa lɛa. Lawa na á ka bɔ bibinaanɛ, á n die ka kirisibiɛ. A n die ka kirisibiɛ, a giala, ká a wɔn baa ka a Yiri barka nɛ, ká golee Lawa a sonbore dɔ li.


Sonbore ne, sii-durii mɛn bɛ́ wɔa golee Yezu li ǹ sii lɛa, á n nyaa, bɛ á gole á la yii ni: Á n din baa minbuiin nɛ lɛa, á daa, Lawa Yiri ná a peperebaa nyaa, Lon a dia dí-a wolen nə́ yɛ miɛ̃. A boo nə́ n kalaa tɔrɔn bii, kanaa minin nə́ golee li, Lawa tɔ́n saa á woo-n lon.


Lawa din na á wɔ kirisibaa, á wɔ bíi á wɔ baa a din a minin lɛa. Wɔa zɛnaa ǹ siin lɛa bie wa; sɛnɛ, a na á wɔ bíi, a giala, mà a din foo sii ni. Haalɛ kanaa bɛ́ a tɔn nə n giala kɔ wa, a din na á bǐɛ̃ baa wɔ la ka Yezu Krita nɛ.


Sɛnɛ, Dɛnaa din nə́ n dɔ ma lɛ. Á pàã kɔ ma la, màn mɛn bɛ́ toɛ, ma boo lɛ tumaa laakalaa, tɔrɔ kɔsɔn tumaa ma. Dɛnaa ma si gɛ̀ la!


ń giɛ yiri doa nyin nyabaã ganaa kɛ á goɛ̃ ǹ li. Lawa mɛn bɛ́ a soɛ boe wa, a din na á lɛ kɔ wɔ la ka bɛa nyin nyabaã kɛ lɛ nɛ, bɛ̀ kanaa tɔn nə n giala kɔ wa.


Lawa na á ná a din lɛ bɔ, á koa bɛa lɛa, bɛ̀ kanaa bɛ́ a tɔn nə n da wa. A na á nyaa kanna a biikoo kɛ li biikoo giala-nyɔmiɛ lɛa, ka dinin bǐɛ̃ taman yii.


Tán mànan tumaa tá re a guguru koe, a saa kanaa giala kɔ waáraa ganaa, min mɛnɛn tumaa bɛ́ ǹ tɔ goã kiɛ̃-n Lawa a yiikoonaabaa ǹ sɛ́wɔ kɛ-n wa, bɛn tumaa á re a guguru koe. Sère Nɛ mɛn bɛ́ ǹ nə́ dɛ lɛlɛ, bɛ wɔ-n ka bɛa sɛ́wɔ kɛ lɛ nɛ.


Bɛ kio, má lon a dia dí-a wole goon kɔsɔ yɛ piɛ̃ lon sɔsɔɔ. Boo Tii Kɔɔ̃n mɛn bɛ́ a kɔɔ̃nbaa a nyɛɛ wa, bɛ na a gɔn, a n die pii tán minin manɛ, ǹ nə́ tɔrɔ tumaa lɛa, gána tumaa nɛ, bɔlɔ tɔrɔ totoro pɛlen lɛa, ka zaman tumaa nɛ.


N yii bɛ́ Tɔɔ mɛn ganaa, a yii goã koo, sɛnɛ, a yii a koo doo wa. Á re soe nɔmaa ǹ nyankɔrɔ zuzulu lɛ nɛ a wo a ziziɛ̃ ǹ bǎã nɛ. Tán minin mɛnɛn bɛ́ ǹ tɔ goã kiɛ̃-n yiikoonaabaa ǹ sɛ́wɔ kɛ nɛ kanaa giala kɔ waáraa wa, bɛ̀ bɛn nə́ yɛ, á re ǹ tɔwɛɛ. Taãn nɛ, a na á goã a yii n koo lɛlɛ, a yii ná a koo doo wa, sɛnɛ, a n die wusii a daa doo.


«Wɔa Dɛnaa Lawa, n kɔnbɔ min tumaa nə n tɔ bɔ, ǹ nə n tɔ gole kɔ, ǹ nə n pàãdɛnaabaa dɔ̃. A giala, n din nə n màn tumaa zɛnaa, n din foo sii na á toa ǹ tan, n din nə́ n yiikoonaabaa kɔ ǹ la.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ