Efɛɛzi minin 2:3 - LAWA A BOO SONBORE 2011

³ Wɔ tumaa n wɔ́ goã ka bɛn lɛn bɛ́ lɔn, wɔ ǹ wɔ́ goã wɔa sii zɛnɛɛ wɔa minbuiinbaa ǹ foo sii babaraan li. Wɔ gɔ̀nɔn laanka wɔ yiri bɛ́ giɛ màn mɛn li, wɔ ǹ bɛ zɛnɛɛ. Wɔa minbuiinbaa kɛ lɛ a lɛa nɛ, wɔ́ goã kɔnboe ka Lawa a foo-yoo kɛ lɛ nɛ, ka gialakunun tumaa wɔ bɛ́ lɔn.

LAWA A BOO SONBORE

³ Wɔ tumaa n wɔ́ goã ka bɛn lɛn bɛ́ lɔn, wɔ ǹ wɔ́ goã wɔa sii zɛnɛɛ wɔa minbuiinbaa ǹ foo sii babaraan li. Wɔ gɔ̀nɔn laanka wɔ yiri bɛ́ giɛ màn mɛn li, wɔ ǹ bɛ zɛnɛɛ. Wɔa minbuiinbaa kɛ lɛ a lɛa nɛ, wɔ́ goã kɔnboe ka Lawa a foo-yoo kɛ lɛ nɛ, ka gialakunun tumaa wɔ bɛ́ lɔn.

Efɛɛzi minin 2:3 ပူးပေါင်းရင်းမြစ်များ

Siin Giala 5:3

Aadã bɛ́ á lɛ̀ paabiɛ ka pɔsɔɔ (130) zɛnaa kanaa ǹ mɛn waáraa, á nɛgiĩ yɛ a din a kɔnboe lɛa, ka a din bɛ́ lɔn. A ná a tɔ kɔ Sɛɛti.

Siin Giala 6:5

Dɛnaa yɛ mà màn nə tɔ́n miɛ̃ minbuiinin baraabaa li tán. Biikoo tumaa li, sii baraa zɛnaa dinsɔɔ̃ a taasiɛ nə ǹ foo ne.

Siin Giala 8:21

Dɛnaa bɛa wúlu màn gìĩ kɔ́ɔ̃n lɛ ma, á tɔ́n pɛ a din gɔ́ɔ̃ nɛ kɛnɛn: «Ma a re lɛn pipiã bíi tán li doo duduu, minbuiin nɛ a zɛnaa ǹ sii taman yii wa. Minbuiin nɛ n yui tán ka sii baraa zɛnaa nɛ a foo-n sɛn, sɛnɛ, ma a re dɔlɔ boe màn yiikoonaa tumaa ganaa doo duduu, ka ma bɛ́ má zɛnaa lɔn wa.

Zɔbu 14:4

Die n boe la a màn *yoreen bɔ màn gɔgɔrɛ nɛ? Bɛa dɛnaa din banban.

Zɔbu 25:4

Minbuiin nɛ n siɛ lɔn a tɔn sonbore yɛ Lawa ganaa? Lɔ a yii kɛ lɛ n siɛ lɔn a tɔn goã *yoreen ne?

Loen 51:5

Ma á maa sãn doɛ̃, maa sii baraa lɛ n ma yɔrɔ-a duduu.

Izayii 53:6

Wɔ tumaa n wɔ goã ka sère papaã wolen bɛ́ lɔn, didie n woe a din mìi gialaa, Dɛnaa Lawa wɔ tumaa a siɛ̃n da a mìi ni.

Marki 4:19

sɛnɛ, kanaa sii a taasiɛn nɛ, naforo a lɛn bebele sii laanka foo sii tɔrɔ kɔsɔn man we ǹ ne, ǹ Lawa a boo lɛ kũ, ǹ baa nɛ-kɔbaã wole lɛa ka da nɛ-kɔbaã wole bɛ́ lɔn.

Zaã a sɛ́wɔ 1:13

Ǹ bie yii díi laanka náa la ka minbuiinin wɔ bɛ́ lɔn wa, sɛnɛ Lawa din nə yiikoonaabaa dii koe ǹ la.

Zaã a sɛ́wɔ 8:44

Kaa díi n ka *Sɛtaan nɛ, ka ǹ giɛ li ka kaa díi foo sii zɛnaa. A kũ kanaa a giala kɔ waáraa ganaa, a dí n ka gɛ̀ dɛ nɛ. A lɛ kɔ sonbore ganaa wa, a giala, sonbore kɔ́n ba a gɔ́ɔ̃-n wa. Bɛ̀ á soɛ boe, a din lɛ mui sii na á zɛnɛɛ, a giala, a n soɛ-bɔle lɛa, soɛ a díi dɔ nɛ.

Nya ǹ dín 14:16

Lɛlɛ á tɔrɔn tumaa toa walan, didie kɔ a din a zii lɛ.

Rɔmu minin 1:24

Bɛ lɛ na á toa, Lawa nə́ ǹ toa bɛa sii gɔgɔrɛ zɛnaan kɛn lɛn nɛ, á kɔnpɛ ǹ dinin foo dùũsiin ni, màn mɛn bɛ́ toɛ, ǹ sàn kɔ ka ǹ dinin gɔ̀nɔn nɛ.

Rɔmu minin 11:30

Kasɛn tɔrɔ kɔsɔn kɛn lɛn, lɛlɛ ká goã ká Lawa bɔlɔ tii. Sɛnɛ kanna, Zuifun Lawa bɔlɔ-tii taman yii, Lawa makara bɔ ka ganaa.

Rɔmu minin 13:14

Ka Dɛnaa Yezu *Krita pàã wɔ ka ganaa, ka baran ka dinin kɔ gɔ̀nɔn foo siin kɛn la, ka ǹ bɔlɔ sɛ̀-mui siin kɛn zɛnaa wa.

Rɔmu minin 2:14

Lawa a dí-pɛn ba tɔrɔ kɔsɔn kɛn li wa, sɛnɛ, minin tá ǹ bii ǹ nə́ tɔ we, a n kɔnpii ka bɛa dí-pɛn kɛn lɛn nɛ. A laanɛ ǹ ba dí-pɛn lɛn siére-a wa, manə ǹ bɔlɔ sii dɔn ǹ dinin ganaa.

Rɔmu minin 5:10

Sonbore, wɔ n wɔ́ goã Lawa a zɔ́ɔn lɛa, sɛnɛ, a Nɛgiĩ a gɛ̀ lɛ taman yii, Lawa wɔa zɔ́ɔbaa lɛ nya. Sisia kəni, wɔ bɛ́ kun ka Lawa nɛ, wɔ á re kirisibiɛ a nɛgiĩ a yiikoonaabaa kɛ taman yii.

Rɔmu minin 5:9

Krita bɛ́ á lɛ kɔ á gã wɔ a lɛa, Lawa lɛ kɔ wɔ ganaa min peperen lɛa, wɔ́ waa la dɔn, wáa á re wɔ kirisibiɛ biɛ̃ ǹ dɔlɔ kɛ ganaa.

Rɔmu minin 6:12

Ka baran toa sii baraa goã kii lɛa ka gɔ̀nɔn siĩ gã wole kɛ la doo wa. Ka baran kɔ dùũ sii babaraan kɛn lɛ doo wa.

Rɔmu minin 7:18

A giala, wɔ́ dɔ̃ wáa sii sonbore kɔ́n ba wɔ gɔ́ɔ̃-n wa, bɛ giala mà ǹ kɔ́n ba wɔ dinin ni wa. Ga sii bǐɛ̃ li n kɔɔ̃n wɔ ganaa, sɛnɛ, a zɛnaa ke, wɔ a boe bɛ la wa!

Rɔmu minin 9:22

Lawa dɔ bie zɛnɛɛ miɛ̃ minbuiinin man wa? Hiĩ! A n zɛnɛɛ miɛ̃. Min tɛnɛn tan, Lawa n die kiri kuri ǹ la ka foo-busii gole ne. Bɛn doamaa-n ka bɔ̀n dinsɔɔ̃ nɛ. A laanɛ Lawa nə́ ǹ sii si a ganaa á belebɔ nɛ, a n die foo-busii gole laanka a din pàã kɛ nyɛɛ ǹ nɛ.

Korɛnti1 4:7

Wàa nə n laanka n miãn bɔ kɔn lɛ lɛa? Màn mɛn tumaa bɛ́ yii n lon, Lawa bie á kɔ n la wa? Bɛ̀ á miɛ̃, wàa na á baa n tá n din koɛ nɛ, ka n pɛ mà ǹ bie ǹ nə́ kɔ n dɔ la wa?

Korɛnti2 7:1

Maa giaáran lɛn, bɛa lɛ-kɔ ǹ siin kɛn lɛn là á gole wɔ ganaa. Bɛ lɛ n toɛ, sii mɛn tumaa bɛ́ gɔ̀nɔn laanka telenboen gɔgɔrɛ koe, ka daa wɔ n bɔ bɛn wɔlɔ li, wɔ n dinin *yoreen kɔ lenlen. Ka daa wɔ nyɛ́ɛ baa Lawa yii ni.

Galaasi minin 3:22

Sɛnɛ, Lawa a sɛ́wɔ pɛ, mà kanaa minbuiin tumaa n sii baraa pàã giulun. Màn mɛn bɛ́ toɛ, Lawa a lɛ-kɔ ǹ sii lɛ nə n zɛnaa goleemali wolen ne, ka golee Yezu Krita li barka nɛ.

Efɛɛzi minin 2:2

Ka ǹ ká goã bɛ lɛ gɔ́ɔ̃-n lɛlɛ, bɛ̀ ka bɛ́ tɔn koe kanaa kɛ a zɛnaa ǹ siin lɛ. Kanaa lɛ a goledɛnaa mɛn bɛ́ kii lɛa lon laanka tán biin ni, yiri lɛa dí nyɛɛ Lawa bɔlɔ-tiilin bii, ka ǹ ká goã bɛ bɔlɔ sii.

Efɛɛzi minin 4:22

Ka goã gɔ̀nɔn foo siin mɛnɛn zɛnɛɛ, kaa giã ǹ gɔn zizi kɛ nɛ, ka n bɔ bɛn wɔlɔ li. Bɛa gɔ̀nɔn foo siin kɛn lɛn man nə́ goã ka siɛ̃, ǹ nə́ ka ziziɛ̃.

Kolɔɔsi minin 1:21

Bɛ na á n zɛnaa ka dɔn manɛ. Lɛlɛ ka goã Lawa doɛ̃ wa, ka bɛ dɔ-n doo, ka n ká goã a zɔ́ɔn lɛa, a giala, ka n ká goã sii baraan taasɛ, ka nə́ ǹ zɛnɛɛ dɔn.

Tesaloniki1 4:13

Dɔɔ̃nɔn lɛn, min mɛnɛn bɛ́ ǹ nə́ gã, wɔ ba li wɔ ka yii toa tì bɛn sii gɔ́ɔ̃-n wa. A giala, wɔ ba li ka goã yɔrɔ-kɔsiɛ gɔ́ɔ̃ nɛ, ka min gialakunun mɛnɛn bɛ́, foo-doa ǹ bǎã ná a ba ǹ lon wa.

Tesaloniki1 5:6

Bɛ lɛ nɛ, wɔ baran nyuù wɔ ka min gialakunun bɛ́ lɔn wa, sɛnɛ, wɔ n yii dɔraa wɔ yii goã kɔɔ̃nɛ.

Timote1 6:9

Sɛnɛ, min mɛnɛn bɛ́ giɛ màndɛnaabaa li, damagɔ́ɔ̃li ǹ kan lɛ n bɛn kuĩ. Baãnaabaa ǹ foo sii naarɛ gigiã nə ǹ kuĩ. Bɛn lɛn man minin ziziɛ̃, ǹ bɔ̀n da ǹ ganaa.

Tiitii 3:3

A giala, lɛlɛ, wɔsɛn dɔn man wɔ goã yiri wɛɛnaan lɛa, lɛ-tiilin lɛa, sã wolen lɛa. Wɔ dɔn man wɔ́ goã taasiɛn laanka foo sii baraa tɔrɔ gigiã a bɛ̀rɛn lɛa. Wɔ ǹ wɔ́ goã wɔa yiikoonaabaa zɛnɛɛ baraabaa gɔ́ɔ̃ nɛ, ka yiri koa sii ganaa nɛ. Wɔ goã bɔnɛɛ taãn-taãnɛ, wɔ n kɔn biɛ zɔ́ɔ.

Piɛrɛ1 1:14

Ka goã Lawa bɔlɔ-silin lɛa, ka baran ka dinin kɔ kaa lɛlɛ a dùũ sii babaraan kɛn la wa, ka bɛ́ ká goã dùũ siin mɛnɛn zɛnɛɛ kaa Lawa doɛ̃baã biikoo li.

Piɛrɛ2 2:14

Yii bɔ lɔn li nə ǹ dí lɛa; sii baraa zɛnaa ba ǹ gɔ̀nɔn boe wa. Maǹ gɔn diɛ min pàã wɛɛnaan ganaa ǹ tá ǹ kuĩ. Ǹ la yii n kakaɛ̃ ka ga màn li baraa nɛ. Bɔ̀n minin manɛ Lawa yɔrɔ-a.

Piɛrɛ2 2:18

Sonbore, maǹ din gole kɔ laanka baãnaabaa ǹ boon diɛ. Min mɛnɛn soo a bɔ min yiri siɛ̃ wolen bii bɛ́ a tɔn belebɔ wa, maǹ gɔn diɛ bɛn ganaa, ǹ tá ǹ kuĩ ka ǹ dinin naarɛbaa ǹ dùũ sii babaraan nɛ.

Zaã1 2:16

A giala, màn mɛn tumaa bɛ́ kanaa wɔ lɛa, yii bɔ màn li ni, gɔ̀nɔn foo sii baraan manɛ, ka din koa kanaa siin la nɛ. Bɛn kɔ́n bie boe Díi Lawa li wa, sɛnɛ maǹ kanaa wɔn lɛa.

Zaã1 2:8

Sɛnɛ, a n dí-pɛ dii dɔ lɛa man diɛ ka la, a taãnbaa n yii Krita nɛ, ka kasɛn dɔn nɛ. A giala, wɔlɔ tì n kiɛ̃ wɔlɔ fúlu taãn nə tɛ pii gɔrɔ.