Efɛɛzi minin 2:10 - LAWA A BOO SONBORE 2011

¹⁰ A giala, mà Lawa din na á wɔ yɔrɔ bɔ, á wɔ zɛnaa wɔa tá kun ka Yezu Krita-n kɛ gɔ́ɔ̃ nɛ, mà wɔ boo la wɔ nya ǹ dí sonboren nya. Lawa din na á saa lɛlɛ, á bɛa nya ǹ dín kɛn lɛn yɔrɔ bɔ, ń giɛ wɔ tá ǹ siin zɛnɛɛ.

LAWA A BOO SONBORE

¹⁰ A giala, mà Lawa din na á wɔ yɔrɔ bɔ, á wɔ zɛnaa wɔa tá kun ka Yezu Krita-n kɛ gɔ́ɔ̃ nɛ, mà wɔ boo la wɔ nya ǹ dí sonboren nya. Lawa din na á saa lɛlɛ, á bɛa nya ǹ dín kɛn lɛn yɔrɔ bɔ, ń giɛ wɔ tá ǹ siin zɛnɛɛ.

Efɛɛzi minin 2:10 ပူးပေါင်းရင်းမြစ်များ

Loen 100:3

Ka dɔ̃ mà Dɛnaa Lawa n Lawa lɛa. A din na á wɔ zɛnaa, wɔ na a din wɔn lɛa. A din a minin man wɔ nɛ, a n wɔ lɛduĩ ka n bɛ́ tɔɔn lɛduĩ lɔn.

Loen 119:3

Ǹ ba sii baraa zɛnɛɛ wa, maǹ koe Dɛnaa Lawa foo sii boon lɛ.

Loen 138:8

Dɛnaa Lawa á re sii tumaa bǐɛ̃ koe, a kɔ ma la. Dɛnaa Lawa, n kɔn-narɛɛ gole kɛ a nyɛɛ duduu wa. N din gɔn na á wɔ zɛnaa, n nyan wɔ daa bii-a wa.

Loen 51:10

Ma makara dɔ̃ ǹ boo da ma nɛ, ma foo á re kɔɔ̃n koe a la yii ni. N masɛ mɛn yɔyɔrɛ, toa ma foo kɔɔ̃n kɔ!

Loen 81:13

Bɛ lɛ nɛ, ma ǹ toa walan, ǹ baãnaabaa ǹ too kakabaa gɔ́ɔ̃ nɛ. Haya, ǹ kɔ ǹ dinin dùũ lɛ kəni.

Izayii 19:25

Dɛnaa Lawa Pàãyiidɛnaa n die barka diɛ ǹ ganaa a pɛ: «Man barka diɛ maa zaman Ezipti ganaa, ka Asiirii mɛn bɛ́ má zɛnaa ka ma gɔn nɛ, ka Izirayeli gána kɛ nɛ maa wɔ lɛa.»

Izayii 29:23

A giala, ma bɛ́ re sii mɛn zɛnɛɛ ǹ bii, ǹ dinin laanka ǹ nɛnyaanan tá re bɛ yii. Ka bɛ-n kəni, ǹ tá re ma tɔ boe. Ǹ tá re doɛ̃ mà Zakɔba a Lawa kɛ á sonbore, ǹ tá re nyɛ́ɛ biɛ Izirayeli a Lawa kɛ yii ni.

Izayii 43:21

Ma tɔrɔ mɛn lɛ yii gɔgɔɔ̃ maa wɔ lɛa, bɛ á re ma tɔ boe.

Izayii 43:7

Ma tɔ bɛ́ min mɛnɛn tumaa ganaa, ma ǹ mɛnɛn tumaa da, má nyin kɔ ǹ la, ma ǹ mɛnɛn zɛnaa, ka wusoo ka da ǹ nɛ, ǹ gugurubaa da ma tɔ la.

Izayii 44:21

«Nsɛ Zakɔba n yiri kɔ ka kɛ nɛ, nsɛ Izirayeli, a giala ma n maa dí-nyali lɛa. Man má n zɛnaa máa n maa dí nya. Izirayeli, ma yiri a boe n ne wa.

Izayii 60:21

N zaman kɛa minin tumaa n die goɛ̃ pepere, gána lɛ n die goɛ̃ ǹ wɔ lɛa yǎa duduu. Maǹ ka da gùrù bɛ́ lɔn, ma dinmaa nə́ ǹ zumu. Ma din gɔn na á ǹ zɛnaa, maǹ maa gugurubaa nyɛɛ.

Izayii 61:3

*Siɔn minin mɛnɛn bɛ́ gɛ̀ koɛ, ma doamaa nɛ ma mɔnaa gɔn sonbore pɛnɛ ǹ mìi ganaa gɛ̀ koa ǹ ton kɛ bǎã nɛ; ma doamaa nɛ ma nyɔɔ gìĩ kɔɔ̃n kaa ǹ ganaa ǹ gɛ̀ koa kɛ dòo. Ma doamaa nɛ ma zɔ́n mɔnaa wɔ ǹ ganaa ǹ foo ziziɛ̃ kɛ dòo lɛa. Ka bɛ-n kəni, ǹ tá re ǹ bíi: «Peperebaa ǹ da, dù gɔrɔ mɛn bɛ́ Dɛnaa Lawa a siĩnbaa nyɛɛ».

Zeremii 31:33

Dɛnaa Lawa n pii doo: – Ma bɛ́ re lɛ kɔ kɔn la mɛn we ka Izirayeli minin ni bɛa waáraa lɛ nɛ, á ke. Ma á re maa dí-pɛn kɛn we ǹ yiri ni, ma wɔ ǹ foo ne. Ma á re ǹ Lawa biɛ, ǹ dɔn tá re maa zaman biɛ.

Matiə 5:16

Kaa bólon fúlu doamaa nɛ a kũ minin yɔrɔ-a miɛ̃, màn mɛn bɛ́ toɛ minin nə kaa zɛnaa ǹ sii sonboren yɛ, ǹ boo la ǹ kaa Díi Lawa guguru kɔ.

Zaã a sɛ́wɔ 3:21

Sɛnɛ, bɛ̀ min mɛn tá sii sonbore zɛnɛɛ, bɛa dɛnaa n soe wɔlɔ fúlu li, màn mɛn bɛ́ toɛ, minin na a zɛnaa ǹ siin yɛ foaãnɛ.»

Nya ǹ dín 9:31

Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.

Nya ǹ dín 9:36

Lɔ goon na á goã Zoopee kiwi, a na á goã Lawa-nyankɔle lɛa, a tɔ n Tabita, ka Grɛki bɔlɔ nɛ mà Dɔrkaasi, bɛ giala mà "Wore". Á goã zɛnaa ǹ sii sonboren zɛnɛɛ parsiini, á goã doobaan dɔn goe ka màn nɛ.

Rɔmu minin 8:1

Sisia kəni, min mɛnɛn bɛ́ kaa-n kun ka Yezu *Krita nɛ, dɔlɔ ba bɛn mìi-n doo wa.

Rɔmu minin 8:29

A giala, Lawa din bɛ́ á saa lɛlɛ á min mɛnɛn bɔ, a din na á bɛn kaa ǹ gɔrɔn. A na á ǹ baa a Nɛgiĩ a kɔnboen lɛa, ǹ nə́ ǹ diɛ̃n lɛa, màn mɛn bɛ́ toɛ, Nɛgiĩ lɛ goã gole ǹ bii.

Korɛnti1 3:9

Wɔsɛn man kun Lawa a dí-nyalin lɛa, kasɛn man Lawa a wuru lɛa, á n kɔsɛ. Lawa bɛ́ kion mɛn dɔ doe, ka ǹ bɛ lɛa.

Korɛnti2 5:17

Bɛ̀ min golee Krita li, ǹ dɛnaa na á màn dii baa: a màn zizibaa nya, á ke, a n màn dii lɛa.

Korɛnti2 5:5

Lawa din na á wɔ zɛnaa bɛa bɔyaa miɛ̃ kɛ lɛ taman yii, á Yiri Fu kɔ wɔ la, a biɛ̃ ǹ bǐɛ̃baa ǹ màn bibinaa lɛa.

Korɛnti2 9:8

Pàã tá Lawa lon, á boe la a toa ka bǐɛ̃ tɔrɔ gigiã yɛ, ń giɛ ka á boe la ka n laadoo màn tumaa yɛ, ka a laman yɛ, ka bǐɛ̃baa ǹ dí sonbore tumaa nya nɛ.

Galaasi minin 6:15

Kurii ni ka kuriibaã nɛ, bɛ kɔ́n ba màn lɛa wa. Lawa a wusoo a wɔ baa min dii lɛa ke, bɛ dinsɔɔ̃ n màn lɛa.

Efɛɛzi minin 1:1

Masɛ Pooli n Yezu *Krita a dia dí-a wole lɛa, á kɔnpɛ ka Lawa foo sii ni. Kasɛn Efɛɛzi a Lawa a minin mɛnɛn bɛ́ bɔlɔgoondɛnan lɛa, tá kun ka Yezu Krita-n gɔ́ɔ̃ nɛ, ma á fòo diɛ ka nɛ.

Efɛɛzi minin 1:4

Wɔa tá kun ka Krita-n lɛ a lɛa nɛ, Lawa wɔ bɔ a din wɔn lɛa, bɛ̀ a bɛ́ a tɔn kanaa zɛnaa wa. A n mà wɔ goã min sonboren lɛa a din yɔrɔ-a, zɛ̀rɛ ná a ba wɔ ganaa wa. A din a kɔn-narɛɛ gɔ́ɔ̃ nɛ,

Efɛɛzi minin 2:13

Sɛnɛ kanna, Yezu Krita wɔbaa gɔ́ɔ̃ nɛ, ka bɛ́ ká goã sɔsɔɔ a ganaa, ka n ká wusoo ka n mɔrɔ a ganaa, Krita din a gɛ̀ pàã ganaa.

Efɛɛzi minin 2:15

Á Zuifun Landa ziziɛ̃ kɔnlɛ ka a dí-pɛn kɛn laanka ǹ zɛnaa ǹ gɔnɔn nɛ. Bɛ a zɛnaa miɛ̃ kɛ lɛ gɔ́ɔ̃ nɛ, a na á zɔɔ̃ li, mà a tɔrɔ paa kɛ lɛ baa zaman dii goon toto lɛa, kun ka a din ni. A na á baa miɛ̃ á là nyantoro koa.

Efɛɛzi minin 2:2

Ka ǹ ká goã bɛ lɛ gɔ́ɔ̃-n lɛlɛ, bɛ̀ ka bɛ́ tɔn koe kanaa kɛ a zɛnaa ǹ siin lɛ. Kanaa lɛ a goledɛnaa mɛn bɛ́ kii lɛa lon laanka tán biin ni, yiri lɛa dí nyɛɛ Lawa bɔlɔ-tiilin bii, ka ǹ ká goã bɛ bɔlɔ sii.

Efɛɛzi minin 2:6

Wɔa tá kun ka Yezu Krita-n lɛ a lɛa, Lawa wusoo á yiikoonaabaa kɔ wɔ la kun ka a din ni, mà wɔ die wɔ boo la, wɔ goã pàã la kun ka a din ni lon.

Efɛɛzi minin 4:1

Masɛ n kòso nɛ lɛa, maa Dɛnaa Yezu a dí-nyalibaa a lɛa. Man ka nyankoe, máa ka giã doɛ̃, a kɔnpɛ ka Lawa á ka bíi ǹ mìi kɛ nɛ.

Efɛɛzi minin 4:24

Lawa foo sii dii mɛn zɛnaa a din a kɔnboe lɛa, ka kɔ bɛ lɛ. Ka á re min peperen biɛ, ka min sonboren baa ka sonbore barka nɛ.

Timəə dí-pɛn 32:6

Baãnaan man ka nɛ, sii-doɛ̃ nya ka-a. Ka dinin man kɛ miã zɛnɛɛ Dɛnaa Lawa-n sonbore? Táa ka a Díi n ka a din lɛ nɛ, táa ka zɛnaali ni? A din na á ka zɛnaa, á ka koa a din a minin lɛa.

Timəə dí-pɛn 5:33

Kaa Lawa, Dɛnaa Lawa màn mɛn tumaa pɛ ka nɛ á laa, ka kɔ bɛ lɛ pepere, màn mɛn bɛ́ toɛ, ka yii goã koo, kaa wɔ boo la a bǐɛ̃ kɔ, ka nyin sasa yɛ gána kɛ nɛ, ká n die sii ka baa kaa wɔ lɛa.

Filipi minin 1:6

Ma foo doamaa-n kɛ ganaa: Lawa dí sonbore mɛn giala kɔ ka gɔ́ɔ̃ nɛ, á re toɛ bɛ wo miɛ̃, a wo n giala-nyɔmɔɔ Yezu Krita a lɛawaa kɛ ganaa.

Filipi minin 2:13

A giala, Lawa á tɔn dí nyɛɛ ka nɛ, ka boo la ka pàã yɛ, ka lɛ kɔ ka sii zɛnaa, a kɔnpɛ ka a din a dí yɔrɔ bɔ kɛ nɛ.

Kolɔɔsi minin 1:10

Bɛa yɔrɔ kɛ lɛ la, ka á re boe la ka tɔ wɔ, ka Dɛnaa tɔ bɔ, ka á re boe la dɔn ka a dùũ siin zɛnaa biikoo tumaa li. Ka á re bǐɛ̃ tɔrɔ tumaa zɛnɛɛ, kaa dí á re bǐɛ̃ koe, ka á re woe nyɛɛnɛ Lawa doɛ̃ gɔ́ɔ̃ nɛ.

Kolɔɔsi minin 3:10

ká dùũ sii diin saa, Lawa din nə ǹ mɛnɛn zɛnaa. Bɛa dùũ sii diin kɛn lɛn, Lawa nə ǹ gialaa tetele miɛ̃, mà ǹ nə n baa ka a din wɔn bɛ́ lɔn, màn mɛn bɛ́ toɛ, ka asɛ Lawa dɔ̃ taãn-taãnɛ.

Tesaloniki2 2:17

A din laanka wɔa Dɛnaa Yezu Krita die ǹ foo tãbaa kɔ ka la, ǹ pàã dɔ kɔ ka la ka sii sonbore zɛnaa, ka boo sonbore da biikoo tumaa li.

Timote1 2:10

Sɛnɛ, man giɛ li, máa ǹ nə n dinin là nyaa ka sii sonboren ne, ka lɔ nyɛ́ɛ baa Lawa n wole doamaa bɛ́ a zɛnaa lɔn.

Timote1 5:10

Yǎa a tɔ goɛ̃ boe-n sii sonbore zɛnaa gɔ́ɔ̃ nɛ, a goã a ná a nɛnyaanan too sɔnbɔraanɛ. Min mɛnɛn bɛ́ die a piɛ a bɛn kũ doɛ̃, á n din gisĩ ǹ dí nyɛɛ Lawa a minin manɛ, a nə́ n doe nɔmaa-wɔlen lɛ, á n sii sonbore tɔrɔ tumaa zɛnɛɛ.

Timote1 5:25

Zɛnaa ǹ sii sonboren lɛn dɔn man yii foaãnɛ miɛ̃. Haalɛ ta ǹ mɛnɛn ba yii foaã wa, ǹ ba boe la ǹ goã durii-n wa.

Timote1 6:18

A pɛ ǹ nɛ, mà ǹ sii bǐɛ̃ zɛnaa, ǹ naforodɛnan baa sii sonbore zɛnaa gɔ́ɔ̃ nɛ. Ǹ toa bǐɛ̃baa ǹ foo yɛ ǹ lon, ǹ min kɔsɔn gɔ ka màn nɛ.

Timote2 2:21

Bɛ̀ min mɛn nə n din kũ, bɛa boo kooron lɛn ganaa, bɛa dɛnaa á die dí nya ǹ màn sonbore biɛ. A giala, a n Dɛnaa wɔ lɛa, á n sii bǐɛ̃ koe Dɛnaa nɛ, á n boe la a zɛnaa ǹ sii sonbore tumaa zɛnaa.

Timote2 3:17

Lawa a Boo lɛ n bɛ zɛnɛɛ, màn mɛn bɛ́ toɛ, Lawa a dí-nyali a sii lɛ pã, a boo la a dí sonbore tumaa nya.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Tiitii 2:7

N dinmaa lɛ kəni, n doamaa nɛ, n goã dí sonboren giala-nyaali lɛa sii tumaa gɔ́ɔ̃ nɛ. N goã parsiidɛnaa lɛa, n boo ná a giala la, n minin-daraa gɔ́ɔ̃ nɛ.

Tiitii 3:1

Lawa-nyankɔlen tumaa yiri da a nɛ, mà ǹ doamaa nɛ, ǹ nə n doroo nyɛɛnaan-bɔlen laanka pàãdɛnan manɛ. Mà ǹ doamaa nɛ ǹ nə ǹ lɛ si, ǹ goã dí sonbore tumaa nya a lɛa.

Tiitii 3:14

Wɔ dɔn Lawa-nyankɔlen lɛn doamaa nɛ ǹ nə n daraa dí sonbore nyali taãnbaa lɛ ganaa. Màn mɛn bɛ́ toɛ, ǹ boo la ǹ laadoo taãnan saa ǹ bɔ kɔn la. Bɛa yɔrɔ kɛ la, ǹ tá kanaa ba re goɛ̃ là ná a ba a ganaa wa.

Tiitii 3:8

Bɛ lɛ n boo taãn lɛa, min nə́ boe la, a n foo doa a ganaa. Man giɛ li, máa n bɛ lɛ pɛ n laa parsiini, ń giɛ golee Lawa li wolen tá n tele, ǹ dí sonboren nyali taãnan baa. Màn mɛn bɛ́ siĩni, a là n minbuiinin ganaa, bɛ lɛ n ka bɛ nɛ.

Ebrəə 10:24

Ka daa wɔ n yiri kɔ kɔn li, wɔ kɔn da kɔn-narɛɛ ganaa ka dí sonboren nyɛɛ nɛ.

Ebrəə 13:21

máa a die a pàã kɔ ka la, ka boo la ka a din dùũ sii sonbore kɛ yii zɛnaa. A din die a na a din dùũ siin zɛnaa wɔsɛn ganaa, ka Yezu Krita barka nɛ. Gugurubaa goã a din wɔ lɛa yǎa duduu! A n miɛ̃.

Piɛrɛ1 2:12

Ka toa kaa tɔ wɔ ǹ gɔn siĩn kɔ Lawa-nyankɔle baãnaan bii, màn mɛn bɛ́ toɛ, tà maǹ ka tɔ ziziɛ̃, mà ka n baraa-zɛnaalin lɛa ka sii mɛn nɛ, kaa nya ǹ dí sonboren kɛn doɛ̃ nə n baa pàã lɛa ǹ ganaa, ǹ boo la ǹ Lawa guguru kɔ a din nyaa ǹ nɛ pinaa.

Zaã1 1:7

Sɛnɛ, bɛ̀ wɔ á tɔ we wɔlɔ fúlu li, ka Lawa din bɛ́ wɔlɔ fúlu li lɔn, wɔ á re kaa-kun sonbore yii ka wɔ miãn nɛ. A Nɛgiĩ Yezu mà kɛ n wɔ *yoreen koe, a wɔ bɔ wɔa sii baraa tumaa nɛ.

Zaã1 2:6

Min mɛn bɛ́ pii mà asɛ á kun ka Lawa nɛ, bɛ doamaa nɛ a Yezu gòɛ̃ saa.