Efɛɛzi minin 2:8 - LAWA A BOO SONBORE 2011

⁸ Lawa a bǐɛ̃ lɛ a lɛa nɛ, ká kirisibaa goleemali pàã ganaa. Bɛa kirisibaa kɛ bie boe ka dinin li wa, Lawa a bǐɛ̃baa ǹ màn nɛ.

LAWA A BOO SONBORE

⁸ Lawa a bǐɛ̃ lɛ a lɛa nɛ, ká kirisibaa goleemali pàã ganaa. Bɛa kirisibaa kɛ bie boe ka dinin li wa, Lawa a bǐɛ̃baa ǹ màn nɛ.

Efɛɛzi minin 2:8 ပူးပေါင်းရင်းမြစ်များ

Matiə 16:17

Yezu tɔ́n pɛ a dɔ nɛ: – Zonaasi a nɛgiĩ Simɔn ganaa, n wɔ na á bǐɛ̃ kɔ. A giala minbuiin nɛ bie á kɛ nyaa n nɛ wa, ma Di Lawa na á nyaa n nɛ.

Matiə 20:9

Min mɛnɛn nə dí giala kɔ wasamiɛn lɛn li, bɛn nə́ daa ǹ nə́ pinin goon dí nya ǹ giɔ̀mɔ yɛ.

Marki 16:16

Bɛ̀ min mɛn golee li, ka *batɛmu da a ganaa, Lawa á re bɛa dɛnaa kirisibiɛ. Bɛ̀ min mɛn golee li wa, Lawa á re dɔlɔ boe bɛa dɛnaa ganaa.

Luku 7:50

Yezu wusoo á pɛ lɔ lɛ nɛ: «N din a goleemali na á n kirisibaa. Wo ka nyɛnyɛɛ nɛ.»

Zaã a sɛ́wɔ 3:36

Bɛ̀ min mɛn golee a Nɛgiĩ lɛ li, nyin nyabaã n bɛa dɛnaa lon; bɛ̀ min mɛn na a bɔlɔ si wa, bɛa dɛnaa a die yiikoonaabaa yii wa, sɛnɛ, Lawa foo n goɛ̃ busii-n bɛ li.

Zaã a sɛ́wɔ 4:10

Yezu tɔ́n pɛ nɛ: «Bɛ̀ ma n Lawa a minin gɔ ǹ màn kɛ doɛ̃, ka masɛ mɛn dɔ bɛ́ má pɛ n nɛ máa n mu kɔ ma mi, bɛ̀ n din kɛ lɛ n die nɔ̀n diɛ masɛ la ka mu ni; bɛ̀ man die mu koe n la n mi, mu mɛn bɛ́ yiikoonaabaa koe min la.»

Zaã a sɛ́wɔ 5:24

Man taãn pii ka nɛ, bɛ̀ min mɛn nə́ n too kɔ masɛ a boo ganaa, á golee maa dia wole li, nyin nyabaã n bɛa dɛnaa wɔ lɛa. Kiri ba bɛa dɛnaa-a wa, sɛnɛ, bɛa dɛnaa na á soo gɛ̀ nɛ á wɔ yiikoonaabaa nɛ.

Zaã a sɛ́wɔ 6:35

Yezu mà ǹ ganaa: «Masɛ din nə yiikoonaabaa kɔ ǹ buuru lɛa. Bɛ̀ min mɛn daa masɛ li, bòo ba re bɛa dɛnaa kuĩ duduu wa, bɛ̀ min mɛn golee masɛ li, mu boro a re bɛa dɛnaa kuĩ doo duduu wa.

Zaã a sɛ́wɔ 6:37

Maa Díi bɛ́ min mɛn tumaa koe masɛ la, bɛn tá re die ma li, bɛ̀ min mɛn dɔ daa ma li, ma a re bɛ kɔ́n lui wa.

Zaã a sɛ́wɔ 6:40

Maa Díi foo sii lɛ n ke sonbore: Bɛ̀ min mɛn ná a Nɛgiĩ yɛ, yǎa a golee li, bɛa dɛnaa nyin nyabaã yɛ. Masɛ dɔ n die bɛa dɛnaa yii kiɛ kanaa a nya pinaa.»

Zaã a sɛ́wɔ 6:44

Min kɔ́n ba boe la a da masɛ li a din ganaa wa, maa Díi mɛn ma dia, yǎa bɛ lɛ diɛ zii. Ma dɔ á re bɛa dɛnaa yii kiɛ kanaa a nya pinaa.

Zaã a sɛ́wɔ 6:65

Á tɔ́n wusoo á pɛ: «Bɛ lɛ na á toa má pɛ ka-n lɛn, máa min kɔ́n ba boe la a da masɛ li, bɛ̀ maa Díi na a pàã kɔ ǹ dɛnaa la wa.»

Nya ǹ dín 13:39

Sɛnɛ, bɛ̀ ka golee Yezu li, Lawa á die kaa sii baraan tumaa toɛ ka nɛ.

Nya ǹ dín 14:27

Ǹ bɛ́ ǹ nə́ dɔ Antiɔsi, ǹ nə́ Lawa a sɔmɔ minin lɛ sɔkɔn. Lawa sii mɛn din tumaa zɛnaa ǹ gɔn, ka bɛ dɔ nɛ, a n dɔ ǹ lɛ lɔn tɔrɔ kɔsɔn nə́ lɛ kɔ ǹ nə́ wɔ golee Lawa li ǹ zii kɛ nɛ, ǹ nə́ bɛ laakalaa.

Nya ǹ dín 15:11

Sɛnɛ, wɔsɛn tá doɛ̃, wáa a din Dɛnaa Yezu lɛ a bǐɛ̃baa a lɛa nɛ, wɔsɛn nə́ kirisibaa yɛ, ka minin kɛn lɛn dɔn bɛ́ lɔn.»

Nya ǹ dín 16:14

Ǹ goon ne, a tɔ n Lidi, a n mɔnaa tɔnaa tɔrɔ kɔn siɛ̃, Tiatiiri kiwi min ni, á nyɛ́ɛ biɛ Lawa nɛ. Asɛ na á goã n too koe parsiini, a giala, Dɛnaa na á ná a foo lɛ bũ, a ná a taasiɛ din tumaa doa Pooli a boon kɛn ganaa.

Nya ǹ dín 16:31

Ǹ ná a lɛ si: «Golee Dɛnaa Yezu li, n tá re kirisibiɛ, n laanka n kion minin ni.»

Rɔmu minin 10:14

Sɛnɛ, maǹ die Dɛnaa lɛ nyankoe lɔn, bɛ̀ á daa yaa ǹ tɔn na a boo ma wa? Maǹ die a boo dɔ miɛ lɔn, bɛ̀ á daa yaa min kɔ́n ba a boo diɛ wa?

Rɔmu minin 10:17

Bɛa yɔrɔ kɛ lɛ la, minin laan mà ǹ golee Dɛnaa li, yǎa ǹ boo miɛ. Ǹ doamaa bɛ́ nɛ, ǹ boo mɛn ma, Krita din a boo kɛ nɛ.

Rɔmu minin 4:16

Lawa na á ná a lɛ kɔ ǹ sii lɛ zɛnaa a giala, mà Abrahamu golee li. Bɛa lɛ kɔ ǹ sii lɛ n bǐɛ̃baa ǹ màn lɛa á kɔ kooro. Bɛa yɔrɔ kɛ la, a n lɛ kɔ ka sii mɛn nɛ, bɛ n Abrahamu a nɛnyaanan tumaa wɔ lɛa. Ǹ mɛnɛn bɛ́ Lawa a dí-pɛn nə́ ǹ li, a bie bɛn dininsɔɔ̃nɔn wɔ lɛa wa. Sɛnɛ, ǹ mɛnɛn dɔn nə golee Lawa li ka Abrahamu din bɛ́ lɔn, a n bɛn dɔn wɔ lɛa. Abrahamu lɛ n wɔ tumaa a díi lɛa.

Rɔmu minin 4:5

Sɛnɛ, Lawa wɔ ba miɛ̃ wa. Lawa n giɛ golee Lawa li ganaa. Ta nya ǹ dí na a ba min lon á nyɛɛ wa, bɛ̀ á daa yaa, ǹ dɛnaa golee Lawa a zɛ̀rɛ bɔ sii baraa zɛnaali ganaa ǹ dí kɛ lɛ li, Lawa n lɛ koe ǹ dɛnaa ganaa min pepere lɛa, a goleemali kɛ lɛ a lɛa.

Rɔmu minin 9:16

Bɛ bie boe min kɔ́n dùũ li wa, ka min kɔ́n a doakasie-n wa, sɛnɛ, a n boe Lawa a makara dɔ̃libaa dinsɔɔ̃ li.

Galaasi minin 3:14

Bɛ na á n zɛnaa, màn mɛn bɛ́ toɛ, Lawa barka mɛn da Abrahamu ganaa, bɛ dɔ tɔrɔ kɔsɔn kɛn tumaa ganaa Yezu Krita pàã ganaa. Bɛa yɔrɔ kɛ lɛ la, goleemali barka nɛ, wɔ n boe la, wɔ Lawa a lɛ-kɔ ǹ Yiri Fu kɛ yɛ.

Galaasi minin 3:22

Sɛnɛ, Lawa a sɛ́wɔ pɛ, mà kanaa minbuiin tumaa n sii baraa pàã giulun. Màn mɛn bɛ́ toɛ, Lawa a lɛ-kɔ ǹ sii lɛ nə n zɛnaa goleemali wolen ne, ka golee Yezu Krita li barka nɛ.

Efɛɛzi minin 1:19

Pàã gole mɛn bɛ́ a lon goleemali wolen wɔ lɛa, a die a toa ka bɛ dɔ̃. A na á n we bɔ ka bɛa pàã gole kɛ lɛ nɛ,

Efɛɛzi minin 2:10

A giala, mà Lawa din na á wɔ yɔrɔ bɔ, á wɔ zɛnaa wɔa tá kun ka Yezu Krita-n kɛ gɔ́ɔ̃ nɛ, mà wɔ boo la wɔ nya ǹ dí sonboren nya. Lawa din na á saa lɛlɛ, á bɛa nya ǹ dín kɛn lɛn yɔrɔ bɔ, ń giɛ wɔ tá ǹ siin zɛnɛɛ.

Efɛɛzi minin 2:5

Bɛ lɛ nɛ, wɔ bɛ́ geren lɛa wɔa sã ǹ siin lɛa ǹ mɛn waáraa, a din na á wusoo á yiikoonaabaa kɔ wɔ la kun ka *Krita nɛ. Lawa a bǐɛ̃baa a lɛa nɛ ká kirisibaa.

Filipi minin 1:29

A giala, Krita wɔ paǹ li, Lawa na á bǐɛ̃ zɛnaa ka nɛ mà ka dí nya nɛ goleemali gɔ́ɔ̃ nɛ. Bɛ din sɔɔ̃ bie wa, a n mà ka fuu dɔ yɛ a lɛa.

Kolɔɔsi minin 2:12

Sonbore ne, ǹ bɛ́ ǹ nə́ *batɛmu da ka ganaa, a n goon ka maǹ nə́ ka bĩ kun ka Krita nɛ, ka yii wusoo á kaa kun ka a din ni, a giala, Lawa pàã mɛn na a yii kaa á bɔ geren bii, ka golee bɛ lɛ li.

Tesaloniki2 1:9

Dɔlɔ mɛn bɛ́ re n diɛ ǹ mìi ni, bɔ̀n gole á re ǹ yii, ǹ wɔlɔ á re lui Dɛnaa ganaa, ka a pàã sonbore kɛ nɛ.

Ebrəə 6:4

Min mɛnɛn nə goleemali wɔ, ǹ nə́ wusoo ǹ nə́ n piã ka goleemali ni, bɛn ba boe la, ǹ wusoo ǹ sii baraan kio doo wa. Ǹ nə́ goã ǹ nə́ wɔ wɔlɔ fúlu li, ǹ nə́ Lawa a lon a bǐɛ̃baa ǹ màn kɛ nɛ̀n da, ǹ nə́ Yiri Fu yɛ.

Piɛrɛ1 1:5

Maǹ koa-n ka dinin manɛ. Bɛ̀ ka á golee-n Lawa li, a din tá re ka tamaɛ ká a din pàã nɛ, màn mɛn bɛ́ toɛ, ka kirisibaa yɛ giala-nyɔmiɛ biikoo li, giala-nyɔmiɛ biikoo mɛn bɛ́ die kànaa ka boɛɛn nɛ.